យុគសម័យ - លោករដ្ឋមន្រ្តី Tran Tuan Anh និងលោក Phil Hogan បានផ្លាស់ប្តូរយោបល់ស្តីពីទំនាក់ទំនងពាណិជ្ជកម្មទ្វេភាគី។ ភាគីទាំងពីរសង្ឃឹមថាកិច្ចព្រមព្រៀងពាណិជ្ជកម្មសេរីវៀតណាម - អឺរុប (EVFTA) នឹងចូលជាធរមានជាផ្លូវការនៅខែកក្កដាខាងមុខនេះ។
ដ្ឋមន្ត្រីក្រសួងឧស្សាហកម្មនិងពាណិជ្ជកម្មវៀតណាមលោក Tran Tuan Anh បានអញ្ជើញធ្វើកិច្ចសន្ទនាតាមទូរស័ព្ទជាមួយស្នងការពាណិជ្ជកម្ម EU លោក Phil Hogan។ (ប្រភព៖ ក្រសួងឧស្សាហកម្មនិងពាណិជ្ជកម្មវៀតណាម)
រដ្ឋមន្ត្រីក្រសួងឧស្សាហកម្មនិងពាណិជ្ជកម្មវៀតណាមលោក Tran Tuan Anh បានអញ្ជើញធ្វើកិច្ចសន្ទនាតាមទូរស័ព្ទជាមួយស្នងការពាណិជ្ជកម្ម EU លោក Phil Hogan ដើម្បីពិភាក្សាលើបញ្ហាមួយចំនួនទាក់ទងនឹងកិច្ចព្រមព្រៀងពាណិជ្ជកម្មសេរីវៀតណាម - សហភាពអឺរ៉ុប (EVFTA) និងកិច្ចសហប្រតិបត្តិការពាណិជ្ជកម្ម។ រវាងប្រទេសវៀតណាមនិងសហភាពអ៊ឺរ៉ុបក្នុងបរិបទនៃវិបត្តិ Covid - 19 ។
ទាក់ទងនឹងកិច្ចព្រមព្រៀង EVFTA លោក Phil Hogan បានឲ្យដឹងថានៅថ្ងៃទី ៣០ ខែមីនាក្រុមប្រឹក្សាអឺរ៉ុបបានអនុម័តលើកិច្ចព្រមព្រៀង EVFTA ដូច្នេះសហភាពអឺរ៉ុបបានបញ្ចប់នីតិវិធីជាផ្លូវការដើម្បីឱ្យកិច្ចព្រមព្រៀងនេះចូលជាធរមាន។
ខាងវៀតណាមរដ្ឋមន្ត្រី Tran Tuan Anh បានឲ្យដឹងថា ឯកសារនៃការផ្តល់សច្ចាប័នលើកិច្ចព្រមព្រៀងត្រូវបានរដ្ឋាភិបាលដាក់ជូនប្រធានរដ្ឋដើម្បីពិចារណានិងដាក់ជូនរដ្ឋសភាដើម្បីពិភាក្សានិងអនុម័ត ក្នុងសម័យប្រជុំរដ្ឋសភានៃរដ្ឋសភាវៀតណាមនៅខែឧសភា។ ជាមួយនឹងការរីកចម្រើននេះ ភាគីទាំងពីរសង្ឃឹមថាកិច្ចព្រមព្រៀង EVFTA នឹងចូលជាធរមានជាផ្លូវការនៅខែកក្កដាខាងមុខនេះ។
តាមលោករដ្ឋមន្រ្តី Tran Tuan Anh រដ្ឋាភិបាលវៀតណាមបានបង្កើតផែនការអនុវត្តកិច្ចព្រមព្រៀង យ៉ាងសកម្មនិងបានដាក់ពង្រាងផែនការនេះទៅក្នុងឯកសារដើម្បីដាក់ជូន ទៅគ្រប់កម្រិតសម្រាប់ការផ្តល់សច្ចាប័នលើកិច្ចព្រមព្រៀង។
បន្ទាប់ពីរដ្ឋសភាបានផ្តល់សច្ចាប័នលើកិច្ចព្រមព្រៀងនេះ សេចក្តីព្រាងនេះនឹងត្រូវបានធ្វើវិសោធនកម្មនិងបញ្ចប់ ដើម្បីឱ្យនាយករដ្ឋមន្រ្តីអាចចុះហត្ថលេខាជាផ្លូវការសម្រាប់ការអនុញ្ញាតឱ្យផ្សប់ផ្សាយចេញ។
លើសពីនេះ លោករដ្ឋមន្រ្តី Tran Tuan Anh និងលោក Phil Hogan ក៏បានផ្លាស់ប្តូរយោបល់ស្តីពីទំនាក់ទំនងនិងកិច្ចសហប្រតិបត្តិការទ្វេភាគីក្នុងក្របខ័ណ្ឌនៃអង្គការពាណិជ្ជកម្មពិភពលោក (WTO) ។
ជាពិសេសភាគីទាំងពីរបានឯកភាពនឹងខិតខំបន្ថែមទៀតដើម្បីបង្កើនការផ្លាស់ប្តូរពាណិជ្ជកម្មក្នុងបរិបទនៃជំងឺ Covid – 19 មានការវិវត្តន៍ដ៏ស្មុកស្មាញ។
បើនិយាយពីកិច្ចសហប្រតិបត្តិការនៅក្នុងអង្គការពាណិជ្ជកម្មពិភពលោក ភាគីទាំងពីរបានឯកភាព ធ្វើការយ៉ាងជិតស្និទ្ធជាមួយគ្នាដើម្បីជំរុញគំនិតផ្តួចផ្តើមកំណែទម្រង់របស់អង្គការពាណិជ្ជកម្មពិភពលោកជាពិសេសការបង្កើនប្រសិទ្ធភាពនៃយន្តការដោះស្រាយជម្លោះ ដែលសមាជិកអង្គការពាណិជ្ជកម្មពិភពលោកកំពុងត្រូវបានចាប់អារម្មណ៍៕
(ប្រែសម្រូលដោយវិច្ឆិកា)
(ប្រភពព័ត៌មាន: thoidai.com.vn)
មតិពីមិត្តអ្នកអាន