នៅពេលរសៀលថ្ងៃទី១៧ ខែតុលា ឆ្នាំ២០២០ ស្ថានឯកអគ្គរដ្ឋទូតវៀតណាមប្រចាំនៅប្រទេសកម្ពុជាបានសហការជាមួយនិងក្លឹបធុរកិច្ចវៀតណាមនៅកម្ពុជា (VBCC) រៀបចំការប្រកួតបាល់ទាត់មិត្តភាពរវាងក្រុមបាល់ទាត់ U38 របស់ស្ថានទូតជាមួយនឹងក្រុមបាល់ទាត់ U38 របស់ VBCC ក្នុងគោលបំណងបង្កើ់តមូលនីធិមនុស្សធម៌ដើម្បីជួយដល់៥០០គ្រួសារដែលមានសមាជិក១,៤៧១នាក់ជាបងប្អូនមានដើមកំណើ់តវៀតណាមដែលកំពុងជួបការលំបាកក្នុងដំណាក់កាលផ្លាស់ទីលំនៅពីផ្ទៃទឹកឡើងដីគោកនៅខេត្តកំពង់ឆ្នាំង។
ការប្រកួតបាល់ទាត់មិត្តភាពសំដៅជួយបងប្អូនមានដើមកំណើ់តវៀតណាមដែលកំពុងជួបការលំបាកនៅខេត្តកំពង់ឆ្នាំង
អញ្ជើញចូលរួមកម្មវិធីមានវត្តមានរបស់ ឯកឧត្តម វ៉ូ ក្វាងមិញ ឯកអគ្គរដ្ឋទូតវិសាមញ្ញនិងពេញសមត្ថភាពវៀតណាមប្រចាំនៅប្រទេសកម្ពុជា; តំណាងសមាគមខ្មែរ-វៀតណាមនៅកម្ពុជា; តំណាងក្រុមហ៊ុនវៀតណាមជាច្រើនដែលកំពុងវិនិយោគនៅកម្ពជា។
គិតដល់ត្រឹមពេលនេះ គណៈកម្មការរៀបចំកម្មវិធីបានទទួលការរួមចំណែកនិងជួយឧបត្ថម្ភពីសហគ្រាសជាច្រើនដូចជា MGN bank, Agribank, Metfone, MB bank, Angkormilk, Farax, Hoa Sen,...ព្រមទាំងសប្បុរសជនមួយចំនួនទៀតដែលមានសាច់ប្រាក់សរុប២៤,៦៥០ដុល្លារអាមេរិកនិងអង្ករចំនួន២តោន។
គណៈកម្មការរៀបចំកម្មវិធីបានសម្តែងនូវក្តីសង្ឃឹមថានឹងបន្តទទួលបានការជួយគាំទ្រពីស្ថាប័ននិងបុគ្គលផ្សេងទៀតដើម្បីជួយសម្រួលដល់ការបន្លាស់ទីរបស់បងប្អូនមានដើមកំណើតវៀតណាមដែលកំពុងជួបការលំបាកតាមស្មារតីប្រពៃណីដ៏ល្អរបស់ជនជាតិវៀតណាមគឺ “ស្លឹកមិនរហែកជួយស្លឹករហែក ស្លឹករហែកតិចជួយស្លឹករហែកច្រើន”។
រាល់ការជួបឧបត្ថម្ភសូមទាក់ទងតាមលេខទូរស័ព្ទ៖ 0974798888៕
（យោងតាមស្ថានទូតវៀតណាមប្រចាំកម្ពុជា）
មតិពីមិត្តអ្នកអាន