និស្សិតកម្ពុជាមានបរិយាកាសសិក្សាល្អនៅប្រទេសវៀតណាម

ផ្តល់អាវផាយដល់និស្សិតឡាវ និងនិស្សិតកម្ពុជាដែលកំពុងសិក្សានៅទីក្រុងហូជីមិញ

គណៈប្រតិភូមន្ត្រី និងនិស្សិតកម្ពុជា អញ្ជើញទៅទស្សនាកេរិ៍្ដដំណែលប្រវត្តិសាស្ត្រនៅខេត្ដ Binh Phuoc

ចាប់តាំងពីឆ្នាំ ២០១៨ មក ដើម្បីពង្រឹងទំនាក់ទំនង “ភាព​ជាអ្នកជិតខាងល្អ មិត្តភាពប្រពៃណី កិច្ចសហប្រតិបត្តិការលើគ្រប់ជ្រុងជ្រោយ និងនិរន្តរភាពយូរអង្វែង” ក្រសួងអប់រំនៃប្រទេសទាំងពីរបានឯកភាពនូវការពង្រឹងកិច្ចសហប្រតិបត្តិការលើវិស័យអប់រំដែលមានខ្លឹមសារជាច្រើនសម្បូរបែប និងជាក់ស្តែង។

យោងតាមក្រសួងអប់រំ និងបណ្តុះបណ្តាល ជាមធ្យម អាហារូបករណ៍ចំនួន ១២០ បានផ្តល់ឱ្យនិស្សិតកម្ពុជាជារៀងរាល់ឆ្នាំ ដោយរដ្ឋាភិបាលវៀតណាម។ បច្ចុប្បន្ននេះ មាននិស្សិតកម្ពុជាប្រមាណ ១០០០នាក់ កំពុងសិក្សានៅសកលវិទ្យាល័យវៀតណាម ដែលប្រមូលផ្តុំនៅរដ្ឋធានី Ha Noi ខេត្ត Thai Binh ទីក្រុង Ho Chi Minh ខេត្ត Can Tho និងខេត្តមួយចំនួនទៀត។

មន្ត្រី និងនិស្សិតកម្ពុជាត្រូវបានបង្កើតលក្ខខណ្ឌអំណោយផលសិក្សា ដើម្បីសិក្សា។ ក្នុងរយៈពេលពីរឆ្នាំនៃការរីករាលដាលដ៏ស្មុគស្មាញនៃ Covid-19 ក្រសួងអប់រំ និងបណ្តុះបណ្តាលវៀតណាមបានសម្របសម្រួលជាមួយមូលដ្ឋាន និងសាកលវិទ្យាល័យនានា ដើម្បីបង្កើតលក្ខខណ្ឌអំណោយសម្រាប់ការទទួល ធ្វើ​ចត្តាឡីស័ក្កប្រកបដោយសុវត្ថិភាពសម្រាប់និស្សិតកម្ពុជា។

លោក MEAS KAYA ថ្នាក់ Q9DA រៀន​នៅវគ្គបណ្តុះបណ្តា សម្រាប់មន្រ្តីនៃក្រសួងមហាផ្ទៃនៃព្រះរាជាណាចក្រកម្ពុជានៃសាកលវិទ្យាល័យសន្តិសុខប្រជាជនបានចែករំលែកអត្ថបទនៅលើគេហទំព័ររបស់សាលាអំពី ប៉ុន្មាន​ថ្ងៃមាន​ការរីករាលដាលនៃជំងឺ រាតត្បាតដែលលោកបាន​ទទួលការយកចិត្តទុកដាក់និង ពោរពេញដោយមនោសញ្ចេតនា នៅប្រទេសវៀតណាម

“យើងជាមន្ត្រីក្រសួងមហាផ្ទៃនៃព្រះរាជាណាចក្រកម្ពុជាដែលកំពុងសិក្សានៅសកលវិទ្យាល័យសន្តិសុខប្រជាជន ហើយមានសំណាង និងសុវត្ថិភាពណាស់ដែលបានរស់នៅក្នុងប្រទេសវៀតណាមនៅពេលនោះ។ ឆ្នាំសិក្សា ២០២០-២០២១ គឺជាពេលវេលាដែលមិនអាចបំភ្លេចបានសម្រាប់យើង ដោយសារជំងឺរាតត្បាត Covid-19 យើងមិនអាចត្រឡប់ទៅផ្ទះដើម្បី​​ឈប់សំរាក​នៅ​បុណ្យ​តេត្ត ឬវិស្សមកាលរដូវក្តៅដូចឆ្នាំមុនៗឡើយ។ វាគឺជាពេលវេលាដ៏ពិសេសនេះ ដែលពួកយើងមានអារម្មណ៍យ៉ាងច្បាស់ចំពោះការយកចិត្តទុកដាក់យ៉ាងខ្លាំងពីសំណាក់ថ្នាក់ដឹកនាំក្រសួងនគរបាល គណៈអធិការសាលា លោកគ្រូ អ្នកគ្រូ និងនិស្សិតនៃសាកលវិទ្យាល័យសន្តិសុខសម្រាប់យើង។ សាលាបានចាប់អារម្មណ៍រៀបចំពិធីបុណ្យចូលឆ្នាំថ្មីវៀតណាម និងពិធីបុណ្យចូលឆ្នាំថ្មីប្រពៃណីខ្មែរសម្រាប់ពួកយើង ដែល​រួមមានសកម្មភាពដ៏មានអត្ថន័យ និងសប្បាយរីករាយជាច្រើន ដែលធ្វើឲ្យយើងកាត់​បន្ថយ​ការនឹ​ក​រលឹក​ផ្ទះនិងគ្រួសារយើង ទន្ទឹម​នឹង​នេះ​ យើងស្រឡាញ់វប្បធម៌វៀតណាម និងប្រជាជនភាគខាងត្បូងកាន់តែច្រើនផងដែរ”។

