រាជរដ្ឋាភិបាលកម្ពុជាសម្ដេចអគ្គមហាសេនាបតីតេជោ ហ៊ុន សែននាយករដ្ឋមន្ត្រីនៃព្រះរាជាណាចក្រកម្ពុជាបានមានប្រសាសន៍ថារាជរដ្ឋាភិបាលកម្ពុជាបានសន្យាចូលរួមវិភាគទានចំនួន ៧ លានដុល្លារអាមេរិកសម្រាប់ការបង្កើតមូលនិធិអភិវឌ្ឍន៍ ACMECS ដើម្បីពន្លឿនដល់ការអនុវត្តគម្រោងអភិ វឌ្ឍន៍នៅក្នុងតំបន់និងពន្លឿនការងើបឡើងវិញបន្ទាប់ពីជំងឺកូវីដ-១៩។
រាជរដ្ឋាភិបាលកម្ពុជាសន្យាចូលរួមវិភាគទាន ៧លានដុល្លារសម្រាប់ការបង្កើតមូលនិធិអភិវឌ្ឍន៍ ACMECS
ក្នុងសុន្ទរកថាថ្លែងបើកកិច្ចប្រជុំក្នុងខណៈធ្វើជាប្រធានដឹកនាំកិច្ចប្រជុំកំពូលនៃយុទ្ធសាស្ត្រកិច្ចសហប្រតិបត្តិការសេដ្ឋកិច្ចអាយ៉េយ៉ាវ៉ាឌី-ចៅប្រាយ៉ា-មេគង្គ (ACMECS) លើកទី៩តាមរយៈប្រព័ន្ធវីដេអូនាព្រឹកថ្ងៃទី០៩ ខែធ្នូ ឆ្នាំ២០២០ សម្ដេចអគ្គមហាសេនាបតីតេជោ ហ៊ុន សែន បានថ្លែងរម្លឹកថា៖ នៅពេលដែលខ្ញុំ ទទួលដំណែងធ្វើជាប្រធាននៃកិច្ចប្រជុំកំពូលACMECSនៅទីក្រុងបាងកកកាលពីឆ្នាំ២០១៨ , ខ្ញុំបានប្ដេជ្ញាចិត្តបន្តជំរុញគោលដៅរួមរបស់យើងឱ្យកាន់តែល្អប្រ សើរដើម្បីនាំមកនូវវិបុលភាពនិងសុខុមាលភាពថែមទៀតសម្រាប់ប្រជាជនរបស់យើង។ ជាក់ស្ដែងយើងសម្រេចបាននូវវឌ្ឍនភាពគួរឱ្យកត់សម្គាល់នៅក្នុងឆ្នាំ២០ ១៩បន្តដល់ឆ្នាំ២០២០ រហូតដល់ខណៈដែលយើងត្រូវទទួលរងនូវការវាយលុកដោយជំងឺកូវីដ-១៩ ។
សម្ដេចតេជោ ហ៊ុន សែនបានបន្តទៀតថា៖ ក្នុងអំឡុងពីរឆ្នាំកន្លងមកនេះគំនិតផ្ដួចផ្ដើមដែលកើតចេញនិងរីកលូតលាស់ពីការខិតខំក្នុងតំបន់របស់យើងផ្ទាល់បាន ទាក់ទាញចំណាប់អារម្មណ៍របស់ពិភពលោកដោយសារការកំណត់នូវមហិច្ឆតាដ៏ធំ ការប្ដេជ្ញាចិត្តដ៏រឹងមាំ និង ភាពជាម្ចាស់ចំពោះដំណើរការក្នុងការពង្រឹងសគមន៍ ACMECS ឱ្យកាន់តែមានការតភ្ជាប់និងមានភាពធន់ដែលអាចសម្របខ្លួនទៅនឹងបញ្ហាប្រឈមថ្មីៗដែលកើតមានឡើង។
