យុគសម័យ - នាថ្ងៃ ១១ ខែកក្កដា មេដាយអនុស្សាវរីយ៍ " ដើម្បីសន្តីភាព មិត្តភាពរវាងបណ្តាប្រជាជាតិ" រង្វាន់ខ្ពស់បំផុតនៃសម្ព័ន្ធអង្គការមិត្តភាពវៀតណាម សម្រាប់មិត្តភក្តិអន្តរជាតិ ដែលបានប្រគល់រង្វាន់ដល់សកម្មជនសន្តិភាពអាមេរិកចំនួន ៦ នាក់ដែលបានរួមចំណែកយ៉ាងសំខាន់ដល់ចលនាប្រឆាំងសង្គ្រាមនៅវៀតណាម។
(ពីឆ្វេងទៅ)លោក Frank Joyce, Mary Anne Barnett, Judith Albert, Alexander Hing, Karin Aguilar-San Juan និងលោក Douglas Hostetter និងលោក Nguyen Tam Chien
សកម្មជនសន្តិភាពដែលមានកិត្តិយសបានទទួលបានរង្វាន់គឺលោក Frank Joyce, Mary Anne Barnett, Judith Albert, Alexander Hing, Karin Aguilar-San Juan និងលោក Douglas Hostetter ។
មនុស្ស ៦ រូបនោះដែលមានអាយុខុសគ្នា អាជីពខុស ៗ គ្នានិងមកពីតំបន់ជាច្រើននៃសហរដ្ឋអាមេរិកប៉ុន្តែពួកគេទាំងអស់មានពេលវេលាជាយូរនៅវៀតណាម។ ពួកគេបានចូលរួមក្នុងចលនាប្រឆាំងសង្គ្រាមជាច្រើនដូចជា៖ ចូលរួមកិច្ចព្រមព្រៀងសន្តិភាពប្រជាជន ធ្វើការយុទ្ធនាការនិងការឃោសនា បាតុកម្មសន្តិភាពដើម្បីប្រឆាំងសង្គ្រាម។ល។ សមាជិកភាគច្រើននៃគណៈប្រតិភូបានទៅកាន់ប្រទេសវៀតណាមជាលើកដំបូងនៅពេលសង្គ្រាមដ៏សាហាវ (ឆ្នាំ១៩៧០) ដើម្បីបង្ហាញចំណងសាមគី្គភាពរបស់ប្រជាជនអាមេរិកជឿនលឿនចំពោះចលនាតស៊ូរបស់ប្រជាជនវៀតណាម។
ថ្លែងនៅក្នុងពិធី លោក Nguyen Tam Chien ប្រធានសមាគមវៀតណាម - អាមេរិកបានចែករំលែកថា៖ សកម្មជនសន្តិភាពបានរួមចំណែក្នុង "អប្កូតហេតុរបស់ការទូតប្រជាជនវៀតណាម" នៅក្នុងរយៈពេលលំបាក តាមរយៈបានបង្កើតឡើងយុទ្ធភូមិអន្តរជាតិនៅទូទាំងពិភពលោកដើម្បីបង្រួបបង្រួមនិងគាំទ្រដល់ប្រជាជនវៀតណាមដើម្បីប្រយុទ្ធប្រឆាំងដើម្បីជ័យជម្នះ។
លោក Nguyen Tam Chien បានបញ្ជាក់ថា ប្រជាជនវៀតណាមតែងតែចងចាំជានិច្ចហើយមានអំណរគុណចំពោះប្រជាជនអាមេរិកដែលឈរក្បែរគ្នាដើម្បីប្រយុទ្ធសម្រាប់សន្តិភាពនៅវៀតណាម។ លោក Nguyen Tam Chien បានបន្តថា៖ "សកម្មភាពដែលត្រឹមត្រូវបានរួមចំណែកជំរុញមិត្តភាព ការយល់ដឹងនិងកិច្ចសហប្រតិបត្តិការប្រកបដោយផលប្រយោជន៍រួមរវាងប្រជាជនទាំងពីរ។យើងមានការគោរពនិងមានមោទនភាពណាស់ដែលមានមិត្តភក្តិអាមេរិកដូចអ្នក"។
ក្នុងនាមរបស់ក្រុមសកម្មជនសន្តិភាពលោក Frank Joyce ដែលជាប្រធានគណៈប្រតិភូបានសម្តែងនូវមោទនភាពយ៉ាងខ្លាំងនិងកិត្តិយសរបស់លោកនិងសូមថ្លែងអំណរគុណយ៉ាងជ្រាលជ្រៅចំពោះសម្ព័ន្ធអង្គការមិត្តភាពនិងប្រជាជនវៀតណាម។ លោកបានអះអាងថា៖ ចំណងទាក់ទងរបស់លោកជាមួយវៀតណាមបានកើនលើសមិត្តភាព និងបានក្លាយទៅជាចំណងគ្រួសារស្និទ្ធស្នាលហើយ និងលោកបានសន្យាបន្តរួមចំណែកដល់ទំនាក់ទំនងសហប្រតិបត្តិការមិត្តភាពវៀតណាម - អាមេរិកនាពេលខាងមុខ៕
（យោងតាម thoidai.com.vn ប្រែសម្រូលដោយវិច្ឆិកា）
មតិពីមិត្តអ្នកអាន