កាសែតអាល្លឺម៉ង់វាយតម្លៃថាសេដ្ឋកិច្ចវៀតណាមនៅតែទទួលបានជោគជ័យក្នុងបរិបទនៃការរីករាលដាលនៃជំងឺកូវីដ១៩

កាសែតអាល្លឺម៉ង់វាយតម្លៃថាសេដ្ឋកិច្ចវៀតណាមនៅតែទទួលបានជោគជ័យក្នុងបរិបទនៃការរីករាលដាលនៃជំងឺកូវីដ១៩

អត្ថបទនោះបានសរសេរថាក្នុងរបាយការណ៍ដំបូងទាក់ទងនឹងវិបត្តិសេដ្ឋកិច្ចដោយសារជម្ងឺ COVID-19 មូលនិធិរូបិយវត្ថុអន្ដរជាតិ (IMF) បាននិយាយថាទស្សនវិស័យនៃសេដ្ឋកិច្ចពិភពលោកមានសភាពអាប់អួរហើយត្រូវបានគេព្យាករណ៍ថានឹងថយចុះ ៣ % នៅទូទាំងពិភពលោក។ សម្រាប់អាស៊ីជាលើកដំបូងក្នុងរយៈពេល ៦០ ឆ្នាំ IMF មិនរំពឹងលើតំបន់មួយដែលសេដ្ឋកិច្ចរីកលូតលាស់ក្នុងរយៈពេលប៉ុន្មានឆ្នាំនាពេលថ្មីៗនេះដែលអាចទទួលបានកំណើនទេ។

ចែករំលែកជាមួយ DW អ្នកជំនាញសិក្សាអំពីវៀតណាមលោក Carl Thayer មកពីសាកលវិទ្យាល័យ New South Wales (អូស្ត្រាលី) បានមានប្រសាសន៍ថានេះគឺជាសមិទ្ធិផលគួរឱ្យកត់សម្គាល់។ យោងតាមអត្ថបទនេះ វៀតណាមបានអនុវត្តយុទ្ធសាស្រ្តគ្រប់គ្រងវីរុស SARS-CoV-2 យ៉ាងលឿនតាំងពីដើមដំបូងនៃការរីករាលដាលជំងឺកូវីដ១៩។ លោក Carl Thayer បានមានប្រសាសន៍ថានៅពេលអនុវត្តការរក្សាគម្លាតសង្គមក៏ដូចជាការដាក់កម្រិតលើការធ្វើដំណើរតាមទីសាធារណៈដើម្បីប្រយុទ្ធប្រឆាំងនឹងការរីករាលដាលជំងឺឆ្លង ប្រទេសវៀតណាមនៅតែប្រតិបត្តិការវិស័យដ៏សំខាន់ៗរបស់ខ្លួន។

ទន្ទឹមនឹងនេះដែរ កាសែតប្រចាំថ្ងៃរបស់អាល្លឺម៉ង់ Junge Welt នាថ្ងៃទី ១៨ ខែមេសា មានអត្ថបទសរសេរបានពន្យល់ថាហេតុអ្វីបានជាអ្នកឆ្លងជំងឺ COVID-19 នៅវៀតណាមមានចំនួនតិចជាងបណ្តាប្រទេសនៅអឺរ៉ុបនិងអាមេរិកគួរឲ្យកត់សម្គាល់។នេះក៏ព្រោះតែវៀតណាមបានអនុវត្តការដាក់នៅដាច់ដោយឡែកសម្រាប់អ្នកឆ្លងវីរុស SARS-CoV-2 យ៉ាងឆាប់រហ័សនិងបានចាត់វិធានការសមស្របដើម្បីបំបែកករណីប៉ះពាល់ជាមួយអ្នកឆ្លងជំងឺទាំងនេះ។ លើសពីនេះទៀត វៀតណាមនៅតែរក្សាបាននូវបទ ប្បញ្ញត្តិដ៏ម៉ឹងម៉ាត់ដើម្បីប្រយុទ្ធប្រឆាំងនឹងជំងឺរាតត្បាត ដូចជាការបិទសាលារៀននិងហាងនានា លើកលែងតែកន្លែងលក់ចំណីអាហារនិងរបស់របរចាំបាច់ដើម្បីឆ្លើយតបនឹងតម្រូវការក្នុងជីវភាពរស់នៅជាប្រចាំថ្ងៃផងដែរ៕

（បកប្រែដោយ ហេងវុធ្ធី）

（ប្រភពព័ត៌មាន: thoidai.com.vn）

（បកប្រែដោយ ហេងវុធ្ធី）