យុគមស័យ- នៅថ្ងៃទី ៦ ខែកញ្ញា មូលនិធិ Tamasek (នៃប្រទេសសិង្ហបុរី) បានបរិច្ចាគម៉ាស៊ីនជំនួយដកដង្ហើមចំនួន ១៦ គ្រឿងនិងសម្ភារៈពេទ្យនិងឧបករណ៍វេជ្ជសាស្ត្ររាប់ពាន់ដល់ប្រទេសវៀតណាម ដើម្បីជួយវៀតណាមទប់ស្កាត់នឹងការរីករាលដាលនៃជំងឺរាតត្បាត COVID-19 ។
ជំរុញការប្រាស្រ័យទាក់ទងគ្នារវាងប្រជាជនវៀតណាមនិងប្រជាជនសិង្ហបុរី |
ឱកាស និងសក្តានុពលវិនិយោគនៅវៀតណាមសម្រាប់សហគ្រាសសិង្ហបុរ |
លោកឯកអគ្គរដ្ឋទូត Mai Phuong Dung (ស្តាំ) បានបន្តទទួលប័ណ្ណនិមិត្តសញ្ញានៃអំណោយដែលឧបត្ថម្ភដោយមូលនិធិ Temasek ។ (រូបថត៖ VNA) |
ពិធីប្រគល់អំណោយនិមិត្តរូបនៃម៉ាស៊ីនជំនួយដកដង្ហើមនិងសម្ភារៈពេទ្យនិងឧបករណ៍ពេទ្យទាំងនោះបានធ្វើឡើងនៅស្ថានទូតវៀតណាមប្រចាំនៅប្រទេសសិង្ហបុរី ដោយមានការចូលរួមពីលោក Benedict Cheong នាយកប្រតិបត្តិមូលនិធិ Temasek និងលោកឯកអគ្គរដ្ឋទូតវៀតណាមប្រចាំនៅសិង្ហបុរី Mai Phuoc Dung។
អំណោយទាំងនោះ រួមមាន ម៉ាស៊ីនជំនួយដកដង្ហើមចំនួន ១៦ គ្រឿង ម៉ាស់ពេទ្យ (ប្រភេទFFP2 និង KN95) ចំនួន ២៥០.០០០ របាំងមុខការពារនឹងដំណក់ទឹក ២០០.០០០ សម្លៀកបំពាក់ការពារ ១០០.០០០ ឈុត វ៉ែនតាការពារ ៥.០០០ និងស្រោមដៃ ៤.៥០០ ឈុត។
ថ្លែងនៅក្នុងពិធីទទួលនេះ លោកឯកអគ្គរដ្ឋទូត Mai Phuoc Dung បានថ្លែងអំណរគុណដល់មូលនិធិ Temasek និងរដ្ឋាភិបាលសិង្ហបុរីចំពោះការគាំទ្រដ៍មានតម្លៃ ជាពិសេសនៅក្នុងបរិបទដែលសិង្ហបុរីនៅតែស្ថិតក្នុងដំណាក់កាលនៃការកើនឡើងនៃករណីឆ្លងជំងឺ Covid - 19 ។ នេះគឺជាមនោសញ្ចេតនារបស់រដ្ឋាភិបាលនិងប្រជាជនសិង្ហបុរីជូនចំពោះប្រទេសវៀតណាមដែលបង្ហាញភាពជាដៃគូយុទ្ធសាស្ត្រ ទំនាក់ទំនងជិតស្និទ្ធរវាងប្រទេសទាំងពីរដែលនឹងរួមចំណែកយ៉ាងសំខាន់ក្នុងការជួយរដ្ឋាភិបាលនិងប្រជាជនវៀតណាមយកឈ្នះលើការប្រយុទ្ធប្រឆាំងនឹងជំងឺរាតត្បាត COVID-19 ។
លោកឯកអគ្គរដ្ឋទូត Mai Phuoc Dung បានស្នើថាមូលនិធិ Temasek និងរដ្ឋាភិបាលសិង្ហបុរីបន្តគាំទ្រវៀតណាមក្នុងការប្រយុទ្ធប្រឆាំងនឹងការរីករាលដាលនៃជំងឺរាតត្បាត នាពេលខាងមុខ ជាពិសេសស្វែងរកលទ្ធភាពជួយឧបត្ថម្ភឬផ្តោះប្តូរវ៉ាក់សាំងការពារជំងឺ Covid-19 ជាមួយវៀតណាម តាមរូបភាពសមស្រប។
ក្នុងនាមមូលនិធិ Tamasek លោកនាយកប្រតិបត្តិ Benedict Cheong បានមានប្រសាសន៍ថា ជំងឺរាតត្បាត COVID-19 បានជះឥទ្ធិពលយ៉ាងធ្ងន់ធ្ងរដល់ប្រទេសអាស៊ានទាំងអស់។ បច្ចុប្បន្នអាស៊ីអាគ្នេយ៍ត្រូវបានតភ្ជាប់យ៉ាងជិតស្និទ្ធ ហើយបើប្រទេសនីមួយៗរងផលប៉ះពាល់ដោយជំងឺនេះវានឹងជះឥទ្ធិពលដល់កិច្ចសហប្រតិបត្តិការរួមនៃតំបន់ទាំងមូល។ ដូច្នេះនៅពេលមានឧបករណ៍ការពារ ប្រទេសសិង្ហបុរីបានត្រៀមខ្លួនរួចជាស្រេច ដើម្បីចែករំលែកវាជាមួយវៀតណាមនិងបណ្តាប្រទេសអាស៊ាន ដើម្បីជម្នះការរីករាលដាលនៃជំងឺ Covid-19 ជាមួយគ្នា ក្នុងពេលឆាប់ៗនេះ។ នៅពេលដែលអំណោយខាងលើមកដល់ប្រទេសវៀតណាម ប្រទេសសិង្ហបុរីនឹងបញ្ជូនបុគ្គលិកបច្ចេកទេសមកជួយក្នុងការដំឡើងឧបករណ៍ទាំងនេះ។
បានបង្កើតឡើងក្នុងឆ្នាំ ២០០៧ មូលនិធិ Temasek គឺជាអង្គការក្រៅរដ្ឋាភិបាលដែលមានមូលដ្ឋាននៅប្រទេសសិង្ហបុរីដែលបច្ចុប្បន្នមានកម្មវិធីសហប្រតិបត្តិការនិងជំនួយលើវិស័យជាច្រើន ដូចជា ការបណ្តុះបណ្តាលធនធានមនុស្សសុខភាពសាធារណៈនិងការអប់រំ នៅប្រទេសវៀតណាម។ នៅដើមឆ្នាំ ២០២០ មូលនិធិ Temasek ក៏បានឧបត្ថម្ភម៉ាស៊ីនជំនួយដកដង្ហើមចំនួន ១០ គ្រឿងដល់ប្រទេសវៀតណាម៕
លោកឯកអគ្គរដ្ឋទូត Mai Phuong Dung (ស្តាំ) បានបន្តទទួលប័ណ្ណនិមិត្តសញ្ញានៃអំណោយដែលឧបត្ថម្ភដោយមូលនិធិ Temasek ។ (រូបថត៖ VNA)
ទីភ្នាក់ងារសារព័ត៌មានវៀតណាម
មតិពីមិត្តអ្នកអាន