សារព័ត៌មានពិភពលោកបានកោតសរសើរចំពោះក្រុមប្រកួតកីឡាយោធាទាំងអស់នៃកងទ័ពប្រជាជនវៀតណាម

13:08 2019/08/13

Army Games 2019 គឺជាប្រធានបទមួយដែលត្រូវបានលើកឡើងជាច្រើនក្នុងគេហទំព័រសារព័ត៌មានអន្តរជាតិក្នុងប៉ុន្មានថ្ងៃកន្លងមក ដែលក្នុងនោះក្រុមប្រកួតទាំងអស់នៃកងទ័ពប្រជាជនវៀតណាមក៏ទទួលបានការយកចិត្តទុកដាក់យ៉ាងខ្លាំងនៅពេលដែលចូលរួមព្រឹត្តិការណ៍នេះជាលើកទី ២ និងបានបង្កភាពភ្ញាក់ផ្អើលជាច្រើន។

សារព័ត៌មានពិភពលោកបានកោតសរសើរចំពោះក្រុមប្រកួតកីឡាយោធាទាំងអស់នៃកងទ័ពប្រជាជនវៀតណាម

ក្រុមកងទ័ពវៀតណាមចូលរួម Army Game 2019 (រូបថត៖ vietbao.vn)

កាសែត AIF របស់រុស្ស៊ី បានដកស្រង់សម្ដីរបស់លោកវរសេនីយ៍ឯក Vladislav Veryasov ប្រធានការិយាល័យបង្វឹកបង្ហាត់ការប្រយុទ្ធនៃកងវិស្វកម្មរុស្ស៊ី និងជាអាជ្ញាកណ្តាលនៃការប្រកួតដែលនិយាយថា លោកវាយតម្លៃខ្ពស់ចំពោះសមត្ថភាពរបស់កងវិស្វកម្មនៃកងទ័ពប្រជាជនវៀតណាម ព្រមទាំងសង្កត់ធ្ងន់ថា យោធិនវៀតណាមបានបង្ហាញស្មារតីប្រយុទ្ធដ៏អង់អាចក្លាហាន។ 

កងទ័ពវៀតណាមចូលរួមការប្រកួត Army Games 2019 (រូបថត៖​ kh.qdnd.vn)

លោកវរសេនីយ៍ឯក Vladimir Bely មេបញ្ជាការរងកម្លាំងប្រយុទ្ធពិសេសបេឡារុស្ស និងជាអាជ្ញាកណ្តាលនៃការប្រកួត Army Games បានចែករំលែកលើស្ថានីយ៍ទូរទស្សន៍អេសវីអេសបេឡារុស្សថា ទោះបីជាលើកដំបូងចូលរួមក្នុងព្រឹត្តិការណ៍ Army Games 2019 ក៏ដោយក៏ប៉ុន្តែក្រុមបាញ់ស៊ីបវៀតណាមបានទទួលលទ្ធផលខ្ពស់។ លោក Vladimir Bely បានបន្ដថា ក្រុមបាញ់ស៊ីបវៀតណាមបានបាញ់ចំគោលដៅ។

ក្រុមពេទ្យយោធាវៀតណាមក៏ទទួលបានការស្ងើចសរសើរពីកាសែត Sputnik របស់រុស្ស៊ីថា ក្រុមដែលបានប្រើប្រាស់បច្ចេកទេសចាក់ជីពចរយ៉ាងទាន់ពេលដើម្បីជួយអ្នកប្រកួតបង្កើនកម្លាំងសុខភាពក្រោយពីឆ្លងកាត់វត្ថុរារាំងនៅទីលានហ្វឹកហ្វឺន Forish នៅទីក្រុង Tashkent ប្រទេសអ៊ូសបេគីស្ថាន។

រថក្រោះវៀតណាមនៅ Army Games 2019 (រូបថត៖​ kh.qdnd.vn)

យោងតាមកាសែត Sputnik បានឲ្យដឹងថា ការប្រកួតវគ្គផ្ដាច់ព្រ័ត្រនៃ “ដំណើរការសុវត្ថិភាព” ត្រូវបានធ្វើឡើងនៅថ្ងៃទី ១១ ខែសីហា នៅទីលានហ្វឹកហ្វឺន Andreevsky ជាយក្រុង Tyumen ប្រទេសរុស្ស៊ី៕


 

(យោងតាម kh.qdnd.vn សរុបដោយ ហេង វុធ្ធី)
;

ព័ត៌មានទាក់ទិនផ្សេងៗ:

មតិយោបល់របស់មិត្តអ្នកអាន
ឈ្មោះ :
អ៊ីមែល :
យោបល់របស់លោកអ្នក:
   
 
 
 
 
   
Mobile
TieuDe
លេខកូដសុវត្ថិភាព:  
ផ្ញើ
  Hiển thị    kết quả / trang
Không tìm thấy bản ghi nào
Scroll