តំណាងស្ថានបេសកកម្មអចិន្រ្តៃយ៍វៀតណាមប្រចាំអាស៊ានបើកវេទិកាតភ្ជាប់អាស៊ានលើកទី ១១

វេទិកានេះត្រូវបានរៀបចំឡើងតាមប្រព័ន្ធអនឡាញ (រូបថត៖ vov.vn)

នាថ្ងៃទី ២៨ ខែសីហា តំណាងស្ថានបេសកកម្មអចិន្រ្តៃយ៍វៀតណាមប្រចាំអាស៊ានដែលមានទីស្នាក់ការនៅទីក្រុងហ្សាការតានៃប្រទេសឥណ្ឌូនេស៊ី បានរៀបចំវេទិកាតភ្ជាប់អាស៊ានលើកទី ១១។ វេទិកានេះគឺជាព្រឹត្តិការណ៍ប្រចាំឆ្នាំចាប់តាំងពីឆ្នាំ ២០១០ មក។ នៅក្នុងវេទិការនេះ អង្គប្រជុំបានចែករំលែកគ្នាស្តីពីវិធានការកាត់បន្ថយការរីករាលដាលនៃជំងឺកូវីដ១៩ (Covid-19) និងការអភិវឌ្ឍន៍ផែនការស្តារឡើងវិញឆ្ពោះទៅរកអាស៊ានដែលមានការតភ្ជាប់គ្នាយ៉ាងរលូន។

អង្គវេទិកាក៏បានសង្កត់ធ្ងន់លើកិច្ចខិតខំប្រឹងប្រែងអស់ពីសមត្ថភាពរបស់អាស៊ានក្នុងការស្តារឡើងវិញនិយាយដោយឡែក និងក្នុងតំបន់និយាយរួម នៅក្នុងបរិបទនៃជំងឺរាតត្បាតកូវីដ១៩ ។ ក្នុងនោះផ្តោតសំខាន់លើការវិនិយោគយុទ្ធសាស្ត្រនិងហេដ្ឋារចនាសម្ព័ន្ធប្រកបដោយចីរភាព និងមានដំណោះស្រាយឆ្លាតវៃ ធ្វើឱ្យប្រសើរឡើងនូវបច្ចេកវិទ្យាឌីជីថល ដើម្បីបង្កើនការតភ្ជាប់ខ្សែសង្វាក់ផ្គត់ផ្គង់ វិនិយោគឲ្យបានត្រឹមត្រូវក្នុងវិស័យអប់រំនិងបណ្តុះបណ្តាលសំដៅរៀបចំកម្លាំងពលកម្មសម្រាប់ពេលអនាគតផងដែរ៕

（បកប្រែដោយ ហេង វុធ្ធី）

（ប្រភពព័ត៌មាន: vovworld.vn）

（បកប្រែដោយ ហេង វុធ្ធី）