Trending now

ជនរងគ្រោះដោយសារជាតិគីមីពុលពណ៌លឿងទុំប្រកបមុខរបរចិញ្ចឹមជីវិត ដើម្បីមិនពឹងផ្អែកលើគ្រួសារនិងសង្គម

09:45 | 12/06/2021 ឌីណា

យុគសម័យ - ជនរងគ្រោះដោយសារជាតិគីមីពុលពណ៌លឿង​ទុំ​ភាគច្រើនតជាជនពិការ ដូច្នេះពួក​គេ​ពិបាកក្នុងការស្វែង​​រកការងារធ្វើ​​​ ដោយសារតែរូបរាងកាយ និងសុខភាពរបស់​ខ្លួន​។ ដូច្នេះ ចាំបាច់ត្រូវបង្រៀន​ជនរងគ្រោះដោយសារជាតិគីមីពុលពណ៌លឿង​ទុំ​​នូវជំនាញមួយចំនួន ដើម្បីឱ្យពួកគេអាចទទួលបានការងារសមស្រប​នឹង​សុខភាពរបស់ខ្លួន​ ទើបបង្កើត​ប្រាក់​ចំណូល​ ​ដើម្បី​មិន​​ពឹងផ្អែកលើគ្រួសារ និងសង្គម។

ត្រូវមានការយោគយល់ចំពោះជនរងគ្រោះដោយសារជាតុគីមីពុលពណ៌លឿងទុំ ត្រូវមានការយោគយល់ចំពោះជនរងគ្រោះដោយសារជាតិគីមីពុលពណ៌លឿងទុំ
យុត្តិធម៌សម្រាប់ជនរងគ្រោះដោយសារជាតិគីមីពុលពណ៌លឿងទុំ / ឌីអុកស៊ី យុត្តិធម៌សម្រាប់ជនរងគ្រោះដោយសារជាតិគីមីពុលពណ៌លឿងទុំ/ ឌីអ៊ុកស៊ីត
ជនរងគ្រោះដោយសារជាតិគីមីពុលពណ៌លឿងទុំប្រកបមុខរបរចិញ្ចឹមជីវិត ដើម្បីមិនពឹងផ្អែកលើគ្រួសារនិងសង្គម

ជនរងគ្រោះដោយសារជាតិគីមីពុលពណ៌លឿងទុំមានមុខរបរចិញ្ចឹមជីវិត ដើម្បីមិនពឹងផ្អែកលើគ្រួសារនិងសង្គម

នារី Vuong Thi Quyen (កើតឆ្នាំ១៩៨៩) ហើយធំដឹងក្តី​នៅខេត្ត Quang Binh គឺជាកូនស្រីពៅក្នុងគ្រួសារដែលមានបងប្អូន ៤ នាក់។ ឪពុក Quyen បានចូលរួមក្នុងសង្គ្រាមតស៊ូប្រឆាំងនឹងចក្រពត្តិអាមេរិក ដើម្បីសង្គ្រោះប្រទេសនៅតំបន់ភាគអាគ្នេយ៍ និងតំបន់​ Tay Nguyen ជា​កន្លែង​ដែលអាមេរិកបានទម្លាក់សារធាតុគីមីពុលពណ៌លឿង​ទុំយ៉ាង​ច្រើនសន្ធឹកសន្ធាប់​។ Quyen កើតមកមានលក្ខណៈធម្មតា និងមានសុខភាពល្អដូចក្មេងដទៃទៀតដែរ។ ប៉ុន្តែនៅពេលនាងមានអាយុ ៩ ឆ្នាំ នាងត្រូវបានរកឃើញថា​ មានជម្ងឺវៀចឆ្អឹងខ្នង ឬកោងឆ្អឹងខ្នង ​ដែលបណ្តាលមកពីសារធាតុគីមីពុលពណ៌លឿង​ទុំពីឪពុករបស់នាង។

ចាប់តាំងពីបានរកឃើញជំងឺនេះភ្លាម ក្រុមគ្រួសាររបស់ Quyen បានស្វែងរកការព្យាបាលនៅតាមកន្លែងជាច្រើន ប៉ុន្តែ​មិន​អាច​ព្យាបាលបាន​ឡើយ​។ ចាប់ពីពេលនោះមក រាងកាយរបស់ Quyen តែងតែរង​ការ​ឈឺ​ចាប់​យ៉ាង​ធ្ងន់​ធ្ងរ ធ្វើឱ្យការដើរពិបាកខ្លាំង​។

