Trending now

ព្រះអង្គម្ចាស់ Charles នៃប្រទេសវែលរបស់ចក្រភពអង់គ្លេស ឆ្លងជំងឺ COVID-19

18:13 | 25/03/2020

ព្រះអង្គម្ចាស់ ឆាល (Charles) នៃប្រទេសវែលស្ថិតក្នុងចក្រភពអង់គ្លេស ដែលមានជន្មាយុ ៧១ព្រះវស្សាត្រូវបានធ្វើតេស្ត «វិជ្ជមាន» ចំពោះវីរុសកូរ៉ូណាថ្មី (COVID-19)។ នេះបើតាមការចេញផ្សាយដោយសារព័ត៌មាន The Guardian នៅមុននេះបន្តិច នាល្ងាចថ្ងៃពុធ ទី២៥ ខែមីនា ឆ្នាំ២០២០។

ព្រះអង្គម្ចាស់ Charles ដែលជាអតីតព្រះស្វាមីនៃម្ចាស់ក្សត្រី ដាយអាណា បច្ចុប្បន្នមានព្រះរាជសុខភាពល្អជាធម្មតា ខណៈក្រុមគ្រូពេទ្យក៏បានធ្វើតេស្តរក COVID-19 លើមហេសីបច្ចុប្បន្នរបស់ទ្រង់រួចហើយដែរ ដោយចេញលទ្ធផល «អវិជ្ជមាន»។

អ្នកនាំពាក្យនៃព្រះរាជវាំងវែលបានឲ្យដឹងថា «ព្រះអង្គម្ចាស់ Charles បានបង្ហាញរោគសញ្ញាក្នុងកម្រិលស្រាលប៉ុណ្ណោះ ហើយនិយាយជារួមគឺទ្រង់មានព្រះរាជសុខភាពល្អធម្មតា និងបានបំពេញរាជកិច្ចពីក្នុង រាជតំណាក់ប៉ុន្មានថ្ងៃមកហើយ»។ អ្នកនាំពាក្យបានបន្តទៀតថា ព្រះអង្គម្ចាស់ Charles ប្រហែលជាបានឆ្លងរោគ COVID-19 នៅកំឡុងពេលទ្រង់ចុះបំពេញរាជកិច្ច ជាសាធារណៈជាច្រើនលើក នាប៉ុន្មានសប្តាហ៍ចុងក្រោយនេះ៕

（ប្រភពព័ត៌មាន: freshnewsasia）

Tags: ព្រះអង្គម្ចាស់ Charles ឆ្លងជំងឺ COVID-19

មតិពីមិត្តអ្នកអាន

ព័ត៌មានថ្មីៗ

លោក Bui Thanh Son ឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេសវៀតណាម បានជួបពិភាក្សាការងារជាមួយឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រ

យុគសម័យ - ក្នុងឱកាសអញ្ជើញចូលរួមកិច្ចប្រជុំរដ្ឋមន្ត្រីការបរទេសអាស៊ាន លើកទី៥៨ នៅទីក្រុងគូឡាឡាំពួ ប្រទេសម៉ាឡេស៊ី នាថ្ងៃទី៨ ខែកក្កដា លោក Bui Thanh Son ឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេសវៀតណាម បានជួបពិភាក្សាការងារជាមួយ លោក ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិកម្ពុជា។

នៅទីក្រុងហូជីមិញ សន្និសីទតភ្ជាប់ធុរកិច្ចវៀតណាម-កម្ពុជាឆ្នាំ២០២៥ នឹងប្រព្រឹត្តទៅ

យុគសម័យ - តាមរយៈព្រឹត្តិការណ៍នេះ ធុរកិច្ចវៀតណាមមានឱកាសផ្សព្វផ្សាយផលិតផល ចាប់យកតម្រូវការ និងនិន្នាការនៃការប្រើប្រាស់នៅក្នុងទីផ្សារកម្ពុជា ដោយហេតុនេះការកសាងយុទ្ធសាស្ត្រវិធីសាស្រ្តកាន់តែមានប្រសិទ្ធភាព។

