វៀតណាមឆ្ពោះទៅរកការផលិតវ៉ាក់សាំងជំនាន់ថ្មីចំនួន ៣ ប្រភេទដោយខ្លួនឯងនៅអាស៊ីអាគ្នេយ៍

ក្នុងក្របខ័ណ្ឌនៃវេទិកាធុរកិច្ចវៀតណាម - បារាំង ដែលបានប្រព្រឹត្តទៅនាថ្ងៃទី ១០ ខែកញ្ញា នៅ Paris អគ្គលេខាបក្ស ប្រធានរដ្ឋ To Lam និងប្រធានាធិបតីបារាំង Emmanuel Macron បានធ្វើការ ពិភាក្សាជាមួយតំណាងបណ្តាសហគ្រាសឆ្នើមនៃប្រទេសទាំងពីរ អំពីវិស័យសហប្រតិបត្តិការសំខាន់ៗ ក្នុងនោះមានវិស័យសុខាភិបាល និងឱសថ។

អគ្គលេខាបក្ស ប្រធានរដ្ឋ To Lam ព្រមទាំងប្រធានាធិបតីបារាំង Emmanuel Macron ស្តាប់ VNVC រាយការណ៍អំពីផែនការផលិតវ៉ាក់សាំងជំនាន់ថ្មីចំនួន ៣ ប្រភេទនៅវៀតណាម នៅក្នុងវេទិកាធុរកិច្ចវៀតណាម - បារាំង។

នៅទីនេះ តំណាងសម្ព័ន្ធក្រុមហ៊ុន Sanofi (បារាំង) និងក្រុមហ៊ុនវ៉ាក់សាំង VNVC (វៀតណាម) បានរាយការណ៍ជូនថ្នាក់ដឹកនាំនៃប្រទេសទាំងពីរ អំពីដំណើរការនៃការដាក់បញ្ចូលវ៉ាក់សាំងជំនាន់ថ្មីនានាឱ្យចូលក្នុងចង្វាក់ផលិតកម្មនៅវៀតណាម។

នៅក្នុងក្របខ័ណ្ឌនៃវេទិកានោះផងដែរ ក្រោមអធិបតីភាពជាសាក្សីរបស់ថ្នាក់ដឹកនាំជាន់ខ្ពស់វៀតណាម និងបារាំង ក្រុមហ៊ុន Sanofi និង VNVC បានប្រគល់សេចក្តីថ្លែងការណ៍រួម ដោយកំណត់ជាផ្លូវការនូវផលិតផលចំនួនបីប្រភេទដែលត្រូវបានផ្តល់អាទិភាពផលិតនៅរោងចក្រវ៉ាក់សាំង និងជីវឱសថ VNVC។

បញ្ជីនេះរួមមាន វ៉ាក់សាំង ៦ មុខក្នុង ១ ដែលប្រើប្រាស់សមាសធាតុជំងឺក្អកមាន់អាកោសិកា វ៉ាក់សាំងផ្តាសាយធំតាមរដូវកាល និងវ៉ាក់សាំងរលាកស្រោមខួរក្បាលដោយបាក់តេរី Meningococcus។

តំណាងក្រុមហ៊ុន Sanofi និង VNVC ប្រគល់សេចក្តីថ្លែងការណ៍រួមស្តីពីកិច្ចសហប្រតិបត្តិការផលិតវ៉ាក់សាំងជំនាន់ថ្មីដ៏សំខាន់ចំនួនបីប្រភេទ សម្រាប់កុមារ និងមនុស្សពេញវ័យនៅវៀតណាម។

ទាំងនេះសុទ្ធសឹងតែជាវ៉ាក់សាំងចាំបាច់បំផុត ដែលមានតម្រូវការប្រើប្រាស់ខ្ពស់នៅវៀតណាម រួមចំណែកបង្ការជំងឺកាចសាហាវជាច្រើនដែលមានហានិភ័យឆ្លងរាលដាល និងបង្កឱ្យមានអត្រាស្លាប់ខ្ពស់។ មុខសញ្ញាប្រើប្រាស់មានវិសាលភាពគ្របដណ្តប់លើក្រុមអាយុជាច្រើន ចាប់ពីកុមារតូចៗ យុវវ័យ រហូតដល់មនុស្សពេញវ័យ និងមនុស្សវ័យចំណាស់។

វ៉ាក់សាំងជំនាន់ថ្មីទាំងបីប្រភេទខាងលើ ក៏ត្រូវបានកំណត់ថាស្ថិតក្នុងក្រុមផលិតផលបច្ចេកវិទ្យាយុទ្ធសាស្ត្រ យោងតាមសេចក្តីសម្រេចរបស់រដ្ឋាភិបាល។

ការជំរុញការផលិតវ៉ាក់សាំងទាំងនេះនៅក្នុងប្រទេស ត្រូវបានរំពឹងថានឹងរួមចំណែកអភិវឌ្ឍន៍ឧស្សាហកម្មវ៉ាក់សាំង និងឱសថទំនើបរបស់វៀតណាម លើកកម្ពស់សមត្ថភាពម្ចាស់ការចំពោះតម្រូវការអភិវឌ្ឍន៍លោតផ្លោះនៃវិស័យសុខាភិបាល ព្រមទាំងបង្កើនឋានៈរបស់វៀតណាមជាបណ្តើរៗនៅក្នុងខ្សែច្រវាក់តម្លៃបច្ចេកវិទ្យាជីវសាស្ត្រសកលលោក៕

កម្ពុជាស្ថិន​ក្នុង​ចំណោម​ប្រទេស​ចំនួន ១៧ ដែល​វៀតណាម​​ទទួល​ស្គាល់​គ្នា​ទៅ​វិញ​ទៅ​មក​នូវ “លិខិតឆ្លងដែន​វ៉ាក់សាំង​កូវីដ” អ្នកនាំពាក្យក្រសួងការបរទេសវៀតណាម លោកស្រី Lê Thi Thu Hằng បាននិយាយថា វៀតណាមបានឈានដល់កិច្ចព្រមព្រៀងស្តីពីការទទួលស្គាល់គ្នាទៅវិញទៅមកនៃ “លិខិតឆ្លងដែនវ៉ាក់សាំង” ជាមួយប្រទេសចំនួន១៧ គិតត្រឹមថ្ងៃទី១៧ ខែមីនា រួមទាំងប្រទេសកម្ពុជាផងដែរ។

វៀតណាមបានឈានដល់កិច្ចព្រមព្រៀងទទួលស្គាល់លិខិតឆ្លងដែនវ៉ាក់សាំងជាមួយប្រទេសចំនួន ១៩ យុគសម័យ - អ្នកនាំពាក្យរង លោកស្រី Pham Thu Hang បាននិយាយ កាលពីថ្ងៃទី ៤ ខែមេសាថា ក្រសួងសុខាភិបាលមានសេចក្តីប្រកាសអំពីដំណើរការផ្តល់លិខិតឆ្លងដែនវ៉ាក់សាំងរបស់ប្រទេសវៀតណាម ហើយនឹងដាក់ឱ្យដំណើរការជាផ្លូវការនៅថ្ងៃទី ១៥ ខែមេសា។

ឌឿងង្វៀន