យុគសម័យ - នៅម៉ោង ៨ ព្រឹក ថ្ងៃទី ២៦ ខែកុម្ភៈ ប្រធានគណបក្សពលករកូរ៉េខាងជើង លោក Kim Jong – un ប្រធានក្រុមប្រឹក្សារដ្ឋនៃសាធារណរដ្ឋប្រជាមានិតប្រជាធិបតេយ្យកូរ៉េ បានទៅមកដល់ទីរួមស្រុក Dong Dang ស្រុក Cao Loc ខេត្ត Lang Son តាមជើងរថយន្តពិសេស ដើម្បីចាប់ផ្តើមដំណើរទស្សនកិច្ចចូលរួមកិច្ចប្រជុំកំពូលអាមេរិក-កូរ៉េខាងជើងលើក២ នៅទីក្រុងហាណូយ ក្នុងរយៈពេលពីរថ្ងៃគឺថ្ងៃ ២៧ និង២៨ ខែកុម្ភៈ និងអញ្ជើញធ្វើទស្សនកិច្ចជាផ្លូវការនៅវៀតណាម។
ក្បួនរថភ្លើងដឹកលោកប្រធានកូរ៉េខាងជើងលោក Kim Jong – un បានមកដល់ស្ថានីយ៍រថភ្លើង Dong Dang នៃខេត្ត Lang Son (រូបថតៈ VGP/Nhat Bac)
លោកប្រធាន Kim Jong – un អញ្ជើញចុះពីរថភ្លើងក្នុងការទទួលបដិសណ្ឋារកិច្ចយ៉ាងកក់ក្តៅពីថ្នាក់ដឹកនាំ និងប្រជាជនវៀតណាម (រូបថតៈ VGP/Nhat Bac)
លោក Vo Van Thuong និងលោក Mai Tien Dung អញ្ជើញទទួលស្វាគមន៍លោកប្រធានកូរ៉េខាងជើង Kim Jong – un (រូបថតៈ VGP/Nhat Bac)
(រូបថតៈ VGP/Nhat Bac)
(រូបថតៈ VGP/Nhat Bac)
ប្រជាជននៅខេត្ត Lang Son រីករាយស្វាគមន៍លោកប្រធានកូរ៉េខាងជើង (រូបថតៈ VGP/Nhat Bac)
មុននេះ នាថ្ងៃទី ២៤ ខែកុម្ភៈ ទីភ្នាក់ងារសារព័ត៌មានកណ្តាលរបស់កូរ៉េខាងជើង(KCNA) បានជូនដំណឹងថា ថ្នាក់ដឹកនាំកូរ៉េខាងជើង លោក Kim Jong – un បានធ្វើដំណើរទៅកាន់ទីក្រុងហាណូយ តាមរថភ្លើងដើម្បីធ្វើកិច្ចប្រជុំកំពូលលើកទី ២ ជាមួយលោកប្រធានាធិបតីសហរដ្ឋអាមេរិក Donald Trump នាសប្តាហ៍នេះ។
ដូច្នោះហើយ រថភ្លើងដឹកប្រធានគណបក្សពលករកូរ៉េខាងជើង លោក Kim Jong – un ប្រធានក្រុមប្រឹក្សារដ្ឋនៃសាធារណរដ្ឋប្រជាមានិតប្រជាធិបតេយ្យកូរ៉េបានចាកចេញពីស្ថានីយ៍ព្យុងយ៉ាងនៅរសៀលថ្ងៃទី ២៣ ខែកុម្ភៈ៕
（សរុបព័ត៌មាន ដោយ ស្រីព្រេជ）
មតិពីមិត្តអ្នកអាន