យុគសម័យ - នាថ្ងៃទី ១១ ខែមីនា នៅក្នុងសន្និសីទសារព័ត៌មានជាប្រចាំរបស់ក្រសួងការបរទេសវៀតណាម លោកស្រី Le Thi Thu Hang អ្នកនាំពាក្យក្រសួងការបរទេស បានឆ្លើយសំណួរទាក់ទងនឹងបញ្ហាសមុទ្រខាងកើត។
 ការតាំងពិព័រណ៍ផែនទី និងការតាំងបង្ហាញឯកសារ “ ប្រជុំកោះ Hoang Sa – Truong Sa របស់វៀតណាម” |
 តាំងពិព័រណ៍បង្ហាញវត្ថុនិងឯកសារដ៏មានអត្ថន័យអំពីអធិបតេយ្យភាពនៅប្រជុំកោះ Hoang Sa – Truong Sa របស់វៀតណាម |
 |
| អ្នកនាំពាក្យក្រសួងការបរទេស វៀតណាម លោកស្រី Le Thi Thu Hang |
នៅក្នុងសន្និសីទសារព័ត៌មានជាប្រចាំ នារសៀលថ្ងៃទី ១១ ខែមីនា អ្នកនាំពាក្យក្រសួងការបរទេស វៀតណាម លោកស្រី Le Thi Thu Hang បានអះអាងសារជាថ្មីម្តងទៀតនូវទស្សនៈដោយឥតងាករេស្តីពីអធិបតេយ្យភាព សិទ្ធិអធិបតេយ្យភាពនិងយុត្តាធិការរបស់វៀតណាមលើបញ្ហាសមុទ្រខាងកើត ហើយថែមទាំងទាមទារឱ្យភាគីនានាគោរពបទប្បញ្ញត្តិនៃច្បាប់អន្តរជាតិផងដែរ។
នៅពេលដែលទទួលព័ត៌មានថាចិនធ្វើសមយុទ្ធដោយខុសច្បាប់លើកោះ Tri Ton ចំណុះប្រជុំកោះ Hoang Sa របស់វៀតណាម នៅដើមខែមីនា ឆ្នាំ ២០២១ អ្នកនាំពាក្យការបរទេសវៀតណាម លោកស្រី Le Thi Thu Hang បានអះអាងថា វៀតណាមមានភ័ស្តុតាងជាប្រវត្តិសាស្ត្រយ៉ាងពេញលេញសម្រាប់ប្រជុំកោះ Hoang Sa (Paracel Islands) និង Truong Sa (Spartly Islands) ដែលស្របតាមច្បាប់អន្តរជាតិ ក្នុងនោះមានអនុសញ្ញាអង្គការសហប្រជាជាតិស្ដីពីច្បាប់សមុទ្រឆ្នាំ ១៩៨២។ លើសពីនេះទៀត លោកស្រី Le Thi Thu Hang ក៏បានសង្កត់ធ្ងន់ថា៖ ទស្សនៈដោយឥតងាករេរបស់វៀតណាមគឺរាល់សកម្មភាពនៅប្រជុំកោះ Hoang Sa និង Truong Sa ដោយគ្មានការអនុញ្ញាតពីវៀតណាមបានចាត់ទុកជារំលោភបំពានលើអធិបតេយ្យភាពរបស់វៀតណាមលើប្រជុំកោះទាំងពីរនេះ ព្រមទាំងធ្វើឱ្យស្មុគស្មាញដល់ស្ថានភាព មិនផ្តល់កអំណោយផលដល់ទំនាក់ទំនងសន្តិភាព ស្ថិរភាពនិងសណ្តាប់ធ្នាប់ សន្តិសុខ សុវត្ថិភាព សេរីភាពក្នុងការធ្វើអាកាសចរនិងនាវាចរណ៍នៅតំបន់សមុទ្រខាងកើតនោះទេ»។
អញ្ជើញធ្វើអត្ថាធិប្បាយលើសេចក្តីប្រកាសរបស់បណ្តាប្រទេសអឺរ៉ុបក្នុងការបញ្ជូននាវាចម្បាំងទៅកាន់សមុទ្រខាងកើត អ្នកនាំពាក្យក្រសួងការបរទេសវៀតណាម លោកស្រី Le Thi Thu Hang បានមានប្រសាសន៍ថា៖ ការថែរក្សាសន្តិភាពសណ្តាប់ធ្នាប់សន្តិសុខនិងសុវត្ថិភាពសេរីភាពនៃការធ្វើនាវាចរណ៍ និងការគោរពចំពោះគំហរគោរពច្បាប់ គោរពអធិបតេយ្យអធិបតេយ្យ និងយុត្តាធិការរបស់រដ្ឋនានានៅសមុទ្រខាងកើតស្របតាម សន្ធិសញ្ញា UNCLOS ដែលជាគោលដៅចំណាប់អារម្មណ៍និងទំនួលខុសត្រូវ និងចាត់ទុកជាសេចក្តីប្រាថ្នារួមរបស់ប្រទេស និងសហគមន៍អន្តរជាតិទាំងអស់។ សកម្មភាពរបស់រដ្ឋនានានៅសមុទ្រខាងកើតគួរតែចូលរួមចំណែកដល់គោលដៅរួមនេះ៕
vietnamnet.vn
មតិពីមិត្តអ្នកអាន