ក៏ប៉ុន្តែ នារីរូប​​នេះ​តែងតែព្យាយាមរក្សាគំនិតវិជ្ជមានដែល​រស់នៅដោយសុទិដ្ឋិនិយម​​​។ ជាពិសេស នារី Quyen គឺជា​អ្នក​ខិត​ខំ​រៀន​សូត្រ​​​​ណាស់។ បន្ទាប់ពីបញ្ចប់ការសិក្សានៅវិទ្យាល័យ Quyen បានសិក្សានៅសាលាមធ្យម​សិក្សាព័ត៌មានវិទ្យា នៅសាកលវិទ្យាល័យ Quang Binh ។ បន្ទាប់ពីបញ្ចប់ការសិក្សា Quyen ត្រូវបានគេទទួលយកមកធ្វើការ​នៅ​សមាគមជនរងគ្រោះដោយសារធាតុគីមីពុលពណ៌លឿងទុំ / dioxin នៃស្រុក Quang Trach ខេត្ត Quang Binh ។ បន្ទាប់ពីធ្វើការអស់រយៈពេលជាង ១ ឆ្នាំ Quyen បានទទួលអាហារូបករណ៍សិក្សាផ្នែកសារព័ត៌មាន នៅសាកលវិទ្យាល័យ NIILM - ប្រទេសឥណ្ឌា ក្រោមកម្មវិធី “ស្វែងរកទេពកោសល្យរបស់និស្សិតស្រីវ័យក្មេង” របស់សមាគម​ជន​រងគ្រោះដោយសារធាតុគីមីពុលពណ៌លឿងទុំ / dioxin វៀតណាម ដែល​រៀប​ចំ​ឡើង ​ដោយ​កិច្ច​សហប្រតិបត្តិការ​របស់​ក្រសួងកា​របរទេស​​វៀតណាម និងឥណ្ឌា។

នារី Quyen បានចែករំលែកថា “ពេលវេលានៅក្នុងប្រទេសឥណ្ឌាគឺជាពេលវេលាដែលនាងមានការលំបាកច្រើនបំផុត អ្វីៗទាំងអស់​សុទ្ធ​តែ​ថ្មី និងចម្លែក​​ ទាំង​វប្បធម៌ ​ម្ហូបអាហារ​និង​​អាកាសធាតុ…ដោយសារសុខភាពកាន់តែ​ខ្សោយនារី​ Quyen ងាយធ្លាក់ខ្លួនឈឺ។ បន្ទាប់ពី ៣ ឆ្នាំ Quyen បញ្ចប់ការសិក្សាពីសាលា ហើយវិលត្រឡប់មកធ្វើការនៅសមាគមជនរងគ្រោះដោយសារធាតុគីមីពុលពណ៌លឿងទុំ / dioxin នៅខេត្ត Quang Binh ក្នុង​រយៈពេល ១ ឆ្នាំ” ។

បច្ចុប្បន្ន នារី Quyen កំពុងធ្វើការនៅមជ្ឈមណ្ឌលគាំពារសង្គម នៃសមាគមជនរងគ្រោះដោយសារធាតុគីមីពុលពណ៌លឿងទុំ / dioxin ។ ការងាររបស់នារី Quyen នៅមជ្ឈមណ្ឌលគឺផ្នែកលិខិតស្នាម និងជាគ្រូ​បង្រៀន​កុំព្យូទ័រសម្រាប់កុមារជាកូន​របស់​ជនរងគ្រោះដោយសារធាតុគីមីពុលពណ៌លឿងទុំ។

ជនរងគ្រោះដោយសារជាតិគីមីពុលពណ៌លឿងទុំប្រកបមុខរបរចិញ្ចឹមជីវិត ដើម្បីមិនពឹងផ្អែកលើគ្រួសារនិងសង្គម
ថ្នាក់រៀន​កុំព្យូទ័ររបស់អ្នកគ្រូ Vuong Thi Quyen ។

