យុគសម័យ - អាជ្ញារធរខេត្តកំពង់ឆ្នាំង បានបិទសង្កាត់មួយជាប់មាត់ទន្លេនិងផ្សារមួយ ដែលមានប្រជាជនដើមកំណើតវៀតណាមជាច្រើកំពុងរស់នៅ បន្ទាប់ពីត្រូវបានគេរកឃើញថាមានអ្នកវិជ្ជមាន កូវីដ១៩ ។
តំបន់ជាច្រើនដែលមានប្រជាជនដើមកំណើតជនវៀតណាមកំពុងរស់នៅមានការព្រួយបារម្ភនៅពេលជំងឺនេះបានរាលដាលដល់បឹងទន្លេសាបហើយ |
នៅពេលថ្មីកន្លងមកនេះ តាមព័ត៌មានពីសមាគមខ្មែរ - វៀតណាមនៅកម្ពុជាបានឲ្យដឹងថា ទាក់ទងនឹងករណីវិជ្ជមានកូវីដ ១៩ នៅខេត្តកំពង់ឆ្នាំង ខេត្តជាប់បឹងទន្លសាប អាជ្ញាធរមូលដ្ឋានបានបិទឃុំមួយនៅជាប់មាត់បឹងទន្លេសាបនិងផ្សារមួយនៃខេត្តនេះ។
នេះគឺជាតំបន់ដែលប្រជាជនដើមកំណើតវៀតណាមជាច្រើនបានតាំងទីលំនៅនិងលក់ត្រី ជាពិសេសប្រជាជននៅក្នុងស្រុកបរិបូរណ៍ដែលនៅក្បែរនោះ។
ដូច្នេះបន្ទាប់ពីខេត្តសៀមរាប ខេត្តកំពង់ឆ្នាំងគឺជាខេត្តទី ២ នៅដែលជាប់បឹងទន្លេសាប ដែលមានការផ្ទុះឡើងនៃជំងឺរាតត្បាតកូវីដ ១៩ ។
ការបិទឃុំនិងស្រុក ដើម្បីការទប់ស្កាត់ការរីករាលដាលនៃជំងឺរាតត្បាតរបស់អាជ្ញាធរខេត្តកំពង់ឆ្នាំងអាចបង្កការលំបាកដល់ប្រជាជន រួមទាំងប្រជាជនដើមកំណើតវៀតណាម ដោយសារតែជីវភាពរបស់ពួកគេត្រូវបានប៉ះពាល់។ ទន្ទឹមនឹងនេះនៅខេត្តសៀមរាបមានប្រជាជនដើមកំណើតវៀតណាមចំនួន ៧៨ គ្រួសារកំពុងស្នើសុំការជួយគាំទ្រហើយ។
លោក Vo Tuan Ngoc ទីប្រឹក្សា - ប្រធានផ្នែកកិច្ចការសហគមន៍ (ស្ថានទូតវៀតណាមប្រចាំនៅកម្ពុជា) បានមានប្រសាសន៍ថា ការជួយគាំទ្រដល់គ្រួសារ (រួមមានប្រជាជនដើមកំណើតវៀតណាម និងប្រជាជនខ្មែរប្រជាជនចាមនៅកម្ពុជា) បន្តទទួលបានការគាំទ្រពីអង្គការនិងបុគ្គលនានា នៅវៀតណាមនិងកម្ពុជា។ ការប្រគល់ជំនួយនិងទំនិញដល់បងប្អូនប្រជាចនក្នុងតំបន់ដែលរងផលប៉ះពាល់ដោយកូវីដ១៩ កំពុងបានអនុវត្តជាបន្តបន្ទាប់ នៅពេលដែលមានកន្លែងជាច្រើនមានការលំបាកត្រូវការជួយគាំទ្រ។
អ្នកកើតកូវីដ-១៩សរុបនៅកម្ពុជាឡើងដល់ ២ ៤៤០នាក់ ដែលក្នុងនោះ ១ ៩១៤ នាក់ ស្ថិតក្នុងករណីសហគមន៍២០កុម្ភៈ ដែលរាលដាលក្នុងរាជធានីភ្នំពេញ ខេត្តកណ្តាល ព្រះសីហនុ សៀមរាប ព្រៃវែង ស្វាយរៀង កោះកុង កំពង់ចាម កំពង់ធំ ត្បូងឃ្មុំ កែប តាកែវ កំពត និងបាត់ដំបង។ អ្នកសះស្បើយសរុបមាន ១ ១៩១នាក់ អ្នកស្លាប់មាន១១នាក់ រីឯ៤នាក់ទៀត ស្លាប់ដោយសារជំងឺផ្សេងៗ នាអំឡុងពេលព្យាបាលកូវីដ-១៩។ មនុស្សចំនួន ១ ២៣៤នាក់ ទៀតកំពុងបន្តសម្រាកព្យាបាល៕
មតិពីមិត្តអ្នកអាន