វៀតណាមជំរុញខ្លាំងការអភិវឌ្ឍថាមពលកកើតឡើងវិញ

បណ្តាប្រទេសពង្រឹងការអនុវត្តន៍ UNCLOS ១៩៨២ និងច្បាប់អន្តរជាតិក្នុងការឆ្លើយតបនឹងបញ្ហាប្រឈមនៅសមុទ្រ

ទេសចរណ៍ស្ម័គ្រចិត្ត - បទពិសោធន៍ថ្មីនៅ Cao Bang

ទិដ្ឋភាពនៃសិក្ខាសាលា។

វៀតណាមមានសក្ដានុពលវាយោអគ្គិសនី និង វាយោអគ្គិសនីនៅលំហសមុទ្រ ធំធេងណាស់។ នៅលើពិភពលោក បច្ចេកវិទ្យាថាមពលកកើតឡើងវិញកំពុងអភិវឌ្ឍយ៉ាងខ្លាំងក្លា ការចំណាយលើបច្ចេកវិទ្យាកំពុងថយចុះយ៉ាងឆាប់រហ័ស ហើយដំណោះស្រាយបច្ចេកវិទ្យាអំពីការបញ្ជូន និងការផ្ទុកអគ្គិសនីកំពុងមានវឌ្ឍនភាពថ្មី។ នេះគឺជាឱកាសល្អសម្រាប់រដ្ឋាភិបាលវៀតណាមអនុវត្តន៍គោលដៅផ្ទេរប្ដូរថាមពលតាមទិសដៅកំណើនបៃតង។ តំណាងស្ថាប័នគ្រប់គ្រងរដ្ឋបានថ្លែងដូចច្នេះក្នុងសន្និសីទវាយោអគ្គិសនីវៀតណាមឆ្នាំ ២០២២ - Vietnam Wind Power (VWP) ដែលរៀបចំដោយក្រុមប្រឹក្សាថាមពលវាយោសកល (GWEC) នាព្រឹកថ្ងៃទី ១ ខែធ្នូ នៅទីក្រុងហាណូយ។

អញ្ជើញថ្លែងបើកសន្នសីទវាយោអគ្គិសនីវៀតណាមឆ្នាំ ២០២២ អនុប្រធាននាយកដ្ឋានថាមពលអគ្គិសនី និងថាមពលកកើតឡើងវិញ (ក្រសួងឧស្សាហពាណិជ្ជកម្មវៀតណាម) លោក Pham Nguyen Hung បានអះអាងថា នារយៈពេលកន្លងទៅ រដ្ឋាភិបាលវៀតណាមបានចេញផ្សាយដំណោះស្រាយជាច្រើនអំពីគោលនយោបាយ និងយន្តការសំដៅលើកទឹកចិត្តដល់ការអភិវឌ្ឍប្រភពថាមពលកកើតឡើងវិញ។ តាមផែនការ ដល់ឆ្នាំ២០៣០ អនុភាពដំឡើងសរុបពីប្រភពថាមពលកើតឡើងវិញ (លើកលែងវារីអគ្គិសនី) នឹងស្រូបយកប្រមាណ ២៧% នៃអនុភាពអគ្គិសនីសរុបក្នុងប្រព័ន្ធ និងឡើងដល់ប្រមាណ ៥៩% នាឆ្នាំ ២០៥០។ ប្រភពថាមពលកកើតឡើងវិញ ជាពិសេសគឺវាយោអគ្គិសនីនៅដីគោក និង វាយោអគ្គិសនីនៅលំហសមុទ្រនឹងអភិវឌ្ឍន៍យ៉ាងខ្លាំងក្លា ហើយក្លាយទៅជាមូលដ្ឋានគ្រឹះសម្រាប់ធានាសន្តិសុខថាមពលជាតិក្នុងរយៈពេលវែង។

សូមបញ្ជាក់ដែរថា នាបច្ចុប្បន្ន ទ្រង់ទ្រាយនៃប្រព័ន្ធថាមពលរបស់វៀតណាម គឺធំជាងគេនៅតំបន់អាស៊ីអាគ្នេយ៍ ហើយជាប់ចំណាត់ថ្នាក់ទី ២២នៅលើពិភពលោកអំពីអនុភាពដំឡើងផងដែរ៕