ឯកអគ្គរដ្ឋទូតបរទេសនានាបានជឿជាក់ថា បក្សកុម្មុយនិស្តនឹងភាពជាអ្នកដឹកនាំរបស់វៀតណាមទទួលបាននូវសមិទ្ធិផលផ្នែកសេដ្ឋកិច្ចដ៏អច្ចារ្យ

ឯកអគ្គរដ្ឋទូតកាហ្សាក់ស្ថាន Baizhanov បានថ្លែងសុន្ទរកថាអំពីប្រទេសវៀតណាម

ឯកអគ្គរដ្ឋទូតវិសាមញ្ញានិងពេញសមត្ថភាពនៃប្រទេសជាច្រើនប្រចាំវៀតណាមបានបង្ហាញនូវការយកចិត្តទុកដាក់ខ្ពស់ដល់មហាសន្និបាតលើកទី១៣របស់បក្សកុម្មុយនិស្តវៀតណាមនាពេលកន្លងមក ព្រមទាំងវាយតម្លៃខ្ពស់ចំពោះតួនាទីរបស់បក្សចំពោះប្រជាជាតិវៀតណាមផងដែរ។ ឯកអគ្គរដ្ឋទូតអាហ្សេបៃហ្សង់ប្រចាំវៀតណាមលោក Anar Imanov ជឿជាក់ថា ការសម្រេចចិត្តទាំងអស់នៅមហាសន្និបាតលើកទី១៣របស់បក្សកុម្មុយនិស្តវៀតណាម នឹងពង្រឹងនិងពង្រីករាល់ជោគជ័យរបស់វៀតណាមលើគ្រប់វិស័យ។ ដោយមានការខិតខំប្រឹងប្រែងរបស់បក្ស ការកែទម្រង់និងការធ្វើពលកម្មដោយឧស្សាហ៍ព្យាយាមរបស់ប្រជាជនវៀតណាមនោះ គឺដល់ពាក់កណ្ដាលសតវត្សរ៍ទី២១ វៀតណាមនឹងសម្រេចបានគោលដៅរបស់ខ្លួនហើយក្លាយទៅជាប្រទេសអភិវឌ្ឍមួយ។

លោកបានបញ្ជាក់ថា «ខ្ញុំសូមអបអរសាទរដល់បក្សកុម្មុយនីស្តវៀតណាមនិងប្រជាជនវៀតណាមចំពោះការរៀបចំប្រកបដោយជោគជ័យនៃមហាសន្និបាតលើកទី១៣របស់បក្សកុម្មុយនីស្ស។ ខ្ញុំឃ្លាំមើលនិងចាប់អារម្មណ៍យ៉ាងខ្លាំងចំពោះសមាជនេះ។ ខ្ញុំមើលឃើញថាការរៀបចំនិងការរៀបចំព្រឹត្តិការណ៍នយោបាយដ៏អស្ចារ្យនេះបានឈានដល់កំរិតមួយខ្ពស់។ ខ្ញុំជឿជាក់ថារាល់សេចក្តីសម្រេចចិត្តក្នុងមហាសន្និបាតលើកទី១៣ បក្សកុម្មុយនីស្តវៀតណាម នឹងពង្រឹងនិងពង្រីកជោគជ័យរបស់វៀតណាមលើគ្រប់វិស័យ។ ជាមួយនឹងការខិតខំប្រឹងប្រែងរបស់បក្សការធ្វើកំណែទម្រង់និងការខិតខំរបស់ប្រជាជនវៀតណាមនៅពាក់កណ្តាលសតវត្សរ៍ទី ២១ វៀតណាមនឹងសម្រេចបានគោលដៅសំខាន់របស់ខ្លួននិងក្លាយជាប្រទេសអភិវឌ្ឍន៍»។

ចំណែកឯ ឯកអគ្គរដ្ឋទូតអាមេនី លោក Vahram Kozhoyan បានចាត់ទុកថា ការសម្រេចចិត្តដ៏សំខាន់ៗនៅមហាសន្និបាតទូទាំងប្រទេសលើកទី១៣នឹងជំរុញវៀតណាមបោះជំហានទៅមុខយ៉ាងរឹងមាំក្នុងដំណាក់កាល២០២១-២០២៥ ហើយធានាការអភិវឌ្ឍរបស់ប្រទេសជាតិរហូតដល់ឆ្នាំ២០៤៥និងឆ្ងាយជាងទៀត។

ក្នុងពេលជាមួយគ្នានោះ ឯកអគ្គរដ្ឋទូតកាហ្សាក់ស្ថាន លោក Yerlan Baizhanov បានវាយតម្លៃថា ជោគជ័យនៃមហាសន្និបាតតំណាងទូទាំងប្រទេសលើកទី១៣របស់បក្សកុម្មុយនិស្តវៀតណាម បានដាក់ចេញការបោះជំហានថ្មីៗក្នុងគោលមាគ៌ាផ្លាស់ប្ដូរថ្មី។ នេះមិនត្រឹមតែជាការបោះជំហានដែលត្រូវបានគិតគូរយ៉ាងហ្មត់ចត់ប៉ុណ្ណោះទេ ថែមទាំងជាផែនការគួរឲ្យចាប់អារម្មណ៍សំដៅនាំវៀតណាមក្លាយទៅជាប្រទេសសម្បូររុងរឿងមួយ ដោយមានសេដ្ឋកិច្ចបើកចំហ ជឿនលឿន និងមានលក្ខណៈសកលទៀតផង។ លោកឯកអគ្គរដ្ឋទូត Baizhanov ចាត់ទុកថា វៀតណាមបានយកឈ្នះលើជម្ងឺរាតត្បាត Covid-19 ក្នុងឆ្នាំ២០២០ ហើយនឹងឆ្លើយតបប្រកបដោយប្រសិទ្ធភាពជាថ្មីម្ដងទៀត នឹងការផ្ទុះឡើងនាពេលចុងក្រោយនេះនៃជម្ងឺរាតត្បាត៕

（ប្រភពព័ត៌មាន: VOV）