យុគសម័យ - តំណាងរដ្ឋសភានៃគណៈកម្មាធិការប្រជាជនខេត្ត តៃនិញ លោក Huynh Thanh Phuong ស្នើសុំរដ្ឋាភិបាលមានវិធានការ ដើម្បីបន្តជំរុញដំណើរការបោះបង្គោលព្រំដែន និងខ័ណ្ឌសីមា រវាងវៀតណាម-កម្ពុជា ឲ្យបានឆាប់រហ័ស។
នៅក្នុងកិច្ចពិភាក្សាការងារ នាព្រឹកថ្ងៃទី២២ ខែឧសភា ឆ្នាំ២០១៩ ស្តីពីការស្ថានភាពនៃការអភិវឌ្ឍសេដ្ឋកិច្ច-សង្គម ក្នុងអំឡុងពេលកន្លងមក នាសម័យប្រជុំលើកទី៧ នៃរដ្ឋសភា អាណត្តិទី១៤ ដែលកំពុងប្រព្រឹត្តិទៅនៅរដ្ឋធានីហាណូយ អ្នកតំណាង Huynh Thanh Phuong ជាអនុប្រធានទទួលបន្ទុកនៃគណៈកម្មាធិការតំណាងរដ្ឋសភាខេត្តតៃនិញ បានរាយការណ៌ និងវាយតំលៃបំពេញបន្ថែមលើលទ្ធផលនៃការអភិវឌ្ឍសេដ្ឋកិច្ចសង្គម ឆ្នាំ២០១៨ និងស្ថានភាពបណ្តាខែ នាដើមឆ្នាំ២០១៩ របស់រដ្ឋាភិបាល ដែលមានចំណុចជាច្រើនគួរឲ្យកត់សំគាល់។
លោក Huynh Thanh Phuong អនុប្រធានទទួលបន្ទុកនៃគណៈកម្មាធិការតំណាងរដ្ឋសភាខេត្ត តៃនិញ
អំពីបញ្ហាព្រំដែន អ្នកតំណាង Huynh Thanh Phuong បានស្នើរដ្ឋាភិបាលមានវិធានការដើម្បីបន្តជំរុញដំណើរការខ័ណ្ឌសីមា និងបោះបង្គោលព្រំដែនរវាងវៀតណាម-កម្ពុជា។ លោក ក៏បានឲ្យដឹងថា នៅខេត្តតៃនិញ កិច្ចការខ័ណ្ឌសីមា និងបោះបង្គោលព្រំដែនវៀតណាម-កម្ពុជា បានសម្រេចប្រមាណ ៩៣ ភាគរយ (២២៨/២៤០ គីឡូម៉ែត្រ) ក៏ប៉ុន្តែបច្ចុប្បន្ននេះ នៅតែគ្រប់គ្រងតាមស្ថានភាពចាស់ នៅសេសសល់ប្រមាណ១២ គីឡូម៉ែត្រទៀត ពុំទាន់បានកំណត់ខ្សែព្រំដែននៅឡើយ ដែលបង្កការលំបាកសំរាប់ឲ្យភាគីទាំងពីរ។ អ្នកតំណាងរូបនេះ ក៏បានស្នើរដ្ឋាភិបាលចរចារជាមួយប្រទេសមិត្ត ទទួលស្គាល់នូវកំណាត់ព្រំដែន ដែលបានភាគីទាំងពីរឯកភាពគ្នា ដើម្បីងាយស្រួលក្នុងការគ្រប់គ្រង។
លោក Huynh Thanh Phuong ក៏បានស្នើសុំត្រូវការមានគម្រោងព្រំដែលឯកភាពក្នុងប្រទេស ដោយសារតែបណ្តាខេត្តជាប់ព្រំដែនមានទំរងខុសគ្នានៅតាមតំបន់និមួយៗ។ ស្នើសុំមានវិធានការដោះស្រាយយ៉ាងម៉ឹងម៉ាត់ពីស្ថានភាពអាណិកជនវៀតណាម នៅកម្ពុជា ចំណាក់ស្រុកដោយសេរីមកវៀតណាម ជាពិសេសនៅតាមបណ្តាខេត្តភូមិភាគខាងត្បូង ក្នុងនោះមានខេត្តតៃនិញ។ សូមបញ្ជាក់ថា ភាគច្រើនអាណិកជនវៀតណាម នៅកម្ពុជា ធ្វើចំណាក់ស្រុកមកវៀតណាមវិញ ដោយពុំចេះអក្សរ គ្មានសញ្ជាតិ គ្មានមុខរបរ ដែលធ្វើឲ្យមានការលំបាក់ក្នុងការគ្រប់គ្រង ផ្លាស់ប្តូរមុខរបរ រៀបចំទីកន្លែងស្នាក់នៅ(ដែលអាចប៉ះពាល់ដល់ជីវិភាពរស់នៅ តាមតំបន់ដែលពួកគេវិលត្រឡប់មក)៕
(បកប្រែដោយសំណាង)
មតិពីមិត្តអ្នកអាន