Trending now

WB ត្រៀមខ្លួនជាស្រេចរួមសហការជាមួយវៀតណាមដើម្បីរៀបចំប្រភពធនធាន

10:16 | 23/10/2020

នារសៀលថ្ងៃទី ២១ ខែតុលា នៅទីក្រុងហាណូយ នាយករដ្ឋមន្ត្រីលោក Nguyen Xuan Phuc បានទទួលជួបពិភាក្សាការងារជាមួយលោកស្រី Carolyn Turk នាយិការ ធនាគារពិភពលោក (WB) ប្រចាំនៅវៀតណាម។

នាយករដ្ឋមន្ត្រីលោក Nguyen Xuan Phuc អញ្ជើញទទួលជួបពិភាក្សាការងារជាមួយលោកស្រី Carolyn Turk នាយិការ ធនាគារពិភពលោក (WB) ប្រចាំនៅវៀតណាម (រូបថត៖ TTXVN)

ក្នុងជំនួបនេះ លោកនាយករដ្ឋមន្រ្តីបានកោតសរសើរចំពោះការដែល WB បានអនុម័តលើកញ្ចប់ជំនួយចំនួន ១២ ពាន់លានដុល្លារ សម្រាប់ប្រទេសនៅជុំវិញពិភពលោក ក្នុងនោះមានវៀតណាម ក្នុងការទិញនិងប្រើប្រាស់វ៉ាក់សាំងបង្ការជំងឺរាតត្បាត។

ទាក់ទិននឹងទិសដៅនៃកិច្ចសហប្រតិបត្តិការ លោកនាយករដ្ឋមន្រ្តីបានបញ្ជាក់ថា វៀតណាមកំពុងរៀបចំផែនការអភិវឌ្ឍន៍សេដ្ឋកិច្ចសង្គមនិងផែនការវិនិយោគសាធារណៈរយៈពេលមធ្យម សម្រាប់ឆ្នាំ ២០២១- ២០២៦។ លោកនាយករដ្ឋមន្រ្តីបានស្នើឱ្យ WB បន្តសហការយ៉ាងជិតស្និទ្ធជាមួយក្រសួង ស្ថាប័ននិងមូលដ្ឋានរបស់វៀតណាមដើម្បីត្រៀមរៀបចំកម្មវិធីនិងគម្រោងដែលមានគុណភាព ដើម្បីឆ្លើយតបនឹងតម្រូវការធនធានវិនិយោគអភិវឌ្ឍន៍។

ចំណែកឯនាយិការ WB លោកស្រី Carolyn Turk ចែករំលែកជាមួយប្រជាជននៅភាគកណ្តាលវៀតណាម ដែលកំពុងទទួលរងការបាត់បង់យ៉ាងធ្ងន់ធ្ងរដោយសារទឹកជំនន់។ លោកស្រី Carolyn Turk បានមានប្រសាសន៍ថា ធនាគារពិភពលោកនឹងធ្វើអ្វីគ្រប់បែបយ៉ាងដែលអាចធ្វើបាន ដើម្បីជួយឧបត្ថម្ភដល់ប្រជា ជនភាគកណ្តាលវៀតណាម៕

(ប្រភពព័ត៌មាន: vovworld.vn)

មតិពីមិត្តអ្នកអាន

ព័ត៌មានថ្មីៗ

ថ្នាក់ដឹកនាំ​វៀតណាម​​ផ្ញើ​​សាររំលែកទុក្ខចំពោះការផ្ទុះគ្រាប់នៅកម្ពុជា
វៀតណាម៖ សកម្មភាពជាច្រើនបានទាក់ទាញភ្ញៀវទេសចរណ៍​ទៅកាន់​ភ្នំ Ba Den ខេត្ត Tay Ninh ក្នុងឱកាសថ្ងៃទី ៣០ មេសា និងថ្ងៃទី ១ ឧសភា​
វៀតណាម​៖ អភិរក្សនិងពង្រីកតម្លៃប្រវត្តិសាស្ត្រនៃ «ព្រៃឈើនាយឧត្តមសេនីយ៍ Vo Nguyen Giap»
របរតម្បាញរបស់ជនជាតិ Lu (ជនជាតិភាគតិចវៀតណាម)
Lucian Rodriguez Lovell ចំណូលចិត្តលើផលិតផលសិប្បកម្វៀតណាមមដោយបច្ចេកវិទ្យា AR