តារាចម្រៀង Originl Song អណិកជនវៀតណាមជាកូនខ្មែរកម្ពុជាក្រោមជាម្នាក់ កំពុងតែធ្វើឲ្យមហាជនមានការចាប់អារម្មណ៍ខ្លាំង នៅលើបណ្ដាញសង្គម YouTube ខណៈដែលបទចម្រៀងជាច្រើនបទរបស់លោក ដែលបានបង្ហោះនៅលើ YouTube សុទ្ធសឹងតែចម្រៀងដោយផ្ទាល់។
តារាចម្រៀង អណិកជនវៀតណាម មានឈ្មោះថា ខាន់ ស៊ីអឿន (Thach Tuan Khanh)
ជាការពិតតារាចម្រៀង អណិកជនវៀតណាម មានឈ្មោះថា ខាន់ ស៊ីអឿន (ឈ្មោះវៀតណាមគឺថា Thach Tuan Khanh) គេសង្កេតឃើញបទចម្រៀងរបស់លោក នៅលើ YouTube សុទ្ធសឹងតែជាចម្រៀងបកស្រាយជាភាសាខ្មែរ ខណៈដែលបទចម្រៀងនីមួយៗ គឺពិតជាមានការគាំទ្រ ក៏ដូចជាចាប់អារម្មណ៍ខ្លាំង និងមានអ្នកចូលទស្សនា យ៉ាងច្រើនគួរឲ្យកត់សម្គាល់។
តាមប្រភពព័ត៌មានច្បាស់ការណ៍ដែលជិតស្និទ្ធនឹងតារាចម្រៀង ខាន់ ស៊ីអឿន បានថ្លែងប្រាប់ឲ្យដឹងថា កន្លងមកតារាចម្រៀងកូនខ្មែរកម្ពុជាក្រោមរូបនេះ បានចេញបទចម្រៀង Original Song ចំនួន៤បទ ហើយលោកទទួលបានការចាប់អារម្មណ៍ តែក្នុងបណ្ដាញសង្គម YouTube ព្រោះចម្រៀងរបស់លោក មានអ្នកចូលទស្សនាច្រើនលានដងឯណោះ។
ប្រភពដដែលបានបន្តថា សម្រាប់បទចម្រៀង Original Song ដែលលោកបាននិពន្ធឡើង គឺលោកមិននិពន្ធជាភាសាវៀតណាមនោះទេ គឺលោកនិពន្ធជាភាសាខ្មែរទាំងអស់ ព្រោះលោកស្រឡាញ់វប្បធម៌ខ្មែរ ទោះបីជាលោកជាកូនខ្មែរ កម្ពុជាក្រោមក៏ដោយ៕
(យោងតាម freshnewsasia សរុបដោយវិច្ឆិកា)
មតិពីមិត្តអ្នកអាន