Trending now

និស្សិតកម្ពុជាសប្បាយរីករាយដែលបានវិលត្រឡប់មកប្រទេសវៀតណាមវិញដើម្បីបន្តការសិក្សា

16:38 | 15/07/2020 (យោងតាមស្ថានទូតវៀតណាមប្រចាំកម្ពុជា)

នាពេលព្រឹក ថ្ងៃទី១៥ ខែកក្កដា ឆ្នាំ២០២០ នៅច្រកទ្វារព្រំដែនអន្តរជាតិបាវិត-ម៉ុកបាយ និស្សិតកម្ពុជាចំនួនជិត៦០០នាក់បានឆ្លងចូលមកប្រទេសវៀតណាមវិញដើម្បីបន្តកម្មវិធីសិក្សានៅតាមសាកលវិទ្យាល័យ ទូទាំងប្រទេសវៀតណាម ក្រោយរយៈពេលឈប់សម្រាកដើម្បីបង្ការនិងប្រឆាំងនឹងជំងឺកូវីដ១៩។ គ្រប់ស្ថាប័នមានការពាក់ព័ន្ធនៃប្រទេសទាំងពីរបានសហការគ្នាយ៉ាងម៉តចត់ក្នុងការអនុវត្តបណ្តាវិធានការបង្ការនិងប្រឆាំងជំងឺកូវីដ១៩ដើម្បីការពារសុខភាពរបស់ក្រុមនិស្សិតទាំងនេះ។

និស្សិតកម្ពុជាសប្បាយរីករាយដែលបានវិលត្រឡប់មកប្រទេសវៀតណាមវិញដើម្បីបន្តការសិក្សា។ (រូបថត៖ VOV)

ក្នុងបទសម្ភាសសម្លេងវិទ្យុជាតិវៀតណាម VOV ឯកឧត្តម ចាយ ណាវុធ ឯកអគ្គរាជទូតកម្ពុជាប្រចាំនៅវៀតណាមបានវាយតម្លៃខ្ពស់ចំពោះការខិតខំប្រឹងប្រែងរបស់គ្រប់ស្ថាប័នមានការពាក់ព័ន្ធរបស់ភាគីទាំងពីរកម្ពុជានិងវៀតណាមដែលបានបង្កលក្ខណៈងាយស្រួលជូនដល់ការវិលត្រឡប់មកវៀតណាមដើម្បីបន្តការសិក្សារបស់និស្សិតកម្ពុជា។

ឯកឧត្តម ចាយ ណាវុធ បានមានប្រសាសន៍ថា “ជាបឋម ខ្ញុំសូមថ្លែងអំណរគុណយ៉ាងជ្រាលជ្រៅដល់ថ្នាក់ដឹកនាំនិងបណ្តាស្ថាប័ននៃប្រទេសទាំងពីរដែលបានបង្កលក្ខណៈងាយស្រួលដល់ក្រុមនិស្សិតកម្ពុជាទាំងនេះអោយវិញត្រឡប់មកប្រទេសវៀតណាមវិញដើម្បីបន្តការសិក្សា។ នេះគឺជាសក្ខីភាពមួយនៃចំណងទំនាក់ទំនងសហប្រតិបត្តិការរវាងប្រទេសយើងទាំងពីរ។ ចាប់តាំងពីពេលជំងឺកូវីដ១៩ផ្ទុះមក បក្ស រដ្ឋ និងប្រជាជនវៀតណាមតែងតែមានការយកចិត្តទុកដាក់ជួយឧបត្ថម្ភប្រទេសកម្ពជាក្នុងការប្រឆាំងនឹងជំងឺកូវីដ១៩នេះ”។

ប្អូន LYLY SA ដែលជានិស្សិតឆ្នាំទី៤នៅសកលវិទ្យាល័យ NGUYEN TAT THANH បាននិយាយថា៖ “ថ្ងៃនេះ ខ្ញុំមានក្តីសប្បាយរីករាយខ្លាំងដែលបានវិលត្រឡប់មកប្រទេសវៀតណាមដើម្បីបន្តការសិក្សារបស់ខ្លួន ហើយបានជួបសាលា អ្នកគ្រូលោកគ្រូ មិត្តភ័ក្រ្ត… ខ្ញុំមានក្តីជឿទុកចិត្តខ្លាំងនាពេលវិលត្រឡប់មកវៀតណាមវិញដោយសារបណ្តាស្ថាប័នមានសមត្ថកិច្ចរបស់វៀតណាមបានអនុវត្តដ៏ល្អប្រសើក្នុងការបង្ការនិងប្រឆាំងនឹងជំងឺរាលដាល”។

ជារៀងរាល់ឆ្នាំ និស្សិតកម្ពុជាទៅសិក្សានៅប្រទេសវៀតណាមមានការកើនឡើងជាបន្តបន្ទាប់ ទាំងចំនួននិងគុណភាព។ គិតត្រឹមដល់ឆ្នាំនេះ និស្សិតកម្ពុជាដែលកំពុងសិក្សានៅវៀតណាមមានចំនួនប្រមាណ៤០០០នាក់ ដែលក្នុងនោះមាន៨០០កន្លែងជាអាហារូបករណ៍។

(យោងតាមស្ថានទូតវៀតណាមប្រចាំកម្ពុជា)

(យោងតាមស្ថានទូតវៀតណាមប្រចាំកម្ពុជា)

ព័ត៌មានថ្មីៗ

លោកអគ្គលេខាបក្ស Nguyen Phu Trong អញ្ជើញជួបសន្ទនាតាមទូរស័ព្ទជាមួយលេខាទី ១ នៃបក្សកុម្មុយនិស្តគុយបា
រដ្ឋមន្រ្តីការពារជាតិសហរដ្ឋអាមេរិកធ្វើទស្សនកិច្ចផ្លូវការនៅវៀតណាម
រដ្ឋសភាវៀតណាម៖ សញ្ញាសម្គាល់នៃការសម្រេចចិត្តស្របតាមបំណងប្រាថ្នារបស់ប្រជាជន
ប្រធានតំណាង UNESCO ប្រចាំវៀតណាម៖ វៀតណាមជាសមាជិកសកម្មនិងដើរតួនាទីយ៉ាងសំខាន់ក្នុង UNESCO
ទីភ្នាក់ងារសារព័ត៌មាន Sputnik (រុស្ស៊ី)៖ “ផឹកទឹកនឹកដល់ប្រភព” គឺជាប្រពៃណីដ៏ល្អប្រពៃរបស់ប្រជាជនវៀតណាម