យុគសម័យ - នាថ្ងៃទី ០៤ ខែឧសភា សមាគមនេសាទវៀតណាមបានផ្ញើលិខិតទៅកាន់ខុទ្ទកាល័យ រដ្ឋាភិបាលវៀតណាម ក្រសួងកសិកម្មនិងអភិវឌ្ឍន៍ជនបទវៀតណាម ក្រសួងការបរទេសវៀតណាម និងគណៈទាក់ទងបរទេសមជ្ឈិម ដើម្បីសំដែងនូវការប្រឆាំងជំទាស់នឹងការដែល ចិនបានដាក់ចេញបទប្បញ្ញត្តិស្តីពីការហាមឃាត់ការធ្វើ នេសាទនៅសមុទ្រខាងកើតឆ្នាំ ២០២០។
សមាគមនេសាទវៀតណាមប្រឆាំងនឹងការដែលចិនដាក់ចេញបទបញ្ជាហាមឃាត់ការធ្វើនេសាទនៅ សមុទ្រខាងកើត (រូបថត៖ vnanet)
នាពេលកន្លងមក ថ្ងៃទី១ខែឧសភាឆ្នាំ២០២០ ភាគីចិនបានជូនដំណឹងដោយឯកតោភាគីស្តីពីអ្វីហៅថា “បទបញ្ញត្តិហាមឃាត់ការធ្វើនេសាទនៅសមុទ្រខាងកើតដែលក្នុងនោះមានការរំលឹកដល់ប្រជុំកោះ Hoang Sa ដែលស្ថិតក្នុងអធិបតេយ្យភាពរបស់វៀតណាម។
ដើម្បីប្រឆាំងជំទាស់ចំពោះសកម្មភាពខុស ច្បាប់របស់ចិនស្តីពីការដាក់ចេញបទបញ្ញត្តិហាមឃាត់ធ្វើនេសាទដោយរំលោភបំពាន លើសិទ្ធិនិងឧត្តមប្រយោជន៍គតិយុត្តិ ដែលរំខានដល់ការផលិតកម្មនៅលំហរសមុទ្ររបស់ប្រជានេសាទ ថ្ងៃទី ០៤ ខែឧសភា សមាគមនេសាទវៀតណាមបានផ្ញើលិខិតទៅកាន់ខុទ្ទកាល័យ រដ្ឋាភិបាល ក្រសួងកសិកម្មនិង អភិវឌ្ឍន៍ជនបទ ក្រសួងការបរទេស និងគណៈទាក់ទងបរទេសមជ្ឈិមដើម្បីប្រឆាំងជំទាស់នឹងការដែល ចិនបានដាក់ចេញបទបញ្ញត្តិស្តីពីការហាមឃាត់ការធ្វើនេសាទនៅសមុទ្រខាងកើត។
លិខិតនេះបានគូសបញ្ជាក់ថា «បទបញ្ញត្តិនេះបានបំពានលើអធិបតេយ្យភាពចំពោះប្រជុំកោះ Hoang Sa និងតំបន់សមុទ្រមួយចំនួនរបស់វៀតណាម ព្រមទាំងរំលោភលើសិទ្ធិនិងឧត្តមប្រយោជន៍គតិយុត្តិដែលធ្វើ រអាក់រអួលដល់ការផលិតនៅលើលំហរសមុទ្ររបស់ប្រជានេសាទវៀតណាម ហើយថែមទាំងរំលោភ លើច្បាប់អន្ដរជាតិ ក្នុងនោះមានអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ១៩៨២ និង ឯកសារច្បាប់អន្តរជាតិពាក់ព័ន្ធនានាផងដែរ»។
សមាគមន៍នេសាទវៀតណាមប្រឆាំងជំទាស់យ៉ាងដាច់អហង្ការនឹទង្វើមិនសមហេតុផលរបស់ចិនព្រមទាំងអះអាងថាបទប្បញ្ញត្តិនេះទុកជាមោឃៈខាងគតិយុត្តិចំពោះតំបន់សមុទ្រដែលស្ថិតក្រោមអធិបតេយ្យភាព របស់វៀតណាមផងដែរ។ ផ្ទុយទៅវិញនោះ ប្រជានេសាទវៀតណាមមានសិទ្ធិពេញលេញក្នុងការធ្វើ នេសាទក្នុងតំបន់សមុទ្រដែលជាអធិបតេយ្យភាពរបស់វៀតណាម៕（បកប្រែដោយ ហេង វុធ្ធី）
（ប្រភពព័ត៌មាន: thoidai.com.vn）
មតិពីមិត្តអ្នកអាន