រមណីយដ្ឋានទេសចរណ៍ប្រាសាទភ្នំដា ជាទីទេសចរណ៍ដែលមានភាពទាក់ទាញ ទាំងផ្នែកប្រវត្តិសាស្ត្រ និងធម្មជាតិ។ ទេសចរអាចសម្រាកមើលទេសភាពជុំវិញភ្នំ និងសិក្សារស្រាវជ្រាវពីប្រាសាទដ៏ចំណាស់មួយនេះ។ ប្រាសាទភ្នំដា មានទីតាំងស្ថិតនៅ ក្នុងភូមិព្រែកតាផ ឃុំគោកធ្លក ស្រុកអង្គរបូរី ខេត្តតាកែវ។
 បឹងដ៏ចម្លែកមួយដែលបាត់ខ្លួននៅរដូវប្រាំងនៅខេត្ត Cao Bang |
 អញ្ជើញទស្សនា មណ្ឌលអភិរក្សធម្មជាតិ Dong Son - Ky Thuong នៅទីក្រុង Ha Long |
 |
| ប្រាសាទភ្នំដា ទាក់ទាញទេសចរណ៍ទាំងប្រវត្តិសាស្ត្រ និងធម្មជាតិ |
ប្រាសាទភ្នំដា ជារមណីយដ្ឋានទេសចរណ៍ប្រវត្តិសាស្រ្ដមួយ ដែលមានទីតាំងស្ថិតនៅស្រុកអង្គរបុរី ខាងកើតទីរួមខេត្តតាកែវ។ ដើម្បីទៅទស្សនាប្រាសាទភ្នំដា ភ្ញៀវទេសចរ អាចធ្វើដំណើរតាមរថយន្តក្នុងចម្ងាយផ្លូវប្រមាណ ៦៦គីឡូម៉ែត្រ ឬតាមអូប័រពីទីរួមខេត្ត ក្នុងចម្ងាយប្រមាណ ២៥គីឡូម៉ែត្រប៉ុណ្ណោះ។
ស្ថិតលើកំពូលភ្នំដាច់តែឯង ប្រាសាទភ្នំដាស្ថាបនាឡើងលើប្លង់រាងការ៉េ ទំហំ ១២ម៉ែត្រx១២ម៉ែត្រ មានកម្ពស់ ១៨ម៉ែត្រ និងមានទ្វារ ៤ ដែលមានទ្វារបញ្ឆោត ៣ និងទ្វារពិត ១ បែរទៅទិសខាងជើង សំដៅទៅរកអតីតរាជធានីអង្គរបុរី នៃសម័យនគរភ្នំ។ ប្រាសាទដ៏ចំណាស់នេះ សាងសង់ជាលើកដំបូងនៅក្នុងសម័យនគរភ្នំ និងស្ថាបនាឡើងជាលើកទី២ លើប្រាង្គប្រាសាទចាស់ នាសម័យអង្គរ ក្នុងរាជព្រះបាទសូរ្យវរ្ម័នទី១។
 |
| ប្រាសាទភ្នំដា ទាក់ទាញទេសចរណ៍ទាំងប្រវត្តិសាស្ត្រ និងធម្មជាតិ |
គួរបញ្ជាក់ទៀតថា ប្រាសាទភ្នំដា កសាងឡើងលើភ្នំដា មានកម្ពស់៤០ម៉ែត្រ។ ប្រាសាទនេះ កសាងអំពីឥដ្ឋ ថ្មបាយក្រៀម និងថ្មភក់ ជារាងការ៉េ ជ្រុងនីមួយៗមាន១២ម៉ែត្រ និងមានកម្ពស់១៨ម៉ែត្រ។ ប្រាសាទនេះពុំមានជណ្តើរទេ មានទ្វារ៣ជាទ្វារបញ្ឆោត និងទ្វារ១ ជាទ្វាពិតនៅជញ្ជាំងខាងជើង។
ជញ្ជាំងប្រាសាទមួយនេះ ក្រាស់ខុសប្លែកពីប្រាសាទនានា។ ប្រាសាទភ្នំដា ពុំមានរបង (កំពែង) ព័ទ្ធជុំវិញនោះទេ។ ប្រាសាទដ៏ចំណាស់មួយនេះ កសាងឡើងក្នុងសតវត្សទី៦ ក្នុងរជ្ជកាលព្រះបាទរុទ្រវរ្ម័ន ជាក្សត្រចុងក្រោយក្នុងសម័យអាណាចក្រភ្នំ ដើម្បីឧទ្ទិសដល់ព្រហ្មញ្ញសាសនា។ នេះបើតាមគេហទំព័ររដ្ឋបាលខេត្តតាកែវ។
 |
| ប្រាសាទភ្នំដា ទាក់ទាញទេសចរណ៍ទាំងប្រវត្តិសាស្ត្រ និងធម្មជាតិ |
តាមប្រភពដដែលបានឲ្យដឹងថា ប្រាសាទមួយនេះ មិនត្រឹមតែមានប្រវត្តិសាស្ត្រគួរឲ្យទាក់ទាញ ថែមទាំងមានអំណោយផលពីធម្មជាតិ ដែលទេសចរអាចគយគន់ផ្ទៃទឹក យ៉ាងធំល្វឹងល្វើយនៅជុំវិញភ្នំ នៅរដូវវស្សា។ ចំណែកក្នុងរដូវប្រាំង ផ្ទៃទឹកទាំងនោះប្រែក្លាយជាវាលស្រែខៀវស្រងាត់ មើលដាច់កន្ទុយភ្នែក។
ទេសចរ ដែលទៅកម្សាន្តនៅប្រាសាទភ្នំដា អាចគយគន់សម្រស់ធម្មជាតិ សិក្សាស្រាវជ្រាវពីប្រវត្តិសាស្ត្រ និងជាពិសេសអាចភ្លក់រសជាតិអាហារតំបន់ដ៏ឈ្ងុយឆ្ងាញ់ នៅទីនោះផងដែរ។
ដើម្បីទៅដល់ប្រាសាទភ្នំដា ទេសចរអាចធ្វើដំណើរ ដោយកង់ ម៉ូតូ រថយន្តតាមផ្លូវគោក ដោយឡែកបើតាមផ្លូវទឹកទេសចរ អាចធ្វើដំណើរដោយទូក និងអូប័រ។ ប្រាសាទភ្នំដា មានចម្ងាយផ្លូវ២៥គីឡូម៉ែត្រ តាមផ្លូវទឹក និង៦៥គីឡូម៉ែត្រតាមផ្លូវគោកពីទីរួមខេត្តតាកែវ៕
thmeythmey
មតិពីមិត្តអ្នកអាន