សម្ដេចតេជោនាយករដ្ឋមន្ត្រីគូសបញ្ជាក់ថា៖សហគមន៍ ACMECS មួយដែលមានភាពធន់មានន័យថាយើងចាំបាច់ត្រូវកាត់បន្ថយគម្លាតនៃការអភិវឌ្ឍនិងភាពក្រី ក្រព្រមទាំងលើកកម្ពស់សុខុមាលភាពរបស់ប្រជាពលរដ្ឋយើង ។ ប្រការនេះតម្រូវឱ្យយើងប្រឹងប្រែងធានានូវសន្តិសុខស្បៀងនិងថាមពលជំរុញការអភិវឌ្ឍវិស័យ ទេសចរណ៍ដែលមានវប្បធម៌សម្បូរបែបដ៏ល្អផូរផង់ និង មានប្រវត្តិសាស្ត្រដ៏យូរលុងរបស់យើងធ្វើឱ្យប្រសើរឡើងនូវគុណភាពហេដ្ឋារចនាសម្ព័ន្ធ និង ពង្រីកមូល ដ្ឋានផលិតកម្មឧស្សាហកម្មរបស់យើងព្រមទាំងពន្លឿនការអភិវឌ្ឍសង្គមសេដ្ឋកិច្ចរបស់បណ្ដាប្រទេសជាសមាជិក ACMECS ។
សម្តេចតេជោ ហ៊ុន សែន បានលើកឡើងទៀតថា៖កិច្ចការទាំងនេះទាមទារនូវការរៀបចំស្ថាប័នដ៏រឹងមាំមួយដែលជាមូលដ្ឋានគ្រឹះសម្រាប់ធានាឱ្យបាននូវចីរភាព ក្នុងរយៈពេលវែង ។ សម្ដេចក៏បានវាយតម្លៃខ្ពស់ចំពោះការអនុវត្តការងាររបស់មន្ត្រីហិរញ្ញវត្ថុជាន់ខ្ពស់និងសមាជិកគណៈកម្មាធិការដឹកនាំសម្របសម្រួល ACMECS ដែលរហូតមកដល់ពេលនេះបានចូលរួមចំណែកខិតខំសម្រេចបាននូវសមិទ្ធផលសំខាន់ៗសម្រាប់កិច្ចពិភាក្សានិងការសម្រេចនៅក្នុងកិច្ចប្រជុំកំពូល នាថ្ងៃនេះដូចជា ១- យើងបានបញ្ចប់នូវការរៀបចំក្របខណ្ឌយោងនៃមូលនិធិអភិវឌ្ឍន៍ ACMECS ដែលរាជរដ្ឋាភិបាលកម្ពុជាបានសន្យាចូលរួមវិភាគទានចំនួន ៧លានដុល្លារអាមេរិកសម្រាប់ការបង្កើតមូលនិធិនេះដើម្បីពន្លឿនដល់ការអនុវត្តគម្រោងអភិវឌ្ឍន៍នៅក្នុងតំបន់និងពន្លឿនការងើបឡើងវិញបន្ទាប់ពីជំងឺកូវីដ១៩ ។ ២- ចាប់តាំងពីខែកក្កដាឆ្នាំ២០១៩ យើងមានលទ្ធភាពកំណត់បាននូវក្រុមទីមួយនៃដៃគូអភិវឌ្ឍន៍ ACMECS ដែលរួមមានអូស្ត្រាលីសាធារណរដ្ឋប្រជាមានិត ចិន ជប៉ុន សាធារណរដ្ឋកូរ៉េ សាធារណរដ្ឋឥណ្ឌានិងសហ រដ្ឋអាមេរិក។យើងក៏សូមស្វាគមន៍ចំពោះការបង្ហាញនូវចំណាប់អារម្មណ៍របស់បណ្ដាប្រទេសនិងអង្គការអន្តរជាតិនានាដែលមានបំណងចូលរួមក្នុងក្រុមបន្ទាប់ជាដៃគូអភិវឌ្ឍន៍ ACMECS។៣- យើងបានរៀបចំឯកសារទស្សនទានស្ដីពីយន្តការការងារសម្រាប់គណៈ កម្មាធិការដឹកនាំសម្របសម្រួល ACMECS ក្រោមផែនការ ACMECS (២០១៩-២០២៣ ) ដែលផ្ដល់នូវគោលការណ៍ណែនាំច្បាស់លាស់ដើម្បីជួយសម្រួល ដល់លំហូរការងារឱ្យមានភាពប្រទាក់ក្រឡាគ្នាល្អរវាងគណៈកម្មាធិការដឹកនាំសម្របសម្រួល ACMECSទាំងអស់។បន្ថែមលើនេះសម្រាប់សកម្ម ភាពជាក់ស្ដែង យើងក៏បានរៀបចំកិច្ចប្រជុំរដ្ឋមន្ត្រីទេសចរណ៍ ACMECS លើកទី៤នៅខេត្តឈៀងរ៉ៃប្រទេសថៃប្រកបដោយជោគជ័យផងដែរ។សម្រាប់វិស័យឯកជនក្រុមធុរកិច្ច ACMECS ក៏បានរៀបចំឡើងនូវវេទិកាធុរកិច្ច ACMECS ដែលសម្រេចបានលទ្ធផលជាផ្លែផ្កាសំដៅជំរុញការតភ្ជាប់ឧស្សាហកម្មលើកស្ទួយការធ្វើពាណិជ្ជកម្មនិង វិនិយោគក្នុងអនុតំបន់ ACMECS ក៏ដូចជាការពង្រឹងកិច្ចសហប្រតិបត្តិការហិរញ្ញវត្ថុផងដែរ ។
សម្ដេចតេជោប្រមុខរាជរដ្ឋាភិបាលក៏បានបង្ហាញនូវការជឿជាក់ថាកិច្ចប្រជុំកំពូលថ្ងៃនេះនឹងបន្តកសាងលើសរសរស្ដម្ភមូលដ្ឋានដ៏រឹងមាំទាំងនេះក៏ដូចជាពង្រឹងភាព ស្អិតរមួតរបស់យើងបន្ថែមទៀតដោយការជំរុញកិច្ចអភិវឌ្ឍន៍ ACMECS ឱ្យកាន់តែមានភាពរលូននិងកាន់តែមានភាពសកម្មនិងប្រកបដោយចីរភាពដែលជាការ ឆ្លើយតបប្រកបដោយសង្គត៌ភាពទៅនឹងប្រធានបទឆ្នាំនេះពោលគឺភាពជាដៃគូដើម្បីការតភ្ជាប់និងភាពធន់។
កិច្ចប្រជុំ កំពូលយុទ្ធសាស្រ្តកិច្ចសហប្រតិបត្តិការសេដ្ឋកិច្ច អាយ៉េយ៉ាវ៉ាឌី-ចៅប្រាយ៉ា-មេគង្គ (ACMECS) លើកទី៩
បើយោងតាមការឱ្យដឹងរបស់លោក កៅ គឹមហួន រដ្ឋមន្ត្រីប្រតិភូអមនាយករដ្ឋមន្ត្រីនាយករដ្ឋមន្រ្តីក្នុងកិច្ចប្រជុំកំពូលនៃយុទ្ធសាស្ត្រកិច្ចសហប្រតិបត្តិការសេដ្ឋកិច្ចអាយ៉េយ៉ាវ៉ាឌី-ចៅប្រាយ៉ា-មេគង្គ(ACMECS)លើកទី៩នេះ ទី១. ប្រមុខថ្នាក់ដឹកនាំនៃប្រទេស ACMECS បានធ្វើការអនុម័តទៅលើសេចក្តីថ្លែងការណ៍ក្រុងភ្នំពេញនៃកិច្ចប្រជុំ ACMECSលើកទី៩ ។ ទី២.បញ្ជីគម្រោងអាទិភាពរបស់ ACMECS និង ទី៣.