យុគសម័យ - នាយករដ្ឋមន្ត្រីរដ្ឋាភិបាលវៀតណាម លោក Nguyen Xuan Phuc នឹងអញ្ជើញដឹកនាំគណៈប្រតិភូជាន់ខ្ពស់វៀតណាម នឹងដឹកនាំគណៈប្រតិភូជាន់ខ្ពស់អញ្ជើញចូលរួមក្នុង “វេទិកាខ្សែក្រវ៉ាត់ និងផ្លូវលើកទី២ សម្រាប់កិច្ច សហប្រតិបត្តិការអន្តរជាតិ» និងកិច្ចប្រជុំសំខាន់ៗផ្សេងទៀត ដែលនឹងប្រព្រឹត្តទៅពីថ្ងៃទី២៥ ដល់ថ្ងៃទី ២៧ ខែមេ សា ឆ្នាំ២០១៩ នៅទីក្រុងប៉េកាំង ប្រទេសចិន។
នាយករដ្ឋមន្ត្រី លោក Nguyen Xuan Phuc នឹងទៅកាន់ទីក្រុងប៉េកាំង ដើម្បីចូលរួមក្នុងវេទិកា ខ្សែក្រវ៉ាត់និងផ្លូវសម្រាប់កិច្ចសហប្រតិបត្តិការអន្តរជាតិ (រូបថតៈ TTXVN)
យោងតាមសេចក្តីប្រកាសព័ត៌មានរបស់ក្រសួងការបរទេស ដំណើរទៅកាន់ក្រុងប៉េកាំងរបស់នាយករដ្ឋមន្ត្រីរដ្ឋាភិបាល វៀតណាម លោក Nguyen Xuan Phuc ត្រូវបានធ្វើឡើងដើម្បីតបតាមការអញ្ជើញរបស់លោក Xi Jinping ប្រធានរដ្ឋ នៃសាធារណរដ្ឋប្រជាមានិតចិន។
“វេទិកាខ្សែក្រវ៉ាត់និងផ្លូវសម្រាប់កិច្ចសហប្រតិបត្តិការអន្តរជាតិលើកនេះ នឹងមានការ ចូលរួមរបស់មេដឹកនាំបរទេសជិត ៤០រូប ក្នុងនោះមាននាយករដ្ឋមន្រ្តីវៀតណាមលោក Nguyen Xuan Phuc និងនាយករដ្ឋមន្ត្រីនៃព្រះរាជាណាចក្រកម្ពុជា សម្តេចតេជោ ហ៊ុនសែន។ ទំនងជា ប្រធានាធិបតីរុស្សី Vladimir Putin នាយករដ្ឋមន្ត្រីប៉ាគីស្ថានលោក Imran Khan ប្រធានាធិបតីហ្វីលីពីន Rodrigo Duterte ក៏នឹងចូលរួមក្នុងវេទិកានេះផងដែរ៕
(ដោយ ស្រីព្រេជ)
មតិពីមិត្តអ្នកអាន