នាថ្ងៃទី៤ ខែមករា នៅរដ្ឋធានីហាណូយ លោកនាយករដ្ឋមន្រ្តីវៀតណាម Nguyen Xuan Phuc និងលោកនាយករដ្ឋមន្រ្តីឡាវ Thongloun Sisoulith បានធ្វើជាសហអធិបតីក្នុងកិច្ចប្រជុំលើកទី៤២ នៃគណៈកម្មាធិការអន្តររដ្ឋាភិបាលវៀតណាម-ឡាវ។
នាយករដ្ឋមន្រ្តីវៀតណាមលោក Nguyen Xuan Phuc (ខាងស្ដាំ) និងនាយករដ្ឋមន្រ្តីឡាវលោក Thongloun Sisoulith (រូបថត៖ ទីភ្នាក់ងារសារព័ត៌មានវៀតណាម)
នៅពេលបញ្ចប់សម័យចប្រជុំលើកទី ៤២ នៃគណៈកម្មាធិការអន្តររដ្ឋាភិបាលវៀតណាម - ឡាវ នាយករដ្ឋមន្ត្រីនៃប្រទេសទាំងពីរបានអញ្ជើញចូលរួមក្នុងសន្និសីទកាសែត ដើម្បីប្រកាសលទ្ធផលល្អប្រសើរនៃសម័យប្រជុំលើកនេះ។ លោកនាយករដ្ឋមន្ត្រី Nguyen Xuan Phuc បានមានប្រសាសន៍អំពីគ្រោងកិច្ចសហប្រតិបត្តិការក្នុងរយៈពេល ១០ ឆ្នាំខាងមុខឆាប់ៗនេះ។
“បន្តជំរុញទំនាក់ទំនងនយោបាយ កិច្ចការបរទេស សន្តិសុខ ការពារជាតិអោយកាន់តែស៊ីជំរៅថែមទៀត។ លើវិស័យពាណិជ្ជកម្មវិនិយោគ ខិតខំប្រឹងប្រែងដល់ឆ្នាំ២០២០ ទំហំពាណិជ្ជកម្មកើនយ៉ាងហោចណាស់១៥%។ ជាពិសេសគឺបង្កើនការតភ្ជាប់ បំពេញបន្ថែមគ្នារវាងខឿនសេដ្ឋកិច្ចទាំងពីរ ក្នុងនោះមានវិស័យគមនាគមន៍ដឹកជញ្ជូន ថាមពល គ្រប់គ្រងនិងប្រើប្រាស់ប្រភពទឹននិងប្រភពធនធានធម្មជាតិផ្សេងៗប្រកបដោយចីរភាព។ បង្កើនការតភ្ជាប់គ្នាខាងគមនាគមន៍ដឹកជញ្ជូន ជាពិសេសគឺបង្កលក្ខណៈងាយស្រួលជួយអោយឡាវពីប្រទេសគ្មានសមុទ្រក្លាយទៅជាប្រទេសមានសមុទ្រតាមរយៈវៀតណាម។ ភាគីទាំងពីរបានពិភាក្សាហើយសហការកសាងយុទ្ធសាស្ត្រសហប្រតិបត្តិការទ្វេភាគីក្នុងរយៈពេល១០ឆ្នាំខាងមុខ"។
ដោយឈរលើស្មារតីនៃទំនាក់ទំនងពិសេស ជឿទុកចិត្តគ្នាទៅវិញទៅមក លោកនាយករដ្ឋមន្រ្តី Nguyen Xuan Phuc បានអោយដឹងថា ភាគីទាំងពីរនឹងបន្តគាំទ្រគ្នាហើយសហប្រតិបតិ្តការប្រកបដោយប្រសិទ្ធភាពនៅអង្គការ វេទិកាអន្តរជាតិនិងតំបន់នានាដូចជា អាស៊ាន APEC ASEM និងវេទិកាទន្លេមេគង្គ ជាដើម៕
នាថ្ងៃដដែលលោក Nguyen Xuan Phuc បានរៀបចំពិធីជប់លៀងស្វាគមន៍លោក Thongloun Sisoulith និងគណៈប្រតិភូក្នុងឱកាសចូលរួមកិច្ចប្រជុំលើកទី៤២ នៃគណៈកម្មាធិការអន្តររដ្ឋាភិបាលវៀតណាម-ឡាវ៕
（បូកសរុបដោយឌីណា）
មតិពីមិត្តអ្នកអាន