វេទិកាធុរកិច្ចអាណិកជនវៀតណាមនៅអឺរ៉ុប លើកទី ១១ ទើបនឹងបានប្រព្រឹត្តទៅនៅប្រទេសប៉ូឡូញ

តំណាងចូលរួមក្នុងវេទិកា ថតរូបអនុស្សាវរីយ៍ (រូបថតៈ quehuongonline)

វេទិកានេះ មានការចូលរួមពីប្រតិភូជិត ៣០០ នាក់ មកពី ១៥ ប្រទេសនិងដែនដីជុំវិញពិភពលោក។ ជាពិសេស សហគ្រាសប៉ូឡូញចំនួន ៤០ និងអ្នកនយោបាយប៉ូឡូញ ១០ នាក់ ត្រូវបានអញ្ជើញចូលរួមក្នុងវេទិកានេះ ក្នុងនោះមានសមាជិកព្រឹទ្ធសភា Grzego Napieralski - ប្រធានក្រុមសមាជិកសភាប៉ូឡូញ - វៀតណាម និងលោក Janusz Piechocinski អតីតឧបនាយករដ្ឋមន្ត្រីនិងជារដ្ឋមន្ត្រីសេដ្ឋកិច្ចប៉ូឡូញផងដែរ។

ពីសំណាក់ស្ថាប័នក្នុងស្រុក វេទិកានេះ មានការចូលរួមពីលោក Tran Thanh Nam អនុរដ្ឋមន្រ្តីក្រសួងកសិកម្មនិងអភិវឌ្ឍន៍ជនបទ, លោក Pham Dinh Nghi ប្រធានគណៈកម្មាធិការប្រជាជនខេត្ត Nam Dinh, លោក Nguyen Hoanh Nam - អនុប្រធាននៃគណៈកម្មាធិរដ្ឋទទួលបន្ទុកជនវៀតណាមនៅឯបរទេស, លោក Ho Anh Tuan - អតីតអនុរដ្ឋមន្ត្រីក្រសួងវប្បធម៌កីឡានិងទេសចរណ៍, ប្រធានគណៈកម្មាធិការរៀបចំចលនា “កសាងវប្បធម៌សហគ្រាសវៀតណាម” រួមជាមួយគណៈប្រតិភូសហគ្រាសក្នុងស្រុកចំនួន ១០ផងដែរ។ ជាពិសេស វេទិកានេះមានកិត្តិយសទទួលបានលិខិតអបអរសាទរពីលោកនាយករដ្ឋមន្រ្តី Nguyen Xuan Phuc។

ថ្លែងមតិនៅវេទិកានេះ លោក Nguyen Hoanh Nam បានស្វាគមន៍និងវាយតម្លៃខ្ពស់ ចំពោះការបន្តបង្កើតសមាគមធុរកិច្ចជនក្រៅប្រទេសវៀតណាមនៅអឺរ៉ុបលើកទី ១១ សំដៅបង្កើតឱកាសសម្រាប់តំណាងចូលរួមផ្លាស់ប្តូរមតិនិងផ្តល់អនុសាសន៍ ដំណោះស្រាយនិងគំនិតថ្មីៗ ដែលរួមចំណែកដល់ការជំរុញកិច្ចសហប្រតិបត្តិការពាណិជ្ជកម្មវៀតណាមជាមួយប្រទេសដទៃទៀត។

ជាពិសេស ក្នុងបរិបទដែលវៀតណាមនិងសហភាពអឺរ៉ុបទើបបានចុះហត្ថលេខាលើកិច្ចព្រមព្រៀងពាណិជ្ជកម្មសេរី (EVFTA) និងកិច្ចព្រមព្រៀងការពារការវិនិយោគ (EVFTA) នោះ ខណៈពេលដែល ពាណិជ្ជកម្មតាមប្រព័ន្ធអេឡិចត្រូនិក កំពុងកើនឡើងយ៉ាងខ្លាំង ការដែលវេទិកាលើកនេះបានផ្តោតលើការផ្លាស់ប្តូរខ្លឹមសារទាំងនេះ គឺទទួលបានស្វាគមន៍ពីសំណាក់ភ្ញៀវចូលរួមផងដែរ។ ទាំងនេះជាបញ្ហាសំខាន់និងជាក់ស្តែងណាស់ដែលសហគមន៍អាជីវកម្មនៅវៀតណាមទាំងក្នុងនិងក្រៅបរទេសចាប់អារម្មណ៍យ៉ាងខ្លាំង។

