វៀតណាម និងអូទ្រីស ជំរុញកិច្ចសហប្រតិបត្តិការលើការបណ្តុះបណ្តាលកងកម្លាំងរក្សាសន្តិភាពអង្គការសហប្រជាជាតិ

ឯកអគ្គរដ្ឋទូតវៀតណាមប្រចាំសាធារណរដ្ឋអូទ្រីស លោក Vu Le Thai Hoang បានមានជំនួបពិភាក្សាការងារជាមួយលោក Tobias Lang នាយកមជ្ឈមណ្ឌលសន្តិភាពអូទ្រីស។

ថ្ងៃទី ២២ ខែមេសា នៅរដ្ឋធានីវីយែន ប្រទេសអូទ្រីស ឯកអគ្គរដ្ឋទូតវៀតណាមប្រចាំសាធារណរដ្ឋអូទ្រីស លោក Vu Le Thai Hoang បានមានជំនួបពិភាក្សាការងារជាមួយលោក Tobias Lang នាយកមជ្ឈមណ្ឌលសន្តិភាពអូទ្រីស ក្នុងគោលបំណងពង្រឹងកិច្ចសហប្រតិបត្តិការវៀតណាម - អូទ្រីស លើវិស័យបណ្តុះបណ្តាល និងលើកកម្ពស់សមត្ថភាពសម្រាប់កងកម្លាំងដែលចូលរួមក្នុងសកម្មភាពរក្សាសន្តិភាពរបស់អង្គការសហប្រជាជាតិ។

នៅក្នុងជំនួបនោះ ឯកអគ្គរដ្ឋទូត Vu Le Thai Hoang បានសង្កត់ធ្ងន់ថា វៀតណាមផ្តល់សារៈសំខាន់ដល់កិច្ចសហប្រតិបត្តិការអន្តរជាតិជារួម និងជាមួយប្រទេសអូទ្រីសដោយឡែក ក្នុងការបណ្តុះបណ្តាល ហ្វឹកហ្វឺន និងលើកកម្ពស់សមត្ថភាពសម្រាប់កងកម្លាំងរក្សាសន្តិភាព ជាពិសេសលើផ្នែកភាសាបរទេស ជំនាញ ចំណេះដឹងឯកទេសរក្សាសន្តិភាព ចំណេះដឹងវប្បធម៌ ច្បាប់អន្តរជាតិ និងការអនុវត្តបច្ចេកវិទ្យា ដើម្បីឆ្លើយតបតាមស្តង់ដារបស់អង្គការសហប្រជាជាតិ។

ជាភាគីម្ខាងទៀត លោក Tobias Lang បានបង្ហាញពីការត្រៀមខ្លួនជាស្រេចក្នុងការសហការ និងគាំទ្រវៀតណាមក្នុងការរៀបចំនូវវគ្គបណ្តុះបណ្តាល និងហ្វឹកហ្វឺនតាមតម្រូវការ (ឧទាហរណ៍៖ ជំនាញរស់រានមានជីវិត ការបន្សាំទៅនឹងការប្រែប្រួលអាកាសធាតុ ការលើកកម្ពស់ជំនាញសម្រាប់នាយទាហានជានារី ការអនុវត្តបច្ចេកវិទ្យាក្នុងសកម្មភាពរក្សាសន្តិភាព...) ការរៀបចំនូវវគ្គសិក្សា និងសិក្ខាសាលាស្តីពីការធ្វើមជ្ឈត្តកម្ម និងការសម្របសម្រួលក្នុងជម្លោះអន្តរជាតិ... នាយកមជ្ឈមណ្ឌលសន្តិភាពអូទ្រីស លោក Tobias Lang មានជំនឿយ៉ាងមុតមាំថា កិច្ចសហប្រតិបត្តិការរវាងប្រទេសទាំងពីរក្នុងវិស័យរក្សាសន្តិភាពអង្គការសហប្រជាជាតិ មានសក្តានុពលយ៉ាងខ្លាំង និងចាំបាច់ត្រូវជំរុញឱ្យមានលក្ខណៈជាក់ស្តែង ដែលតាមរយៈនោះនឹងរួមចំណែកយ៉ាងសកម្មដល់សន្តិភាព ស្ថិរភាព និងការអភិវឌ្ឍប្រកបដោយចីរភាពរួមរបស់ពិភពលោក៕

លើកកំពស់ការផ្លាស់ប្តូរប្រជាជនរវាងវៀតណាម និងអូទ្រីស តាមរយៈតន្ត្រីប្រជាប្រិយ យុគសម័យ - នាថ្ងៃទី ១៥ ឧសភា នៅទីក្រុងហាណូយ សមាគមមិត្តភាពវៀតណាម - អូទ្រីសបានសម្របសម្រួលជាមួយសាលាបណ្ឌិតសភាតន្ត្រីជាតិវៀតណាមរៀបចំការប្រគុំតន្ត្រីផ្លាស់ប្តូរមួយក្រោមចំណងជើងថា “May Melody”។ កម្មវិធីនេះបានទាក់ទាញការចូលរួមពីប្រតិភូជិត ៥០០ នាក់ដែលស្រឡាញ់តន្ត្រី និងចង់ស្វែងយល់អំពីវប្បធម៌ប្រជាប្រិយរបស់អូទ្រីស។

សមាគមមិត្តភាពវៀតណាម-អូទ្រីស បើកដំណើរការគេហទំព័រជា ៣ភាសា យុគសម័យ - នាថ្ងៃទី ៣០ មករា នៅទីក្រុងហាណូយ សន្និសីទបូកសរុបការងារឆ្នាំ ២០២៣ និងទិសដៅសកម្មភាពឆ្នាំ ២០២៤ របស់សមាគមមិត្តភាពវៀតណាម - អូទ្រីស (សមាគម) បានប្រព្រឹត្តទៅ។ នៅទីនេះ សមាគមបានបើកដំណើរការគេហទំព័រ vafa-org.vn ដើម្បីផ្សព្វផ្សាយព័ត៌មានអំពីសកម្មភាពរបស់សមាគមនាពេលខាងមុខ។

ឌឹកអាញ់