យុគសម័យ - ធនាគារអភិវឌ្ឍន៍អាស៊ី (ADB) បានប្រកាសកញ្ចប់ជំនួយដំបូងដោយមានទឹកប្រាក់ចំនួន ៦,៥ ពាន់លានដុល្លារអាមេរិក ដើម្បីឆ្លើយតបនឹងតម្រូវការជាបន្ទាន់របស់បណ្តាប្រទេសជាសមាជិក ក្នុងនោះមានប្រទេសវៀតណាម ដើម្បីទប់ស្កាត់នឹងការរីករាលដាលនៃជំងឺរាតត្បាតកូវីដ១៩ រួមទាំងផ្តល់ជំនួយបន្ថែមតាមតម្រូវការចាំបាច់។
ធនាគារអភិវឌ្ឍន៍អាស៊ី (ADB) ត្រៀមខ្លួនជាស្រេចក្នុងការជួយឧបត្ថម្ភដល់ប្រទេសវៀតណាមដើម្បីទប់ស្កាត់ការរីករាលដាលនៃជម្ងឺកូវីដ១៩ (COVID-19)
លោក Masatsugu Asakawa ប្រធានធនាគារអភិវឌ្ឍន៍អាស៊ីបានបញ្ជាក់ថា ធនាគារអភិវឌ្ឍន៍អាស៊ីត្រៀមខ្លួនជាស្រេចដើម្បីផ្តល់ជួនួយឧបត្ថម្ភគាំទ្រផ្នែកហិរញ្ញវត្ថុនិងយោបល់ប្រឹក្សារខាងគោលនយោបាយចាំបាច់ ដើម្បីជួយឲ្យរដ្ឋាភិបាលវៀតណាមទប់ស្កាត់នឹងការរីករាលដាលនៃជំងឺកុវីដ១៩ផងដែរ។
លោក Masatsugu Asakawa ក៏បានកោតសរសើរថារដ្ឋាភិបាលវៀតណាមបានចាត់វិធានការទាន់ពេលវេលា និងមានប្រសិទ្ធភាព ដើម្បីប្រយុទ្ធប្រឆាំងនឹងការរីករាលដាលនៃជំងឺរាតត្បាតកូវីដ១៩ ហើយ ADB ក៏អបអរសាទរចំពោះការដែលរដ្ឋាភិបាលវៀតណាមផ្តោតការយកចិត្តទុកដាក់លើការរក្សាស្ថេរភាពសេដ្ឋកិច្ច និងកំណើនក្នុងរយៈពេលមធ្យមនិងវែង ដែលក្នុងនោះមានការពង្រីកការវិនិយោគសាធារណៈ និងពង្រឹងបណ្តាញសន្តិសុខសង្គមសម្រាប់គ្រួសារក្រីក្រដែលងាយរងគ្រោះថ្នាក់ផងដែរ ៕
(បកប្រែដោយ ហេង វុធ្ធី)
(ប្រភពព័ត៌មាន: baotintuc.vn)
មតិពីមិត្តអ្នកអាន