យោងតាមព័ត៌មានជាផ្លូវការពីនាយកដ្ឋានសន្តិសុខព័ត៌មាន (ក្រសួងព័ត៌មាននិងគមនាគមន៍) ក្រុមវៀតណាមដែលមាននិស្សិតចំនួន ៤ នាក់មកពីមហាវិទ្យាល័យបច្ចេកវិទ្យា (សាកលវិទ្យាល័យជាតិហាណូយ) បានឈរនៅលំដាប់ទី ២ ក្នុងការប្រកួតប្រជែងសុវត្ថិភាពព័ត៌មានក្នុងតំបន់អាស៊ាន - Cyber SEA Game 2019។
ក្រុមនិស្សិតវៀតណាមដែលចូលរួម Cyber SEA Game 2019 (រួបថត: ICTNews)
Cyber SEA Game គឺជាការប្រកួតប្រជែងលើជំនាញធានាសុវត្ថិភាពព័ត៌មានក្នុងតំបន់អាស៊ានដោយមានកិច្ចសហប្រតិបត្តិការ និងការឧបត្ថម្ភពីប្រទេសជប៉ុន។ ការប្រកួតនៅវគ្គផ្តាច់ព្រ័ត្រនៃឆ្នាំនេះត្រូវបានធ្វើឡើងនៅប្រទេសថៃដោយមានការចូលរួមពីក្រុមចំនួន ១០ មកពីបណ្តាប្រទេសអាស៊ាន។ នៅថ្ងៃទី ២១ ខែវិច្ឆិកា ក្រុមវៀតណាមបានធ្វើការប្រកួតប្រជែងជាបន្តបន្ទាប់ក្នុងរយៈពេល ៧ ម៉ោង (ចាប់ពីម៉ោង ១០ និង ៣០ នាទី ដល់ម៉ោង ១៧ និង ៣០) និងទទួលបាន ៣.០២០ ពិន្ទុ។ ជាមួយនឹងលទ្ធផលនេះ ក្រុមវៀតណាមឈរនៅលំដាប់ទី ២ ក្នុងការប្រកួតបន្ទាប់ពីក្រុមម្ចាស់ផ្ទះថៃ។ គួររំលឹកថា ក្រុមវៀតណាមបានឈរនៅលំដាប់ទី១នៅឆ្នាំ ២០១៥ ហើយឈរនៅលំដាប់ទី ៣ នៅឆ្នាំ២០១៧ និងឆ្នាំ២០១៨ ៕
(ប្រភព៖ qdnd.vn ហេង វុធ្ធីសរុប)
មតិពីមិត្តអ្នកអាន