នៅពេលដែលស្ថានភាពនៃជំងឺរាតត្បាតនៃប្រទេសទាំងពីរ ស្ថិតក្រោមការគ្រប់គ្រង គោលនយោបាយទទួលស្វាគមន៍និស្សិតអន្តរជាតិនៃភាគីទាំងពីរក៏នឹងចាប់ផ្តើមអនុវត្តឡើងវិញផងដែរ។ បច្ចុប្បន្ននេះ សាកលវិទ្យាល័យនានាក្នុងស្រុកទាំងអស់កំពុងបង្កើតលក្ខខណ្ឌអំណោយផលសម្រាប់និស្សិតកម្ពុជាឱ្យមានបរិយាកាសសិក្សាល្អ និងបរិយាកាសវប្បធម៌ និងការរស់នៅដ៏ងាយស្រួល។

សាស្ត្រាចារ្យរង បណ្ឌិត លោក Nguyen Van Hai ប្រធាន​ការិយាល័យ​ទទួល​បន្ទុក​កិច្ចការសិស្សនុសិស្សនៃសាកលវិទ្យាល័យវិទ្យាសាស្ត្រ និងបច្ចេកវិទ្យា Ha Noi បានឲ្យដឹងថា៖ ក្រៅពីកម្មវិធីសិក្សាទូទៅ សាលាក៏ចំណាយពេលវេលាបណ្តុះបណ្តាលបន្ថែមចំណេះដឹងដល់និស្សិតអន្តរជាតិផងដែរ។

មហាវិទ្យាល័យវិទ្យាសាស្ត្រសង្គម និងមនុស្សសាស្ត្រ នៃសាកលវិទ្យាល័យជាតិ ទីក្រុង Ha Noi ក៏មានគោលនយោបាយគាំទ្រ និងការយកចិត្តទុកដាក់ដល់និស្សិតអន្តរជាតិផងដែរ។

“ក្នុងអំឡុងពេលជំងឺរាតត្បាតនេះ សហភាពសហព័ន្ធយុវជន និងសមាគមនិស្សិតនៃមហាវិទ្យាល័យតែងតែយកចិត្តទុកដាក់ចំពោះសិស្សានុសិស្សដែលស្នាក់នៅតាមផ្ទះសំណាក់ និងអន្តេវាសិកដ្ឋានរបស់សាលា។ចំពោះនិស្សិតអន្តរជាតិ ដែលពួកគេយកចិត្តទុកដាក់កាន់តែខ្លាំង។ ជារៀងរាល់ឆ្នាំ ថ្នាក់ដឹកនាំរបស់សាលា ក៏ដូចជា សហភាពសហព័ន្ធយុវជនចាប់អារម្មណ៍នឹងរៀបចំសកម្មភាពចុះសួរសុខទុក្ខ និងជួបសំណេះសំណាល ក្នុងឱកាសបុណ្យតេតប្រពៃណីរបស់និស្សិតអន្តរជាតិ។” លោកបណ្ឌិត Tran Bach Hieu លេខាធិការសហភាពសហព័ន្ធនៃមហាវិទ្យាល័យវិទ្យាសាស្ត្រសង្គម និងព័ត៌មានមនុស្សសាស្ត្រ។

និស្សិតឡាវ និងកម្ពុជានៅតែខិតខំប្រឹងប្រែងសិក្សានៅសាកលវិទ្យាល័យវេជ្ជសាស្ត្រ Pham Ngoc Thach ដើម្បីក្លាយជា "វេជ្ជបណ្ឌិត-បុគ្គលិកពេទ្យមិត្តភាព"។ (រូបថត៖ Thy Tho)

បច្ចុប្បន្ន ​និស្សិត​កម្ពុជា​ក៏​ផ្តល់អាហារូបករណ៍ទៅសិក្សាមុខវិជ្ជាពិបាកៗនៅប្រទេសវៀតណាម រួមទាំងឧស្សហកម្មវេជ្ជសាស្ត្រ និងឱសថ។ សាស្ត្រាចារ្យរង បណ្ឌិត វេជ្ជសាស្ត្រ លោក Nguyen Thanh Hiep - ចាងហ្វាងរងនៃ សាកលវិទ្យាល័យវេជ្ជសាស្ត្រ Pham Ngoc Thach បានអះអាងថា៖ ឧស្សាហកម្មវេជ្ជសាស្ត្រគឺជាបរិយាកាសសម្រាប់វេជ្ជបណ្ឌិតអនាគត ដើម្បីរៀនសូត្រពីបទពិសោធន៍អំពីការថែទាំសុខភាពរបស់គ្នាទៅវិញទៅមក និងអភិវឌ្ឍមិត្តភាពរវាងប្រទេសទាំងពីរ។ សាលានឹងជួយសិស្សកម្ពុជាដែលមានបំណិនក្នុង​ដំណើរការសិក្សានៅសាលា និងជួយនៅពេលពួកគេជួបការលំបាក៕

ឌីណា

thoidai.com.vn