នាយករដ្ឋមន្ត្រីវៀតណាមលោក Nguyen Xuan Phuc និងភរិយាអញ្ជើញជាអធិបតីរាត្រីសមោសរផ្សព្វផ្សាយវប្បធម៌វៀតណាម

នាយករដ្ឋមន្ត្រី លោក Nguyen Xuan Phuc ថ្លែងមតិក្នុងរាត្រីសមោសរ (រូបថតៈ chinhphu.vn)

នេះជាកម្មវិធីពិសេសរបស់វៀតណាមសំដៅអបអរសាទរប្រមុខរដ្ឋ ថ្នាក់ដឹកនាំនៃប្រទេសនានា សម្ព័ន្ធក្រុមហ៊ុននិងសហគ្រាសដែលបានចូលរួមកិច្ចប្រជុំកំពូល វេទិកាសេដ្ឋកិច្ចពិភពលោក ស្តីពីអាស៊ាន (WEF ASEAN) ឆ្នាំ២០១៨។

ថ្លែងមតិក្នុងកម្មវិធីនេះ នាយករដ្ឋមន្ត្រី​លោក Nguyen Xuan Phuc បានអះអាងថា វត្តមានរបស់តំណាងទាំងអស់នៅក្នុងវេទិកានេះសរបញ្ជាក់ឲ្យឃើញពីកិច្ចសហប្រតិបត្តិការឆ្ពោះទៅអនាគតនិងចែករំលែកនូវចក្ខុវិស័យមួយ នោះគឺ “សហគមន៍អាស៊ានអាស្រ័យលើច្បាប់និងយកប្រជាជនជាគោល”។

ទិដ្ឋភាពនៃរាត្រូសមោសរ (រូបថតៈ VGP/Quang Hiếu )

លោកនាយករដ្ឋមន្ត្រីបវៀតណាមចង់ឲ្យថ្នាក់ដឹកនាំ សហគ្រិននិងភ្ញៀវអន្តរជាតិ ចំណាយពេលវេលាអញ្ជើញមកទស្សនាប្រទេសវៀតណាម ក្នុងនាមជាភ្ញៀវអន្តរជាតិឬជាមិត្តភក្តិឬសាច់ញាតិរបស់ប្រជាជនវៀតណាម ដើម្បីតាមរយៈនោះអាចមានអារម្មណ៍ពេញលេញអំពីវៀតណាមដ៏ស្រស់ស្អាតនិងបើកចំហអំពីប្រជាជនវៀតណាមរួសរាយរាក់ទាក់និង អំពីទេសភាពនិងវប្បធម៌ដ៏សម្បូរបែបពោរពេញទៅដោយអត្តសញ្ញាណជាតិផងដែរ៕

（ប្រភពព័ត៌មាន: VOV5-វិទ្យុសម្លេងវៀតណាម）