អនុរដ្ឋមន្ត្រីក្រសួងយុត្តិធម៌ Nguyen Thanh Tinh៖ វៀតណាមជានិច្ចកាលយកចិត្តទុកដាក់ និងខិតខំអនុវត្តការប្តេជ្ញាចិត្តអន្តរជាតិស្តីពីសិទ្ធិមនុស្ស

យុគសម័យ - ចាប់ពីថ្ងៃទី ៧ ដល់ថ្ងៃទី ៨ ខែកក្កដា គណៈប្រតិភូវៀតណាមជាមួយតំណាងស្ថាប័នចំនួន ៩ រួមមានតុលាការប្រជាជនកំពូល អយ្យការកំពូលប្រជាជន ក្រសួងយុត្តិធម៌ ក្រសួងការបរទេស ក្រសួងសន្តិសុខសាធារណៈ ក្រសួងមហាផ្ទៃ ក្រសួងវប្បធម៌ កីឡា និងទេសចរណ៍ ក្រសួងជនជាតិភាគតិច និងសាសនា ទីស្តីការរដ្ឋាភិបាល ដោយអនុរដ្ឋមន្ត្រីក្រសួងយុត្តិធម៌ លោក Nguyen Thanh Tinh នឹងចូលរួមសម័យសន្ទនាស្តីពីរបាយការណ៍ជាតិស្តីពីការអនុវត្តកតិកាសញ្ញាអន្តរជាតិស្តីពីសិទ្ធិពលរដ្ឋ និងនយោបាយ (ICCPR) នៅសម័យប្រជុំលើកទី ១៤៤ នៃគណៈកម្មាធិការសិទ្ធិមនុស្សរបស់អង្គការសហប្រជាជាតិនៅទីក្រុងហ្សឺណែវ ប្រទេសស្វីស។ យើងបានសម្ភាសអនុរដ្ឋមន្ត្រីក្រសួងយុត្តិធម៌ លោក Nguyen Thanh Tinh អំពីព្រឹត្តិការណ៍ដ៏សំខាន់នេះ។

សាកលវិទ្យាល័យឱសថនិងវេជ្ជសាស្រ្តខេត្ត Thai Binh ប្រគល់សញ្ញាបត្របណ្ឌិតវេជ្ជសាស្ដ្រដល់និស្សិតអន្តរជាតិឡាវ និងកម្ពុជា

យុគសម័យ - សាកលវិទ្យាល័យវេជ្ជសាស្ត្រ និងឱសថស្ថានថៃប៊ិញ ទើបតែបានរៀបចំពិធីប្រគល់សញ្ញាបត្រ និងប្រគល់សញ្ញាបត្រដល់និស្សិតអន្តរជាតិមកពីសាធារណរដ្ឋប្រជាធិបតេយ្យប្រជាមានិតឡាវ និងព្រះរាជាណាចក្រកម្ពុជាក្នុងឆ្នាំ២០២៥។

សាលានាយទាហានកងទ័ពជើងគោកលេខ២ រៀបចំពិធីបិទបញ្ចប់វគ្គបណ្តុះបណ្តាល

យុគសម័យ - នាថ្ងៃទី៣០ ខែមិថុនា សាលានាយទាហានកងទ័ពជើងគោកលេខ២ នៃក្រសួងការពារប្រទេសវៀតណាម បានរៀបចំពិធីបិទបញ្ចប់វគ្គបណ្តុះបណ្តាលឆ្នាំ២០២៥ រួមមាន៖ វគ្គទី៧៥ ស្តីពីការបញ្ចប់ថ្នាក់សកលវិទ្យាល័យសម្រាប់នាយទាហាន វគ្គទី៧៥ ស្តីពីការបំប៉ន់ចំណេះដឹងផ្នែកយោធា និងនយោបាយ វគ្គទី៧២ ស្តីពីសាកលវិទ្យាល័យយោធា និងវគ្គទី៧៥ ស្តីពីការបណ្តុះបណ្តាលភាសាវៀតណាម សម្រាប់សិក្ខាកាមនៃកងយោធពលខេមរភូមិន្ទ។