យុគ្គសម័យ - នាថ្ងៃទី ១ ខែមិថុនា ចិនបានដំឡើងពន្ធលើទំនិញនាំចូលភាគច្រើនពីអាមេ រិកជាផ្លូវការដែលមានទឹកប្រាក់ចំនួន ៦០ ពាន់លានដុល្លាអាមេរិក។ នេះគឺជាការតបតវិញរបស់ទីក្រុងប៉េកាំងចំពោះភាពតានតឹងដែលកាន់តែកើនឡើងក្នុងសង្គ្រាមពាណិជ្ជកម្មរវាងទីក្រុងវ៉ាស៊ីនតោននិងប៉េកាំង។
សង្គ្រាមពាណិជ្ជកម្មរវាងអាមេរិកនិងចិនកាន់តែកើនឡើង (រូបថតឧទាហរណ៍ ៖ baoquocte,vn)
ការយកពន្ធដូចពោលខាងលើនេះត្រូវបានប្រកាសកាលពីថ្ងៃទី ១៣ ខែឧសភា ហើយចូលជាធរមានជាផ្លូវការនៅអធ្រាត្រតាមម៉ោងនៅទីក្រុងប៉េកាំង (ត្រូវម៉ោង ២៣៖០០ ថ្ងៃទី៣១ ខែឧសភាតាមម៉ោងទីក្រុងហាណូយ) ដែលក្នុបនោះទីក្រុងប៉េកាំងបានអនុវត្តយកពន្ធនាំចូលបន្ថែម ២០% ឬ ២៥% ទៅលើពាក់កណ្តាលនៃមុខទំនិញនាំចូលចំនួន ៥.១៤០ មុខពីអាមេរិក។ គួរជម្រាបថា មុននេះទីក្រុងប៉ីកាំងក៏បានយកពន្ធ ៥% ឬ ១០% លើទំនិញទាំងនេះផងដែរ។ គិតរហូតដល់ពេលនេះគឺគ្មានកិច្ចចរចាពាណិជ្ជកម្មណាមួយបន្ថែមទៀតរវាងអ្នកចរចាជួរមុខនៃប្រទេសចិននិងអាមេរិកទេ ដោយសារតែកិច្ចចរចាជុំថ្មីៗបំផុតត្រូវបានបញ្ចប់ដោយភាពជាប់គាំងនាថ្ងៃទី ១០ ខែឧសភាកន្លងទៅ ដែលចំថ្ងៃដែលប្រធានាធិបតីអាមេរិក លោក Donald Trump បានប្រកាសដំឡើងពន្ធលើការនាំចូលទំនិញរបស់ចិនក្នុងទឹកប្រាក់ចំនួន ២០០ ពាន់លានដុល្លារអាមេរិក ហើយបន្ទាប់មកអាមេរិកក៏បានចាត់វិធានការណ៍មួយចំនួន សំដៅយកពន្ធលើទំនិញដែលនៅសល់ដែលនាំចូលពីប្រទេសចិនទាំងស្រុងផងដែរ៕
(ហេង វុធ្ធី)
(ប្រភពព័ត៌មាន: baoquocte,vn)
មតិពីមិត្តអ្នកអាន