ទីភ្នាក់ងារវាយតម្លៃឥណទានពិភពលោករបស់ប្រទេសសិង្ហបុរី Moody’s មើលឃើញថាអាស៊ីកំពុងស្ថិតនៅក្នុងទីតាំងដ៏ល្អប្រសើរមួយក្នុងការគ្រប់គ្រងវិបត្តិសេដ្ឋកិច្ចដែលកំពុងកើតមានបង្កដោយវីរុសកូវីដ១៩ នៅឆ្នាំ ២០២១ ជាងតំបន់ដទៃទៀតនៅលើពិភពលោក។
Moody’s៖ អាស៊ីកំពុងស្ថិតនៅក្នុងទីតាំងដ៏ល្អប្រសើរមួយក្នុងការគ្រប់គ្រងវិបត្តិសេដ្ឋកិច្ចដែលកំពុងកើតមានបង្កដោយវីរុសកូវីដ១៩ នៅឆ្នាំ ២០២១
ទីភ្នាក់ងារនេះបានឲ្យដឹងថា៖ «សេដ្ឋកិច្ចភាគច្រើននៅក្នុងទ្វីបអាស៊ីបានឈានទៅរកការរីករាលដាលនៃជំងឺរាតត្បាតដោយមានជំហរចាប់ផ្តើមខ្លាំងជាងមុនទាក់ទងនឹងកំណើនប្រៀបធៀបនឹងតំបន់ផ្សេងទៀត។ ប្រទេសដែលមានអភិបាលកិច្ចរឹងមាំនិងការគ្រប់គ្រងបានល្អប្រសើរលើករណីនៃជំងឺរាតត្បាតនឹងប្រឈមមុខនឹងសំពាធតិចតួចចំពោះទស្សនវិស័យកំណើន»
ទោះយ៉ាងណា ទីភ្នាក់ងារបានឲ្យដឹងថាផលប៉ះពាល់វីរុសកូរ៉ូណានឹងដាក់សំពាធលើកំណើនក្នុងរយៈពេលខ្លីនិងបង្កហានិភ័យដល់ចក្ខុវិស័យកំណើនក្នុងរយៈពេលពីរបីឆ្នាំខាងមុខផងដែរ។
«ខណៈពេលដែលទំហំនៃការគាំទ្រគោលនយោបាយនៅទូទាំងតំបន់មិនធ្លាប់កើតមានពីមុនមកបន្ទាប់ពីការរីករាលដាលនៃជំងឺរាតត្បាត វិធានការទាំងនេះមិនទំនងជាអាចកាត់បន្ថយផលប៉ះពាល់នៃវីរុសកូរ៉ូណាវ៉ាវីលើការរីកចម្រើនក្នុងរយៈពេលខ្លីនោះទេ។ ការផ្លាស់ប្តូរមួយចំនួននឹងបង្កើនល្បឿនជាលទ្ធផលនៃជំងឺរាតត្បាត ដែលនឹងជំរុញភាពខុសគ្នានៃគុណភាពឥណទាន។ ការកំណត់រចនាសម្ព័ន្ធខ្សែសង្វាក់ផ្គត់ផ្គង់ ការបង្កើនឌីជីថលភាវូបនីយកម្ម និងសមត្ថភាពក្នុងការដោះស្រាយវិសមភាពសង្គមដែលកំពុងកើនឡើងដែលបណ្តាលមកពីការថយចុះនៃកម្រិតជីវភាពនឹងជះឥទ្ធិពលខុសគ្នានៅទូទាំងតំបន់»។
ទីភ្នាក់ងារ Moody’s បានឲ្យដឹងថាហានិភ័យដែលកើតមានឡើងជាយូរមកហើយនឹងបន្តដាក់សម្ពាធលើសេដ្ឋកិច្ច។
ទីភ្នាក់ងារដដែលបានបន្តថា៖ «ភាពមិនប្រាកដប្រជាច្រើនមានជុំវិញអនាគតនៃការរាតត្បាតនិងការរំខានផ្នែកសេដ្ឋកិច្ច។ ដោយសារតែភាពមិនប្រាកដប្រជានេះ ការផ្លាស់ប្តូរភ្លាមៗនៃគោលគំនិតអាចបង្កឱ្យមានលំហូរមូលធនមិនស្ថិតស្ថេរនៅក្នុងតំបន់ បើទោះបីជាការផ្តល់មូលនិធិទំនងជាមិនសូវមានឧបសគ្គនៅក្នុងទ្វីបអាស៊ីនៅឆ្នាំ ២០២១ ក៏ដោយ (បើប្រៀបធៀបនឹងវានៅឆ្នាំ ២០២០) ដោយសារតែសាច់ប្រាក់ងាយស្រួលដែលគ្រប់គ្រាន់»។
