យុគសម័យ - កិច្ចប្រជុំកំពូលអាស៊ានលើកទី ៣៥ និងកិច្ចប្រជុំកំពូលពាក់ព័ន្ធនានានឹងប្រព្រឹត្តទៅចាប់ពីថ្ងៃទី ២ ដល់ថ្ងៃទី ៤ ខែវិច្ឆិកានៅប្រទេសថៃដោយមានការចូលរួមពីថ្នាក់ដឹកនាំនិងតំណាងមកពីជាង ២០ ប្រទេស។
កិច្ចប្រជុំកំពូលអាស៊ានលើកទី ៣៤ នៅថៃ កាលពីខែមិថុនាឆ្នាំ២០១៩ (រូបថត៖ baoquocte.vn)
ក្នុងក្របខ័ណ្ឌនៃកិច្ចប្រជុំនេះ ពិធីផ្តេរតំណែងជាប្រធានប្តូរវេនអាស៊ានពីថៃជូនទៅវៀតណាមនឹងប្រព្រឹត្តទៅនៅថ្ងៃទី ៤ ខែវិច្ឆិកាខាងមុខនេះ។ គួបញ្ជាក់ថានាថ្ងៃទី ១៨ ខែតុលា ប្រធាននាយកដ្ឋានកិច្ចការអាស៊ាននៃក្រសួងការបរទេសថៃ លោក Suriya Chindawongse បានមានប្រសាសន៍ថាកិច្ចប្រជុំកំពូលអាស៊ានធ្វើឡើងក្នុងគោលបំណងជំរុញកិច្ចសហប្រតិបត្តិការក្នុងតំបន់និងពង្រឹងការតភ្ជាប់រវាងប្រទេសសមាជិកអាស៊ាន និងរវាងអាស៊ាននិងប្រទេសជាដៃគូផងដែរ។
ទីក្រុងបាកកនៃប្រទេសថៃ (រូបថត៖ tapchithongtindoingoai.vn)
ថ្នាក់ដឹកនាំទាំងឡាយនឹងផ្តោតលើការពិភាក្សាគ្នាអំពីយុទ្ធសាស្ត្រជំរុញកំណើនសេដ្ឋកិច្ចនិងចក្ខុវិស័យអាស៊ានស្តីពីឥណ្ឌូ-ប៉ាស៊ីហ្វិក សំដៅជំរុញកិច្ចសហប្រតិបត្តិការរវាងប្រទេសនានាក្នុងទ្វីបនិងដែនសមុទ្រនៃតំបន់មហាសមុទ្រឥណ្ឌា-ប៉ាស៊ីហ្វិក។
លោក Suriya Chindawongse ក៏បានលើកឡើងផងដែរថាអាស៊ានត្រៀមខ្លួនដើម្បីបង្កើតលក្ខណៈអំណោយផលសម្រាប់ប្រទេសធំៗធ្វើការពិភាក្សាគ្នាក្នុងស្មារតីស្ថាបនានិរួមគ្នាដោះស្រាយឲ្យបានល្អនូវបញ្ហាសេដ្ឋកិច្ចនិងសន្តិសុខផងដែរ៕（ហេង វុធ្ធី）
មតិពីមិត្តអ្នកអាន