យុគសម័យ - នាព្រឹកថ្ងៃទី២២ ខែឧសភា ប្រជាជនកម្ពុជា ជាង១០ម៉ឺននាក់ បានធ្វើដំណើរទៅកាន់ខេត្តតាកែវ ដើម្បីចូលរួមព្រះរាជពិធីបុណ្យ«ច្រត់ព្រះនង្គ័ល»ដែលត្រូវបានប្រារព្ធធ្វើឡើងជារៀងរាល់ឆ្នាំក្នុងខែពិសាខ ស្ថិតក្រោមរាជាធិបតីភាពដ៏ខ្ពង់ខ្ពស់ ព្រះករុណា ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រ កម្ពុជា ។
ពិធីនេះត្រូវមានការចូលរួមដោយប្រធានរដ្ឋសភាកម្ពុជា សម្តេច ហេងសំរិន; ប្រធានព្រឹទ្ធសភា សម្តេច សាយឈុំ; រដ្ឋមន្រ្តីក្រសួងមហាផ្ទៃ លោកសខេង និងមន្រ្តីជាន់ខ្ពស់នៃរាជរដ្ឋាភិបាលកម្ពុជានិងអ្នកតំណាងអង្គទូតនានា។
ព្រះរាជពិធីច្រត់ព្រះនង្គ័ល គឺត្រូវបានធ្វើឡើងក្នុងគោលបំណងផ្សងមើលប្រផ្នូលរបស់ស្រុកទេស ទៅតាមការបរិភោគរបស់ «គោឧសភរាជ»។ ម្យ៉ាងទៀតក៏ជាការដាស់តឿនក្រើនរំឭក ដល់ប្រជាពលរដ្ឋខ្មែរ ដែលពឹងផ្អែកលើការធ្វើកសិកម្មជាចម្បងនោះ ឱ្យបានដឹងថា រដូវធ្វើស្រែចំការបានចូលមកដល់ហើយ៕
(យោងតាម cen.com.kh)