លោក ដូណាល់ ត្រាំ មានសិទ្ធិអំណាចបង្គាប់ឱ្យបណ្ដាក្រុមហ៊ុនអាមេរិកចាកចេញ ពីប្រទេសចិន តាមរយៈការប្រកាសពីភាពអាសន្ន ក្នុងនាមជាប្រធានាធិបតីអាមេរិក។
លោក ដូណាល់ ត្រាំ មានអំណាចបង្គាប់ឱ្យក្រុមហ៊ុនអាមេរិកទាំងអស់ ចាកចេញពីប្រទេសចិន។
ថ្លែងប្រាប់អ្នកសារព័ត៌មានពាក់ព័ន្ធនឹងសារបង្ហោះនៅលើ Twitter របស់លោក ដូណាល់ ត្រាំ រដ្ឋមន្ត្រីរតនាគារជាតិអាមេរិក លោក Steven Mnuchin បានគូសបញ្ជាក់ដូច្នេះថា៖ «គាត់ (លោក ត្រាំ) មិនទាន់ប្រកាសពីភាពអាសន្នណាមួយឡើយ...ប៉ុន្តែគាត់អាចនឹងប្រកាសពី ភាពអាសន្នមួយឡើងក្នុងករណីចាំចាច់ ហើយគាត់មានសិទ្ធិអំណាចធ្វើដូចនេះ
យោងតាមទីភ្នាក់ងារសារព័ត៌មាន Reuters វិទ្យាស្ថានស្រាវ Rhodium Group បានឲ្យដឹងថាក្រុមហ៊ុនអាមេរិកបានវិនិយោគទឹកប្រាក់ ២៥៦ ពាន់លានដុល្លារនៅលើទីផ្សារចិនចាប់ពីឆ្នាំ ១៩៩០ ដល់ឆ្នាំ ២០១៧ដែលកើនឡើងទ្វេដងនៃការវិនិយោគសរុបរបស់ក្រុមហ៊ុនចំនួន ១៤០ ពាន់លានដុល្លារអាមេរិកចិនចាក់ចូលអាមេរិក។
គួរបញ្ជាក់ថា ការលើកឡើងរបស់ លោក Steven Mnuchin ធ្វើឡើងឆ្លើយតបនឹងសំណួ អ្នកសារព័ត៌មាន បន្ទាប់ពីលោក ដូណាល់ ត្រាំ កាលពីថ្ងៃអាទិត្យកន្លងទៅបានសរសេរសារមួយ បង្ហោះលើ Twitter ថា បានបង្គាប់ក្រុមហ៊ុនអាមេរិកពិចារណាចាកចេញពីប្រទេសចិន ហើយ មកបង្កើតរោងចក្រផលិត ផលិតផលរបស់ខ្លួននៅក្នុងសហរដ្ឋអាមេរិកវិញ៕
(សរុបដោយវិច្ឆិកា)
មតិពីមិត្តអ្នកអាន