របាយការណ៍នេះធ្វើឡើងបន្ទាប់ពីទីភ្នាក់ងារ Moody’s បានរក្សាចំណាត់ថ្នាក់ឥណទាន B2 ដែលមានស្ថេរភាពរបស់ព្រះរាជាណាចក្រកម្ពុជានៅដើមឆ្នាំនេះ ដោយបង្ហាញពីចក្ខុវិស័យកំណើនផលិតផលក្នុងស្រុកសរុបដ៏រឹងមាំរបស់ខ្លួនសម្រាប់ភាពជឿជាក់របស់ខ្លួនក្នុងការគ្រប់គ្រងបំណុលរបស់ប្រទេស។
ទីភ្នាក់ងារវាយតម្លៃឥណទានពិភពលោករបស់ប្រទេសសិង្ហបុរី Moody’s
របាយការណ៍របស់ធនាគារពិភពលោកក៏មានភាពវិជ្ជមានផងដែរអំពីការរីកចម្រើនឡើងវិញរបស់កម្ពុជានៅឆ្នាំ ២០២១។
«សេដ្ឋកិច្ចបានព្យាករថានឹងធ្លាក់ចុះ ២ ភាគរយនៅឆ្នាំ ២០២០ ប៉ុន្តែរំពឹងថានឹងស្ទុះងើបឡើងវិញនិងកើនឡើង ៤ ភាគរយនៅឆ្នាំ ២០២១»។
របាយការណ៍នេះបានផ្តល់អនុសាសន៍ក្នុងការបង្កើនការវិនិយោគសាធារណៈសម្រាប់ជួយដល់ជនក្រីក្រី និងសម្រាប់ជំរុញកំណើន រួមមានទាំងកម្មវិធីបង្កើតការងារជាថ្នូរយកប្រាក់កម្រៃប្រចាំថ្ងៃ (cash-for-work projects) ផង ហើយទន្ទឹមគ្នានេះ លើកកម្ពស់វិស័យអតិពលកម្មនានាដើម្បីបង្កើតការងារក្នុងឱកាសដែលមានការងើបឡើងឆាប់រហ័សនៃតម្រូវការទំនិញប្រើប្រាស់ក្នុងស្រុក។
របាយការណ៍ក៏បានលើកឡើងដែរនូវឱកាសនានាសម្រាប់សម្រួលការពង្រីកការវិនិយោគក្នុងស្រុកនិងពីបរទេស ដោយផ្អែកលើកិច្ចព្រមព្រៀងពាណិជ្ជកម្មសេរីទ្វេភាគីនិងក្នុងតំបន់ក្នុងពេលថ្មីៗនេះ រួមមាន កិច្ចព្រមព្រៀងពាណិជ្ជកម្មសេរីរវាងកម្ពុជានិងចិន និង កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (RCEP)។
ទោះជាយ៉ាងណា ការធ្វើបច្ចុប្បន្នភាពទស្សនវិស័យអភិវឌ្ឍន៍ Development Outlook ដែលបានចេញផ្សាយនៅក្នុងខែកញ្ញាដោយធនាគារអភិវឌ្ឍន៍អាស៊ីបានព្យាករណ៍ថាសេដ្ឋកិច្ចកម្ពុជានឹងងើបឡើងវិញក្នុងអត្រាកំណើន ៥,៩ ភាគរយជាមួយនឹងអតិផរណាដែលបានព្យាករណ៍ថានឹងមាន ១,៨ ភាគរយនៅឆ្នាំ ២០២១ ។
ធនាគារអភិវឌ្ឍន៍អាស៊ីបានឲ្យដឹងទៀតថា៖ «ការបង្កើនការអនុវត្តកសិកម្ម និងការកើនឡើងបរិមាណនៃការនាំចេញក្រៅពីឧស្សាហកម្មកាត់ដេរគឺស្ថិតក្នុងចំណោមកត្តាដែលត្រូវបានលើកឡើង»៕
(សរុបដោយវិច្ឆិកា)
មតិពីមិត្តអ្នកអាន