នាពេលថ្មីៗនេះ នៅទីស្នាក់ការរដ្ឋាភិបាល នាយករដ្ឋមន្រ្តីវៀតណាម លោក Pham Minh Chinh បានជួបពិភាក្សាការងារជាមួយបណ្ដាឯកអគ្គរដ្ឋទូត ប្រធានគណៈប្រតិភូសហភាពអឺរ៉ុប (EU) និងសភាពាណិជ្ជកម្មអឺរ៉ុប (Eurocham) និងសាជីវកម្មមួយចំនួនរបស់អឺរ៉ុបនៅវៀតណាម។
 ផ្នែកឧស្សាហកម្មអេឡិចត្រូនិករបស់វៀតណាមទាក់ទាញវិនិយោគិនបរទេស |
 វិនិយោគិនបរទេសវាយតម្លៃខ្ពស់ចំពោះផែនការអភិវឌ្ឍ ហេដ្ឋារចនាសម្ព័ន្ធរបស់វៀតណាម |
លោកនាយករដ្ឋមន្រ្តី Pham Minh Chinh បានបញ្ជាក់ថា រដ្ឋាភិបាលវៀតណាមតែងតែបង្កលក្ខណៈងាយស្រួលដល់អាជីវកម្មនៃសហភាពអឺរ៉ុបចូលមកវិនិយោគ និងធ្វើអាជីវកម្មនៅវៀតណាម។ លោកនាយករដ្ឋមន្រ្តី Pham Minh Chinh រំពឹងថា បណ្តាប្រទេសសហភាពអឺរ៉ុបនឹងគាំទ្រនិងបង្កើតលក្ខខណ្ឌសម្រាប់អាជីវកម្មវៀតណាមចូលមកវិនិយោគលើវិស័យដែលសហភាពអឺរ៉ុបមានតម្រូវការ។ លោកនាយករដ្ឋមន្រ្តី Pham Minh Chinh បានចែករំលែកការលំបាករបស់អាជីវកម្មនៅវៀតណាមចំពោះការវិវឌ្ឍដ៏ស្មុគស្មាញនៃការរីករាលដាលនៃជំងឺ Covid-19 ព្រមទាំងលោកគូសបញ្ជាក់ថា ជោគជ័យរបស់វិនិយោគិនបរទេសគឺជាជោគជ័យរបស់វៀតណាម។
 |
| លោកនាយករដ្ឋមន្រ្តី Pham Minh Chinh (រូបថត៖ vnanet.vn) |
លោកនាយករដ្ឋមន្រ្តី Pham Minh Chinh បានស្នើឲ្យឯកអគ្គរដ្ឋទូត និងសហគមន៍ធុរកិច្ច EU នៅវៀតណាម បន្តរួមចំណែកជំរុញទំនាក់ទំនងវៀតណាម- EU ឲ្យអភិវឌ្ឍឡើងកម្រិតកម្ពស់ថ្មីមួយទៀត ព្រមទាំងជំរុញឱ្យរដ្ឋសភានិងរដ្ឋាភិបាលនៃបណ្តាប្រទេស EU ផ្តល់សច្ចាប័នលើកិច្ចព្រមព្រៀងគាំរពារវិនិយោគវៀតណាម- EU (EVIPA) ឱ្យបានឆាប់បំផុត និងបន្តជួយគាំទ្រវ៉ាក់សាំងនិងផ្ទេរបច្ចេកវិទ្យាផលិតវ៉ាក់សាំងនិងថ្នាំព្យាបាលជូនវៀតណាម។
ឯកអគ្គរដ្ឋទូតទាំងឡាយ និងអាជីវកម្ម EU បានថ្លែងអរគុណចំពោះរដ្ឋាភិបាល ក្រសួង និងមូលដ្ឋាននានាបានបន្តរួមដំណើរនិងចែករំលែកការលំបាកជាមួយអាជីវកម្ម ព្រមទាំងវាយតម្លៃថា វៀតណាមនៅតែជាគោលដៅវិនិយោគដ៏ទាក់ទាញដែលមានសក្តានុពលអភិវឌ្ឍយ៉ាងខ្លាំងនាពេលខាងមុខ។
ក្នុងឱកាសនេះផងដែរ Eurocham បានផ្តល់ឧបករណ៍វេជ្ជសាស្រ្តដែលមានតម្លៃ ៤០ ពាន់លានដុង ជូនក្រសួងសុខាភិបាលវៀតណាម។ អំណោយទាំងនេះបានមកពីការរួមចំណែកពីអាជីវកម្មទាំងឡាយ៕
kh.qdnd.vn
មតិពីមិត្តអ្នកអាន