យុគសម័យ - នាពេលថ្មីៗនេះ នៅក្នុងសម័យប្រជុំរដ្ឋសភារយៈពេលមួយថ្ងៃ ព្រះមហាក្សត្រម៉ាឡេស៊ី Al-Sultan Abdullah Ri'ayatuddin Al-Mustafa Billah Shah បាននិយាយថា ត្រូវតែប្រយ័ត្នប្រយែងក្នុងបរិបទដែលកងកម្លាំងប្រដាប់អាវុធអាមេរិកនិងចិនកំពុងបង្កើនសកម្មភាពនៅសមុទ្រខាងកើតនាពេលថ្មីៗនេះ។
ព្រះមហាក្សត្រម៉ាឡេស៊ី Al-Sultan Abdullah Ri'ayatuddin Al-Mustafa Billah Shah។
យោងតាមព្រះមហាក្សត្រម៉ាឡេស៊ី Al-Sultan Billah Shah ក្របខ័ណ្ឌយុទ្ធសាស្ត្រនិងគោលនយោបាយការពារជាតិនាពេលអនាគតរបស់ម៉ាឡេស៊ីគួរតែគិតគូរពីសារៈសំខាន់នៃការទូត ការពារជាតិ គោលនយោបាយការបរទេសជាក់ស្តែង អនុសញ្ញាអន្តរជាតិ និងប្រទេសក្នុងតំបន់អាស៊ី-ប៉ាស៊ីហ្វិកផងដែរ។
គួរជម្រាបថាកាលពីខែមុន រដ្ឋមន្រ្តីក្រសួងការបរទេសម៉ាឡេស៊ីលោក Hishammuddin Hussein បានអំពាវនាវឱ្យភាគីនានាគួរតែអត់ធ្មត់ចំពោះបញ្ហា នៅសមុទ្រខាងកើត ហើយសន្យាជាសារជាថ្មីម្តងទៀតថានឹងរក្សាសន្តិភាពនៅតំបន់ជម្លោះក្នុងបរិបទដែលនាវា Haiyang Dizhi ៨ និងនាវាអមដំណើររបស់ចិន ដែលតាមជាប់នឹងនាវាស្ទង់ប្រេងដែលក្រុមហ៊ុន Petronas របស់ម៉ាឡេស៊ីធ្វើប្រតិបត្តិការនៅសមុទ្រខាងកើត។
នៅក្នុងសេចក្តីប្រកាសមួយនាំចេញកាលពីថ្ងៃទី ២៣ ខែមេសា លោក Hussein បានមានប្រសាសន៍ថា “ដោយសារតែភាពស្មុគស្មាញនិងភាពរសើបនៃបញ្ហានេះ ភាគីនានាត្រូវធ្វើការជាមួយគ្នាដើម្បីថែរក្សាសន្តិភាព សន្តិសុខនិងស្ថេរភាពនៅសមុទ្រខាងកើត ព្រមជាមួយគ្នានេះ បង្កើនកិច្ចខិតខំប្រឹងប្រែងដើម្បីកសាង រក្សានិងពង្រឹងជំនឿទុកចិត្តគ្នាទៅវិញទៅមក”៕
（បកប្រែដោយសាមេត）
（ប្រភពព័ត៌មាន: baoquocte.vn）
មតិពីមិត្តអ្នកអាន