យុគសម័យ - ក្នុងឱកាសប្រារព្ធគម្រប់ខួប ៧៥ ឆ្នាំនៃទិវាបុណ្យេករាជ្យជាតិវៀតណាម គណៈប្រតិភូខេត្តបាត់ដំបងដឹកនាំដោយលោក ងួនរតនៈ សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាអភិបាលខេត្ត បានអញ្ជើញអបអរសាទរដល់ស្ថានអគ្គកុងស៊ុលវៀតណាមប្រចាំខេត្តបាត់ដំបង។
អគ្គកុងស៊ុល លោក Le Tuan Khanh ទទួលជួបប្រតិភូកម្ពុជានៅខេត្តបាត់ដំបង
ក្នុងគណៈប្រតិភូកម្ពុជាចូលរួមពិធីអបអរសាទរទិវាបុណ្យឯករាជ្យជាតិវៀតណាមមានឧត្តមសេនីយ៍ឯក ឯកសំអុល មេបញ្ជាការយោធភូមិភាគទី ៥ នៃកងយោធពលខេមរភូមិន្ទ; ឧត្តមសេនីយ៍ទោ ជូសីហា មេបញ្ជាការរងនៃយោធភូមិភាគទី ៤ ព្រមទាំងតំណាងសហគមន៍ធុរជនវៀតណាម និងប្រជាជនដើមកំណើតវៀតណាមនៅខេត្តបាត់ដំបងមានវត្តមានជាច្រើនកុះករនៅក្នុងព្រឹត្តិការណ៍ដ៏មានអត្ថន័យនេះផងដែរ។
គួរបញ្ជាក់ថានៅក្នុងព្រឹត្តិការណ៍ជាបន្តបន្ទាប់អបអរសាទរទិវាបុណ្យឯករាជ្យជាតិរបស់វៀតណាម (២ កញ្ញា) មន្ត្រីនិងបុគ្គលិកអគ្គកុងស៊ុល រួមទាំងតំណាងអង្គភាពអាជីវករនិងប្រជាជនដើមកំណើកម្មវៀតណាមនៅខេត្តបាត់ដំបង ដឹកនាំដោយអគ្គកុងស៊ុល លោក Le Tuan Khanh បានអញ្ជើញអុជធូប ដើម្បីរំលឹកវិញ្ញាក្ខ័ន្ធដល់វីរយុទ្ធជនពលី ដែលបានលះបង់ប្រយោជន៍ផ្ទាល់ខ្លួនដើម្បីបុព្វហេតុឯករាជ្យជាតិ ដើម្បីមិត្តភាព សាមគ្គីភាព និងការភ្ជាប់ប្រពៃណីនៃប្រទេសទាំងពីរនៅស្តូតមិត្តភាពកម្ពុជា - វៀតណាមក្នុងខេត្តបាត់ដំបង៕
（បកប្រែដោយ ហេងវុធ្ធី）
（ប្រភពព័ត៌មាន: baotintuc.vn）
មតិពីមិត្តអ្នកអាន