អង្គការសុខភាពពិភពលោក (WHO) នាថ្ងៃទី២៥ ខែមេសា ឆ្នាំ២០២០ បានប្រកាសចាប់ផ្តើមនូវ កិច្ចសហប្រតិបត្តិការអន្តរជាតិក្នុងទ្រង់ទ្រាយធំមួយ ដើម្បីពន្លឿនការអភិវឌ្ឍន៍ ការផលិត និងការចែកចាយឱសថក៏ដូចជាវ៉ាក់សាំង ប្រឆាំងជំងឺរាតត្បាតជាសកល COVID-19។ នេះបើតាមការចេញផ្សាយដោយទីភ្នាក់ងារព័ត៌មាន ស៊ីនហួរ នៅថ្ងៃសុក្រ ទី២៤ ខែមេសា ឆ្នាំ២០២០។
សហប្រតិបត្តិការអន្តរជាតិ ដើម្បីផលិតវ៉ាក់សាំងប្រឆាំង COVID-19។ (រូបថត៖ freshnews)
ការចាប់ផ្តើមនៃកិច្ចសហប្រតិបត្តិការខាងលើ ត្រូវបានប្រកាសក្នុងកម្មវិធីមួយរៀបចំឡើងតាមប្រព័ន្ធវីដេអូ ដោយមានវត្តមាន អគ្គលេខាធិការរបស់ WHO ផ្ទាល់ គឺលោក Tedros Adhanom រួមជាមួយប្រធានាធិបតីបារាំង លោក Emmanuel Maron និងប្រធានគណៈកម្មការអឺរ៉ុប លោកស្រី Ursula von der Leyen។ នាឱកាសនោះ លោក Tedros បានសង្កត់ធ្ងន់ដូច្នេះថា «ការប្តេជ្ញាចិត្តជារួមរបស់ពួកយើង គឺធានាឲ្យបានថាមនុស្សគ្រប់រូបនៅលើពិភពលោក នឹងទទួលបានមធ្យោបាយឆាប់រហ័ស តាមតែអាចធ្វើទៅបាន ដើម្បីយកឈ្នះលើ COVID-19»។
មុននេះ ថ្នាំវ៉ាក់សាំងប្រឆាំងនឹង Covid-១៩ កំពុងស្រាវជ្រាវនៅប្រទេសជាច្រើន ដូចជា អាមេរិក អាល្លឺម៉ង ចិន...បន្តែត្រូវសហប្រត្តិការ ដើម្បី ផលិតវ៉ាក់សាំងប្រឆាំង COVID-19 ឲ្យបានលឿនបំផុត./.
（បូកសរុបដោយឌីណា）
មតិពីមិត្តអ្នកអាន