យុគសម័យ - នាថ្ងៃទី ២០ ខែវិច្ឆិកា នៅច្រកព្រំដែន Bu P'rrang ស្រុក Tuy Duc ខេត្ត Dak Nong ក្រុមការងារជំនាញខេត្ត Dak Lak (វៀតណាម) និងក្រុមការងារជំនាញខេត្តមណ្ឌលគីរី (កម្ពុជា) បានជួបប្រជុំគ្នាដើម្បីផ្លាស់ប្តូរខ្លឹមសារភាគច្រើនក្នុងការសម្របសម្រួលស្រាវជ្រាវនិងប្រមូលអដ្ឋិធាតុយុទ្ធជនស្ម័គ្រចិត្តនិងអ្នកជំនាញវៀតណាមនៅរដូវប្រាំង ២០២០-២០២១ និងបប្រគល់ថវិការទ្រពីរដ្ឋាភិបាលវៀតណាមដល់ក្រុមការងារជំនាញខេត្តមណ្ឌលគីរី ។
ទិដ្ឋភាពនៃពិធីនេះ
នៅក្នុងជំនួបនេះ ភាគីទាំងពីរបានផ្លាស់ប្តូរខ្លឹមសារទាក់ទងនឹងការស្វែងរកនិងប្រមូលអដ្ឋិធាតុយុទ្ធជនពលីវៀតណាមរដូវប្រាំង ២០២០-២០២១ ហើយនៅខែធ្នូឆ្នាំ ២០២០ ខេត្តដាក់ឡាក់ នឹងបញ្ជូនកម្លាំងកងទ័ពខេ ៥១ (បញ្ជាការដ្ឋានយោធាខេត្ត) ទៅបំពេញបេសកកម្មនៅកម្ពុជា។ ក្នុងស្មារតីសាមគ្គីភាពនិងមិត្តភាព គណៈកម្មាធិការជំនាញទាំងពីរនៃខេត្តដាកឡាក់និងមណ្ឌលគីរីបានឯកភាពគ្នាយ៉ាងខ្លាំងលើរបៀបវារៈមាតិកា ខ្លឹមសារនិងអនុស្សរណៈនៃការយោគយល់គ្នា។ ភាគីទាំងពីរក៏បានសម្តែងនូវគោលបំណងបន្តជំរុញទំនាក់ទំនងរវាងរដ្ឋាភិបាល កងកម្លាំងប្រដាប់អាវុធនិងប្រជាជននៃខេត្តទាំងពីរ ជាពិសេសក្នុងការស្វែងរកនិងប្រមូលអដ្ឋិធាតុយុទ្ធជនពលីវៀតណាម។ ទោះយ៉ាងណា ដោយសារស្ថានការណ៍ស្មុគស្មាញនៃការរីករាលដាលជំងឺ Covid-19 នៅលើពិភពលោកដើម្បីធានាការត្រួតពិនិត្យនិងការការពារការរាតត្បាត ហេតុដូចនេះការបញ្ជូនក្រុមខេ ៥១ ទៅបំពេញបេសសកម្មនៅកម្ពុជាពឹងផ្អែកលើ ការឯកភាពគ្នារវាងរដ្ឋាភិបាលទាំងពីរក្នុងពេលខាងមុខនេះ។
ក្នុងឱកាសនេះដោយទទួលបានការអនុញ្ញាតពីក្រុមការងារជំនាញនៃរដ្ឋាភិបាលវៀតណាម ក្រុមការងារជំនាញខេត្តដាកឡាក់បានផ្តល់ថវិកាចំនួន ១៣.០០០ ដុល្លារអាមេរិកដល់ក្រុមការងារជំនាញខេត្តមណ្ឌលគីរីនៃព្រះរាជាណាចក្រកម្ពុជា៕（បកប្រែដោយ ហេង វុធ្ធី）
（ប្រភពព័ត៌មាន: baoquankhu5.vn）
មតិពីមិត្តអ្នកអាន