វៀតណាមអំពាវនាវឲ្យសហគមន៍អន្តរជាតិ បង្កើនការគាំទ្រដល់ UNITAD អនុវត្តភារកិច្ចរបស់ខ្លួន ស្របតាមច្បាប់អន្តរជាតិ និងសេចក្តីសម្រេចចិត្តពាក់ព័ន្ធរបស់ក្រុមប្រឹក្សាសន្តិសុខ គោលការណ៍នៃធម្មនុញ្ញអង្គការសហប្រជាជាតិ ក្នុងនោះមានការគោរពអធិបតេយ្យភាព បូរណភាពទឹកដី ឯករាជ្យភាពនិងបង្រួបបង្រួមរបស់អ៊ីរ៉ាក់។
 |
| ទិដ្ឋភាពនៃកិច្ចប្រជុំ |
ក្រុមប្រឹក្សាសន្តិសុខអង្គការសហប្រជាជាតិ កាលពីថ្ងៃទី ១០ ឧសភាបានបើកកិច្ចប្រជុំតាម អ៊ិនធឺរណែត ដើម្បីពិភាក្សាលើរបាយការណ៍ស្តីពីសកម្មភាពរបស់បេសកកម្មអង្គការសហប្រជាជាតិ ក្នុងការស៊ើបអង្កេត ជំរុញការស្វែងរកឧក្រិដ្ឋកម្ម របស់ Da’esh/ISIL នៅអ៊ីរ៉ាក់ (UNITAD) រយៈពេល ៦ ខែកន្លងមក។ ថ្លែងក្នុងអង្គប្រជុំ ឯកអគ្គរដ្ឋទូតលោក Dang Dinh Quy ប្រធានស្ថានបេសកកម្មអចិន្រ្តៃយ៍ វៀតណាមប្រចាំនៅអង្គការសហប្រជាជាតិបានស្វាគមន៍ចំពោះលទ្ធផលដែល UNITAD ទទួលបានក្នុងការស៊ើបអង្កេតនិងការប្រមូលភ័ស្តុតាងក្នុងរយៈពេលប៉ុន្មានឆ្នាំកន្លងមកនេះ ថ្វីត្បិតតែជួបប្រទះនឹងការលំបាកជាច្រើនដោយសារជំងឺរាតត្បាតកូវីដ -១៩ ក៏ដោយ។ លោកឯកអគ្គរដ្ឋទូតបានស្នើឲ្យ UNITAD បន្តផ្តោតលើអាទិភាពជាយុទ្ធសាស្ត្រក្នុងពេលខាងមុខ បង្កើនកិច្ចសហប្រតិបត្តិការជាមួយរដ្ឋាភិបាលអ៊ីរ៉ាក់ អាជ្ញាធរក្នុងតំបន់និងអ្នកដឹកនាំសាសនា ដោយប្រកាន់ខ្ជាប់នូវរាល់នីតិវិធីនិងវិធានការដើម្បីការពារជនរងគ្រោះនិងសាក្សី។ ទន្ទឹមនឹងនោះ វៀតណាមអំពាវ នាវឲ្យសហគមន៍អន្តរជាតិ បង្កើនការគាំទ្រដល់ UNITAD អនុវត្តភារកិច្ចរបស់ខ្លួន ស្របតាមច្បាប់អន្តរជាតិ និងសេចក្តីសម្រេចចិត្តពាក់ព័ន្ធរបស់ក្រុមប្រឹក្សាសន្តិសុខ គោលការណ៍នៃធម្មនុញ្ញអង្គការសហប្រជាជាតិ ក្នុងនោះមានការគោរពអធិបតេយ្យភាព បូរណភាពទឹកដី ឯករាជ្យភាពនិងបង្រួបបង្រួមរបស់អ៊ីរ៉ាក់៕
VOV
មតិពីមិត្តអ្នកអាន