ដោយចងចាំនូវអនុស្សាវរីយ៍នៅក្នុងថ្នាក់របស់ខ្លួន អ្នកគ្រូ Quyen បានចែករំលែករឿងរ៉ាវគួរឱ្យចាប់អារម្មណ៍បំផុត ក្នុងកំឡុងឆ្នាំ ២០១៩-២០២០ ថា នៅក្នុងថ្នាក់មានសិស្សឈ្មោះ​ Hang កើតនៅឆ្នាំ ១៩៧៩ មកពីខេត្ត Ninh Binh ដែលមិនអាចអាន ឬសរសេរបានទេ ដូច្នេះវាលំបាកណាស់ក្នុង​ការ​រៀន​កុំព្យូទ័រ។ ហេតុដូច្នេះ មុនវគ្គសិក្សានេះ អ្នកគ្រូ Quyen បានកសាងវិធីសាស្ត្រថ្មី ដើម្បីបង្រៀនអក្ស និងលេខឲ្យ​បងស្រី​ Hang។​ បងស្រី Hang មិនអាចចាំពាក្យ មិនអាចរាប់លេខបានទេ ដូច្នេះអ្នកគ្រូ Quyen បានបង្រៀនគាត់ឱ្យរាប់លេខតាម​រយៈការ​​​រាប់លុយ។ អ្នកគ្រូ Quyen បានឲ្យក្រដាសប្រាក់ ១ ពាន់ ដល់​ក្រដាសដល់បងស្រី Hang និងប្រាក់ចំនួន ២ ពាន់ដុង ដើម្បីអនុវត្តការរាប់ ចាប់ពីលេខ ១ ដល់ ១០០។ ចំពោះការសរសេរ អ្នកគ្រូ Quyen បានបង្រៀនបងស្រី​​​​តាមតួរអក្សរដូចជាសិស្សទើប​រៀនអានអញ្ចឹង។ ដោយ​មាន​ការតស៊ូព្យាយាម សិស្ស​​របស់អ្នកគ្រូ​ Quyen អាចរាប់លេខបាន និង​សរសេរឈ្មោះខ្លួនឯងបាន ហើយ​ចេះ​អានអក្សរផង​។

ជនរងគ្រោះដោយសារជាតិគីមីពុលពណ៌លឿងទុំប្រកបមុខរបរចិញ្ចឹមជីវិត ដើម្បីមិនពឹងផ្អែកលើគ្រួសារនិងសង្គម
អ្នកឯកទេសនៃមជ្ឈមណ្ឌលគាំពារសង្គមនៃសមាគមជនរងគ្រោះដោយធាតុ​​គីមីពុលពណ៌លឿងទុំ / dioxin បានចូលរួមជាមួយសម្ព័ន្ធ​អង្គការមិត្តភាពវៀតណាម ដើម្បីចែករំលែកបទពិសោធន៍ នៅឯសិក្ខាសាលាដែលមានចំណងជើងថា “ជនរងគ្រោះដោយ​សារ​សង្គ្រាម និងអ្នករស់រានមានជីវិតពីអាវុធប្រល័យ​លោក” វេទិកាប្រជាជនអាស៊ី - អឺរ៉ុប លើកទី ១៣ (AEPF ១៣) នៅថ្ងៃទី ១៨ ខែ ឧសភា ឆ្នាំ ២០២១ ។

បច្ចុប្បន្ន អ្នក​គ្រូ Vuong Thi Quyen នៅតែបង្រៀនជារៀងរាល់ថ្ងៃ ហើយ​​ចូលរួមយ៉ាងសកម្មក្នុងការចែករំលែក នៅឯសិក្ខាសាលាក្នុងស្រុកនិងអន្តរជាតិ ក្នុងពិធីសំណេះសំណាល​ជា​មួយជនរងគ្រោះដោយសារធាតុ​​គីមីពុលពណ៌លឿងទុំ / dioxin ផ្សេងទៀត ដើម្បីចូលរួមចំណែកក្នុង​ការ​ជួយគាំទ្រ និងចែករំលែកដល់ជនរងគ្រោះ៕

ឌីណា

Thoidai.com.vn

Tags:

ព័ត៌មានថ្មីៗ

លោកនាយករដ្ឋមន្ត្រី Pham Minh Chinh ផ្ញើលិខិតលើកទឹកចិត្តដល់កងកម្លាំងជួរមុខក្នុងការប្រយុទ្ធប្រឆាំងនឹងជំងឺកូវីដ ១៩
ប្រទេសវៀតណាមក្លាយជាប្រទេសនាំចេញសម្លៀកបំពាក់ធំទី ២ នៅលើពិភពលោក
សម្ព័ន្ធក្រុមហ៊ុន Vingroup ទទួលបានការផ្ទេរផ្តាច់មុខនូវបច្ចេកវិទ្យាផលិតវ៉ាក់សាំង mRNA បង្ការកូវីដ ១៩ នៅវៀតណាម
វៀតណាមដណ្តើមបានមេដាយមាស ៣ គ្រឿងនៅព្រឹត្តិការណ៍អូឡាំពិកគីមីវិទ្យាអន្តរជាតិឆ្នាំ ២០២១
វៀតណាមនាំចេញផ្លែ Sau ក្លាស្សេ ទៅអូស្ត្រាលីជាលើកដំបូង