ការអនុម័តទៅលើក្របខ័ណ្ឌសម្រាប់មូលនិធិអភិវឌ្ឍន៍ក្នុងក្របខ័ណ្ឌរបស់ ACMECS ។ នៅក្នុងក្របខ័ណ្ឌនេះដែរព្រះរាជាណាចក្រថៃបានប្រកាសនិងសន្យាផ្ដល់វិភាគទានចំនួន ២០០ លានដុល្លារអាមេរិក ។ សម្ដេចតេជោនាយករដ្ឋមន្ត្រីក៏បានសន្យាថាកម្ពុជានឹងដផ្តល់វិភាគទានចំនួន ៧ លានដុល្លារអាមេរិកសម្រាប់អនុវត្តន៍គម្រោងអាទិភាពនៅក្នុងមូលនិធិនេះ ។
អង្គប្រជុំក៏បានគូសបញ្ជាក់អំពីប្រទេសដៃគូអភិវឌ្ឍន៍របស់ក្របខ័ណ្ឌ ACMECS នៅក្នុងក្រុមទី១មានប្រទេសចិន ជប៉ុន កូរ៉េ ឥណ្ឌានិងសហរដ្ឋអាមេរិក។ចំពោះក្រុមទី២មានប្រទេសអ៊ីស្រាអែលនិងណូវែលសេឡង់ហើយក៏បានបើកទៅអង្គការតំបន់និងអន្តរជាតិផ្សេងៗទៀតផងដែរ ។ អ្វីដែលសំខាន់នៅក្នុងកិច្ចប្រជុំមេដឹកនាំប្រទេសក្របខ័ណ្ឌ ACMECS បានពិគ្រោះយោបល់និងពិភាក្សាអំពីបញ្ហាប្រឈមដោយជំងឺរាតត្បាតកូវីដ១៩និងការឆ្លើយតបក្រោយ ជំងឺកូវីដ១៩ នឹងយ៉ាងណាធ្វើឱ្យសេដ្ឋកិច្ចល្អប្រសើរជាងមុន ។ ប្រមុខរដ្ឋាភិបាល ACMECS ក៏បានផ្លាស់ប្តូរមតិធ្វើយ៉ាងណា បន្តការជំរុញការតភ្ជាប់គម្រោងទាំងឡាយ ទាំងទន់និងរឹងពិសេសការជំរុញដល់ទៅលើសេដ្ឋកិច្ចឌីជីថល រួមទាំងវិស័យអប់រំនៅក្នុងបរិបទនៃបដិវត្តន៍ឧស្សាហកម្ម 4.0 ។ប្រមុខរាជរដ្ឋាភិបាលបន្តជំរុញការអភិវឌ្ឍផែនការមេរបស់ ACMECSនិងការជំរុញកិច្ចសហប្រតិបត្តិការផ្សេងៗទៀតរួមមានពាណិជ្ជកម្មសេដ្ឋកិច្ច វិនិយោគទេសចរ ណ៍ការតភ្ជាប់និងសហគ្រាសធុនតូចនិងមធ្យមផងដែរជាពិសេសគឺការជំរុញកិច្ចសហប្រតិបត្តិការលើវិស័យសុខាភិបាលសាធារណៈ ។ ក្នុងកិច្ចប្រជុំនេះប្រទេសថៃបានស្នើឱ្យមានលេខាធិការដ្ឋានរបស់ ACMECS ហើយថ្នាក់ដឹកនាំ នៃប្រទេស ACMECS បានផ្លាស់ប្តូរយោបល់គ្នា ស្របពេលដែល សម្ដេចតេជោនាយករដ្ឋមន្ត្រី បានគាំទ្រចំពោះការស្នើរបស់នាយករដ្ឋមន្ត្រីថៃ។ ដូច្នេះក្រុមការងារនឹងពិភាក្សាគ្នា ដើម្បីបង្កើតលេខាធិការដ្ឋានប្រទេស ACMEC នៅពេលខាងមុខ ៕
（បកប្រែដោយវិច្ឆិកា）
មតិពីមិត្តអ្នកអាន