វេទិកានេះ មានការចូលរួមពីប្រតិភូជិត ៣០០ នាក់ មកពី ១៥ ប្រទេសនិងដែនដីជុំវិញពិភពលោក (រូបថតៈ quehuongonline)

ទន្ទឹមនឹងនោះ លោក Nguyen Hoanh Nam បានជឿជាក់ថា វេទិកានេះនឹងរួមចំណែកជំរុញថែមទៀត នូវកិច្ចសហប្រតិបត្តិការវិនិយោគនិងកិច្ចសហប្រតិបត្តិការរវាងធុរកិច្ចវៀតណាមទាំងក្នុងនិងក្រៅប្រទេសនៅអឺរ៉ុប ក៏ដូចជារវាង សហគមន៍ពាណិជ្ជកម្មវៀតណាមក្នុងនិងក្រៅប្រទេស ជាពិសេស រវាងវៀតណាមនិងបណ្តាប្រទេសអឺរ៉ុប។ បន្ទាប់ពី ២ វគ្គ ដោយមានបទបង្ហាញចំនួន ២០ និងសុន្ទរកថាជាង ១០ របស់ប្រតិភូមក វេទិកាបានផ្លាស់ប្តូរខ្លឹមសារជាក់ស្តែង សម្រាប់អាជីវកម្មក្នុងស្រុកនិងបរទេសផងដែរ។

យ៉ាងណាមិញ បទបញ្ហាញជាច្រើនបានផ្តោតលើការប្រែប្រួល ក្នុងសកម្មភាពធុរកិច្ច របស់សហគ្រាសអាណិកជន ក្នុងស្ថានភាពទូទៅនៃការអភិវឌ្ឍរបស់ពាណិជ្ជកម្មអេឡិចត្រូនិកនៅអឺរ៉ុប។

ប្រការគួរអោយចាប់អារម្មណ៍គឺ សុន្ទរកថារបស់វាគ្មិនមកពីសមាគមពាណិជ្ជកម្មអេឡិចត្រូនិក វៀតណាម (VECOM) ត្រូវបានអាជីវកម្មនៅក្រៅប្រទេសស្វាគមន៍ ដោយសារតែការឆ្លើយយ៉ាងពេញលេញនិងងាយយល់នូវសំណួរអំពីបញ្ហាពាណិជ្ជក ម្មតាមប្រព័ន្ធអេឡិចត្រូនិកក្នុងស្រុក។ ; ទន្ទឹមនឹងនេះដែរ វាក៏បានផ្តល់នូវដំណោះស្រាយក៏ដូចជាបង្ហាញពីបទពិសោធន៍របស់សហគ្រាសក្នុងស្រុកក្នុងការអនុវត្តពាណិជ្ជកម្មតាមប្រព័ន្ធអេឡិចត្រូនិក។

ក្នុងឱកាសនេះ អនុរដ្ឋមន្រ្តីក្រសួងកសិកម្មនិងអភិវឌ្ឍន៍ជនបទ លោក Tran Thanh Nam បានណែនាំអំពីសក្តានុពលនៃការនាំចេញផលិតផលកសិកម្មរបស់វៀតណាមទៅកាន់ EU និងសង្ឃឹម ថាសហគ្រាសវៀតណាមទាំងអស់នៅក្រៅប្រទេសនឹងជាច្រកនៃការប្រើប្រាស់ ជាស្ពានជំរុញយ៉ាងខ្លាំងក្លាក្នុងការនាំទំនិញវៀតណាមចូលទីផ្សារអឺរ៉ុប។

នៅក្នុងវេទិកា គណៈកម្មាធិការរៀបចំបានប្រកាសលទ្ធផលនៃការបោះឆ្នោតពិគ្រោះយោបល់របស់គណៈកម្មាធិការប្រតិ បត្តិនៃសមាគមអាជីវកម្មវៀតណាមសម្រាប់អាណត្តិក្រោយ រួមមានសមាជិក ១៩ រូប ហើយលោក Hoang Manh Hue បន្តទទួលបានការទុកចិត្តជាប្រធានសមាគម។ បន្ទាប់ពីការពិគ្រោះយោបល់មក គណៈកម្មាធិការប្រតិបត្តិក៏បានយល់ព្រមរៀបចំវេទិកាលើកទី ១២ នៅទីក្រុង Saint-Petersburg នៃប្រទេសរុស្ស៊ី៕

(បកប្រែដោយស្រីពេជ្រ)