យុគសម័យ -នាថ្ងៃទី ២១ និង ២២ ខែកញ្ញា កម្មវិធី“ទង់ជាតិចំនួន ១ លាន រួមជាមួយប្រជាជនច្បាមជាប់នឹងសមុទ្រ” បានប្រគល់ទង់ជាតិចំនួន ២.០០០ ទដល់អ្នកនេសាទនៅប្រជុំកោះ Nam Du ស្រុក Kien Hai ខេត្ត Kien Giang។
កម្មវិធី“ទង់ជាតិចំនួន ១ លាន រួមជាមួយប្រជាជនច្បាមជាប់នឹងសមុទ្រ” បានប្រគល់ទង់ជាតិចំនួន ២.០០០ ទដល់អ្នកនេសាទនៅប្រជុំកោះ Nam Du ស្រុក Kien Hai ខេត្ត Kien Giang)។ (រូបថត៖ Thoi Dai)
កម្មវិធីប្រគល់ទង់ជាតិចំនួន ១០០០ ដល់អ្នកនេសាទនៅប្រជុំកោះ Nam Du ស្រុក Kien Hai ខេត្ត Kien Giang ត្រូវបានធ្វើឡើងនៅពេលដែលនាវានៃកងកំលាំងត្រួតពិនិត្យជលផលនាយកដ្ឋានជលផល អគ្គនាយកដ្ឋានជលផលអនុវត្តការយាមល្បាត ត្រួតពិនិត្យផ្នែកជលផលនៅតំបន់សមុទ្រនៃភាគនិរតីប្រទេសវៀតណាម។
នៅប្រជុំកោះ Nam Du បន្ទាប់ពីបានផ្តល់ទង់ជាតិដល់ប្រជាជនអគ្គនាយកដ្ឋានជលផលបានសហការជាមួយអាជ្ញាធរមូលដ្ឋានរៀបចំចែកខិត្តប័ណ្ណនិងឃោសនាដល់ប្រជានេសាទនូវខ្លឹមសារនានាទាក់ទងនឹងច្បាប់ជលផល ឆ្នាំ២០១៧ រួមទាំងការណែនាំទាំងឡាយរបស់គណៈកម្មការសហគមន៍អ៊ឺរ៉ុបស្តីពីការប្រយុទ្ធប្រឆាំងនឹងការនេសាទដោយខុសច្បាប់មិនបានរាយការណ៍និងមិនគោរពតាមការកំណត់ (IUU) ដែលជួយប្រជាជនឱ្យយល់ពីបទប្បញ្ញត្តិនៃច្បាប់ទាក់ទងនឹងសកម្មភាពនេសាទនៅសមុទ្រ ជាពិសេសកឃោសនាសដល់អ្នកនេសាទឲ្យធ្វើការនេសាទប្រកបដោយសុវត្ថិភាពនិងស្របច្បាប់ មិនរំលោភលើដែនសម្រុទ្របរទេសធ្វើការនេសាទដោយខុសច្បាប់។
យោងតាមលោក Nguyen Quang Hung អនុប្រធាននាយកដ្ឋានជលផលក្រសួងកសិកម្មនិងអភិវឌ្ឍន៍ជនបទឲ្យដឹងថា៖ កម្មវិធី“ទង់ជាតិមួយលាន រួមជាមួយអ្នកនេសាទច្បាមសមុទ្រ” បាននាំមកនូវសេចក្តីរីករាយនិងការលើកទឹកចិត្តដល់អ្នកនេសាទ។ អ្នកនេសាទជាកម្លាំងដែលចូលរួមក្នុងការបញ្ជាក់អះអាងនូវអធិបតេយ្យភាពជាតិនៅសមុទ្រ កសាងខឿនការពារជាតិសន្តិសុខដោយប្រជាជននៅសមុទ្រ ហើយរួមជាមួយកម្លាំងនានាការពារអធិបតេយ្យភាពដែនសមុទ្រ និងកោះរបស់មាតុភូមិ។ ដូច្នេះវាចាំបាច់ណាស់ក្នុងការលើកទឹកចិត្តនិងជួយឱ្យអ្នកនេសាទមានអារម្មណ៍ថា មានសុវត្ថិភាពនៅពេលធ្វើការនេសាទនៅសមុទ្រ។ អគ្គនាយកដ្ឋានជលផលសហការជាមួយកាសែត Nguoi Lao dong ដើម្បីអនុវត្តកម្មវិធី“ ទង់ជាតិមួយលាន រួមជាមួយអ្នកនេសាទច្បាបជាប់នឹងសមុទ្រ” ដែលត្រូវបានអនុវត្តនៅ ២៨ ខេត្ត - ក្រុងដែលជាប់សមុទ្រក្នុងគោលបំណងចូលរួមចំណែកគាំទ្រនិងលើកទឹកចិត្តស្មារតីអ្នកនេសាទច្បាមជាប់សមុទ្រការពារយ៉ាងម៉ឺងម៉ាត់នូវអធិបតេយ្យភាពនៃដែនសមុទ្រកោះដ៏ពិសិដ្ឋរបស់មាតុភូមិ។
ប្រជុំកោះ Nam Du មានកោះធំនិងតូចចំនួន ២១ ដែលមានផ្ទៃដីសរុប ៤.៤ គីឡូម៉ែត្រក្រឡាមានទីតាំងស្ថិតនៅភាគអាគ្នេយ៍នៃកោះPhu Quoc នៅឈូងសមុទ្រថៃ ហើយមានចម្ងាយ ៦៥ ម៉ាយល៍ពីឆ្នេរ Rach Gia ស្ថិតក្នុងភូមិសាស្ត្រឃុំ An Son និងឃុំ Nam Du ស្រុក Kien Hai ខេត្ត Kien Giang។ នេះគឺជាប្រជុំកោះរហោស្ថានដែលគ្រាន់តែមានការអភិវឌ្ឍន៍ទេសចរណ៍ក្នុងរយៈពេលពីរបីឆ្នាំប៉ុណ្ណោះ។ “ប្រជាជននៅប្រជុំកោះនេះមានចំនួនប្រមាណ៥០០០ នាក់ដែលភាគច្រើនប្រកបមុខរបរនេសាទ។ ក្នុងរយៈពេលប៉ុន្មានឆ្នាំចុងក្រោយនេះដោយសារការអភិវឌ្ឍវិស័យទេសចរណ៍ជីវភាពរស់នៅរបស់ប្រជាជនត្រូវបានកែលម្អ ប៉ុន្តែការងារចម្បងរបស់ពួកគេនៅតែជាការនេសាទ"- នេះបើយោងតាមការចែករំលែកពី លោក Vo Van លេខាធិការគណៈកម្មាធិការបក្សឃុំ An Son./.(បកប្រែដោយឌីណា)
(ប្រភពព័ត៌មាន: Thoi Dai.com.vn)
មតិពីមិត្តអ្នកអាន