យុគសម័យ - នាថ្ងៃទី ១៤ ខែតុលា លោក To Anh Dung អនុរដ្ឋមន្រ្តីក្រសួងការបរទេសវៀតណាមបានអញ្ជើញទទួលជួបឯកអគ្គរដ្ឋទូតវិសាមញ្ញនិងពេញសមត្ថភាពប៉ូឡូញប្រចាំនៅវៀតណាម លោក Wojciech Gerwel ។
ទិដ្ឋភាពនៃជំនួប (រូបថត៖ baoquocte.vn)
ក្នុងជំនួបនេះ លោក To Anh Dung បានសម្តែងនូវក្តីសោមន្សរីករាយនិងកោតសរសើរចំពោះការអភិវឌ្ឍដ៏វិជ្ជមាននៃទំនាក់ទំនងមិត្តភាពជាប្រពៃណីនិងកិច្ចសហប្រតិបត្តិការលើកគ្រប់វិស័យរវាងវៀតណាមនិងប៉ូឡូញក្នុងរយៈពេលកន្លងមក។ លោក To Anh Dung បានស្នើឱ្យភាគីទាំងពីរសហការគ្នារៀបចំសកម្មភាពដើម្បីអបអរសាទរខួបលើកទី ៧០ នៃការបង្កើតទំនាក់ទំនងការទូតរវាងប្រទេសទាំងពីរនៅឆ្នាំ ២០២០ ខាងមុខនេះ ព្រមទាំងផ្លាស់ប្តូរ គណៈប្រតិភូគ្រប់ជាន់ថ្នាក់ ជាពិសេសគណៈប្រតិភូជាន់ខ្ពស់ ក៏ដូចជាអនុវត្តយន្តការនៃការពិគ្រោះយោបល់នយោបាយនិងសេដ្ឋកិច្ចរវាងរដ្ឋាភិបាលទាំងពីរប្រកបដោយប្រសិទ្ធភាពផងដដែរ។ វៀតណាមស្វាគមន៍និងមានឆន្ទៈក្នុងការសម្របសម្រួលជំរុញកិច្ចសហប្រតិបត្តិការទ្វេភាគីនៅក្នុងតំបន់ដែលប៉ូឡូញមានឧត្តមភាពនិងសមស្របទៅនឹងតម្រូវការរបស់វៀតណាមដូចជាការកែច្នៃម្ហូបអាហារ កសិកម្ម ឱសថ ។ល។
រីឯខ្លួនវិញ ឯកអគ្គរដ្ឋទូត Wojciech Gerwel បានអះអាងថាប៉ូឡូញតែងតែយកចិត្តទុកដាក់ចំពោះទំនាក់ទំនងមិត្តភាពជាប្រពៃណីនិងកិច្ចសហប្រតិបត្តិការលើគ្របវិស័យជាមួយវៀតណាម ព្រមទាំងគាំទ្រនិងជម្រុះទំនាក់ទំនងរវាងវៀតណាមនិងសហភាពអ៊ឺរ៉ុបឲ្យកាន់តែល្អប្រសើរ ក្នុងនោះមានការផ្តល់សច្ចាប័នលើកិច្ចព្រមព្រៀងពាណិជ្ជកម្មសេរី (EVFTA) និងកិច្ចព្រមព្រៀងការពារការវិនិយោគវៀតណាម - EU (EVIPA) ៕
（បកប្រែដោយ ហេង វុធ្ធី）
មតិពីមិត្តអ្នកអាន