ខេត្ត Binh Phuoc សហការជាមួយ Becamex IDC រៀបចំសន្និសីទអនឡាញស្តីពីការជំរុញការវិនិយោគជាមួយប្រទេសចិន

ខេត្ត Binh Phuoc បើកទ្វារឡើងវិញសម្រាប់វិស័យទេសចរ ក្រោមក្របខ័ណ្ឌធម្មតាតាមបែបថ្មី។

គណៈប្រតិភូមន្ត្រី និងនិស្សិតកម្ពុជា អញ្ជើញទៅទស្សនាកេរិ៍្ដដំណែលប្រវត្តិសាស្ត្រនៅខេត្ដ Binh Phuoc

ថ្លែងមតិក្នុងពិធីបើក លោក Tran Van Mi - អនុប្រធានគណៈកម្មាធិការប្រជាជនខេត្ត Binh Phuoc បានឲ្យដឹងថា៖ Binh Phuoc ជានិច្ចកាលបង្កើតលក្ខខណ្ឌអំណោយផលទាំងអស់សម្រាប់ធុរកិច្ចបរទេសក្នុងការវិនិយោគ រក្សា និងអភិវឌ្ឍន៍ប្រតិបត្តិការអាជីវកម្មផលិតកម្ម។ ប៉ុន្មានឆ្នាំមកនេះ Binh Phuoc បានក្លាយជាគោលដៅគួរឱ្យទុកចិត្ត និងទាក់ទាញសម្រាប់វិនិយោគិនបរទេស រួមទាំងធុរកិច្ចចិនផងដែរ។

មកទល់នឹងពេលនេះ ខេត្តបានទាក់ទាញគម្រោងវិនិយោគបរទេសចំនួន ៣៤៧ ដែលមានទុនវិនិយោគសរុបចំនួន ៣,៣ ពាន់លានដុល្លារអាមេរិក ក្នុងនោះមានគម្រោងវិនិយោគចិនចំនួន ១០២ ដែលមានទុនវិនិយោគចំនួន ៥១០ លានដុល្លារអាមេរិក ស្មើនឹង ១៥,៥% នៃទុនវិនិយោគផ្ទាល់ពីបរទេសសរុបរបស់ខេត្ត។ វិស័យវិនិយោគគឺការផលិតស្បែកជើង គ្រឿងសង្ហារឹម វាយនភណ្ឌ ការផលិតគ្រឿងបន្លាស់អេឡិចត្រូនិច គ្រឿងផ្លាស្ទិច កែច្នៃផលិតផលកសិកម្ម...

ក្នុងសន្និសីទនេះ តំណាងសាជីវកម្ម Becamex IDC បានបង្ហាញអំពីសក្ដានុពល និងកាលានុវត្តភាពវិនិយោគបរទេសនៅ Binh Phuoc និង Becamex - Binh Phuoc Industrial Park សន្និសីទបានចំណាយពេលសម្រាប់ភាគីទាំងពីរផ្លាស់ប្តូរ និងពិភាក្សា។ បញ្ហាជាច្រើនត្រូវបានពិភាក្សា និងលើកឡើងដូចជា៖ ស្ថានភាពប្រតិបត្តិការរបស់សហគ្រាសបរទេសក្នុងខេត្ត; គោលនយោបាយរបស់ Binh Phuoc លើការសាងសង់ឃ្លាំង ការលើកទឹកចិត្តពន្ធ នីតិវិធីនៃការស្នើសុំអាជ្ញាប័ណ្ណវិនិយោគថ្មី; បញ្ហាប្រព័ន្ធហេដ្ឋារចនាសម្ព័ន្ធចរាចរណ៍តភ្ជាប់ពីទីក្រុង Binh Phuoc ទៅទីក្រុងហូជីមិញ។ ... ធុរកិច្ចចិនចាប់អារម្មណ៍លើគោលនយោបាយរបស់ខេត្តក្នុងការទាក់ទាញការវិនិយោគ វិស័យ និងឧស្សាហកម្មដែលទាក់ទាញការវិនិយោគ ការបណ្តុះបណ្តាលកម្មករ និងប្រាក់ឈ្នួលរបស់កម្មករ។

ហេង វុធ្ធី