យុគសម័យ - មិនឆ្ងាយពីរដ្ឋធានី Ha Noi ទេ ខេត្ត Ninh Binh គឺជាទិសដៅទាក់ទាញសម្រាប់ទេសចរក្នុងស្រុកនិងបរទេសដែលមានបេតិកភណ្ឌធម្មជាតិនិងវប្បធម៌ពិភពលោក។
ចម្ងាយ ៩០ គីឡូម៉ែត្រតាមទិសខាងត្បូង ខេត្ត Ninh Binh គឺជាទិសដៅទាក់ទាញសម្រាប់ភ្ញៀវទេសចរជាតិនិងបរទេសដែលមានបេតិកភណ្ឌវប្បធម៌ធម្មជាតិនិងបេតិកភណ្ឌពិភពលោក។ ជាពិសេសគឺតំបន់អេកូទេសចរណ៍ស្ថិតក្នុងបេតិកភណ្ឌពិភពលោក Trang An។ ដោយទេសភាពធម្មជាតិស្រស់ស្អាត បេតិកភណ្ឌពិភពលោក Trang An ត្រូវបានទទួលស្គាល់ដោយអង្គការ UNESCO ថាជាបេតិកភណ្ឌធម្មជាតិនិងវប្បធម៌ពិភពលោក។
ទេសភាពនៅទីនេះត្រូវបានបង្កើតឡើងពីទន្លេដែលហូរកាត់ភ្នំថ្មកំបោរ ដែលបង្កើតជារូងធម្មជាតិនិងអាថ៌កំបាំងជាច្រើនរាប់មិនអស់។ ភ្ញៀវនឹងចំណាយពេលប្រហែល ៣-៤ ម៉ោងដើម្បីទស្សនារូងនិងទេសភាពទាំងអស់ នៅបេតិកភណ្ឌពិភពលោក Trang An តាមការជិះទូក។ តម្លៃសំបុទ្រចូលបេតិកភណ្ឌពិភពលោក Trang An គឺ ២០០,០០០ ដុង / សំបុត្រ / មនុស្សម្នាក់។
ខុសគ្នាពីសភាពអ៊ូអរនៃទីក្រុងឬកន្លែងដែលមានមនុស្សច្រើនកុះករនៅតំបន់សមុទ្រ Trang An មានសម្រស់ស្រស់ស្អាតនិងមានទឹកភ្នំពណ៌ខៀវ។ អង្គុយលើទូកអណ្តែតលើផ្ទៃទឹករវាងធម្មជាតិដ៏អស្ចារ្យនិងស្អាតដូចក្នុងកំណាព្យគឺជាអ្វីៗ ដែលភ្ញៀវមិនភ្លេចពេលទៅទស្សនាតំបន់បេតិកភណ្ឌពិភពលោក Trang An។ មនុស្សដូចជាក្លាយតូចរវាងទេសភាពធម្មជាតិធំល្វឹងល្វើយនេះ។ មិនឆ្ងាយពី Trang An រូងភ្នំ Mua មានទីតាំងស្ថិតនៅជើងភ្នំMua ក្នុងតំបន់អេកូទេសចរណ៍ ស្ថិតក្នុងភូមិសាស្ត្រ ភូមិ Khe Dau Ha ឃុំ Ninh Xuan Hoa Lu ខេត្ត Ninh Binh ក៏ជាកន្លែងទេសចរទាក់ទាញភ្ញៀវជាច្រើននាក់ ។
ទេសភាពស្រស់ស្អាតនៃ“ Ha Long នៅលើដីគោក” ។
ពេលមកដល់រូងភ្នំ Mua ភ្ញៀវនឹងព្យាយាម នៅពេលឡើងភ្នំតាមជណ្តើរថ្មចំនួន ៤៨៦ ហើយពីលើកំពូលភ្នំ ភ្ញៀវអាចគយគន់សម្រស់នៃទិដ្ឋភាពរួម Tam Coc រួមមានវាលស្រែធំសម្បើមបៃតង។
（បកប្រែដោយឌីណា）
មតិពីមិត្តអ្នកអាន