វៀតណាមមានបំណងចង់ជំរុញយ៉ាងខ្លាំងក្លាទំនាក់ទំនងជាមួយបណ្ដាអង្គការអន្តរជាតិ

08:50 | 09/02/2021

នារសៀលថ្ងៃទី៨ កុម្ភៈ នៅទីក្រុងហាណូយ នាយករដ្ឋមន្ត្រីវៀតណាម លោក Nguyen Xuan Phuc បានអញ្ជើញទទួលជួបជាមួយបណ្ដាឯកអគ្គរដ្ឋទូតនិងប្រធានតំណាងនៃស្ថាប័ននានារបស់អង្គការសហប្រជាជាតិប្រចាំនៅវៀតណាម ដឹកនាំដោយលោក Kamal Malhotra អ្នកសម្របសម្រួលអង្គការសហប្រជាជាតិប្រចាំនៅវៀតណាម។

លោកនាយករដ្ឋមន្រ្តី Nguyen Xuan Phuc អញ្ជើញទទួលជួបជាមួយបណ្ដាឯកអគ្គរដ្ឋទូតនិងប្រធានតំណាងនៃស្ថាប័ននានារបស់អង្គការសហប្រជាជាតិប្រចាំវៀតណាម។ (រូបថត៖ VGP)

តាងនាមស្ថាប័ននានារបស់អង្គការសហប្រជាជាតិប្រចាំនៅវៀតណាម លោក Kamal Malhotra បានអបអរសាទរវៀតណាមដោយបានរៀបចំប្រកបដោយជោគជ័យនូវមហាសន្និបាតទូទាំងប្រទេសលើកទី១៣របស់បក្ស។ លោកបានបញ្ជាក់ថា អ.ស.បតែងតែផ្ដល់អាទិភាពដល់ការបង្កើនកិច្ចសហប្រតិបត្តិការជាមួយវៀតណាម ជាពិសេសគឺជួយឧបត្ថម្ភវៀតណាមក្នុងបញ្ហាវ៉ាក់សាំង Covid-19 សំដៅការពារសុខភាពរបស់ប្រជាជន។

លោក Kidong Park ប្រធានតំណាង WHO ប្រចាំនៅវៀតណាមបានសម្ដែងនូវការប្ដេជ្ញាចិត្តរួមដំណើរជាមួយវៀតណាមឆ្ពោះទៅរកការអភិវឌ្ឍយ៉ាងខ្លាំងក្លានៅពេលអនាគត ហើយសន្យាថា WHO នឹងបន្តសហប្រតិបត្តិការជាមួយវៀតណាមក្នុងយន្តការទាំងទ្វេភាគីនិងពហុភាគីនានាផងដែរ។

ជាការឆ្លើយតប លោកនាយករដ្ឋមន្រ្តី Nguyen Xuan Phuc បានវាយតម្លៃខ្ពស់ចំពោះការខិតខំប្រឹងប្រែងរបស់បណ្ដាឯកអគ្គរដ្ឋទូតនិងប្រធានតំណាង ក្នុងការជំរុញទំនាក់ទំនងជាមួយវៀតណាមដើម្បីសម្រេចបានលទ្ធផលជាក់ស្ដែងជាច្រើននាពេលកន្លងមក។ លោកនាយករដ្ឋមន្រ្តីបានថ្លែងអំណរគុណចំពោះកិច្ចសហប្រតិបត្តិការរបស់សហគមន៍អន្តរជាតិដោយបានជួយវៀតណាមបង្ការទប់ស្កាត់ការឆ្លងរាលដាលនៃជម្ងឺ Covid-19 ព្រមទាំងថ្លែងអំណរគុណដល់អង្គការសហប្រជាជាតិ អង្គការ WHO និងដៃគូអន្តរជាតិផ្សេងៗទៀតដែលចូលរួមកម្មវិធី COVAX ដោយបានផ្តល់ជំនួយជាវ៉ាក់សាំងជូនចំពោះ២០%នៃចំនួនប្រជាជនវៀតណាមផងដែរ។

លោកនាយករដ្ឋមន្រ្តី Nguyen Xuan Phuc បានអះអាងថា វៀតណាមតែងតែមានបំណងចង់ជំរុញយ៉ាងខ្លាំងក្លាទំនាក់ទំនងជាមួយអង្គការអន្តរជាតិនិងដៃគូសំខាន់នានាលើពិភពលោក៕

（ប្រភពព័ត៌មាន: vovworld.vn）

Tags: ជំរុញ ទំនាក់ទំនង អង្គការ អន្តរជាតិ

មតិពីមិត្តអ្នកអាន

ព័ត៌មានថ្មីៗ

VJCE ជម្រុញការផ្លាស់ប្តូរប្រជាជនវៀតណាម - ជប៉ុន

យុគសម័យ - ថ្ងៃទី ១៨ ខែកក្កដា មជ្ឈមណ្ឌលជម្រុញកិច្ចសហប្រតិបត្តិការវប្បធម៌ អប់រំវៀតណាម - ជប៉ុន VJCE បានចេញមុខជាផ្លូវការនូវការិយាល័យតំណាងនៅឯរាជធានី Hanoi បើកចេញនូវដំណាក់កាលថ្មីនៅក្នុងសកម្មភាពតភ្ជាប់ការអប់រំ វប្បធម៌ព្រមទាំងការផ្លាស់ប្តូរប្រជាជនរវាងវៀតណាមនិងជប៉ុន។

ជម្រុញកិច្ចសហប្រតិបត្តិការសេដ្ឋកិច្ចវៀតណាម - ប៉ារ៉ាហ្គាយ

យុគសម័យ - ជាមួយនិងទំហំពាណិជ្ជកម្មទ្វេភាគីសម្រេចបានប្រមាណ ៩៣ លានដុល្លារអាមេរិកនៅក្នុងឆ្នាំ ២០២៥ វៀតណាមព្រមទាំងប៉ារ៉ាហ្គាយកំពុងឈរនៅចំពោះមុខកាលានុវត្តភាពជាច្រើនក្នុងការពង្រីកកិច្ចសហប្រតិបត្តិការនៅក្នុងបណ្តាវិស័យពាណិជ្ជកម្ម ការវិនិយោគព្រមទាំងកសិកម្ម។ ការបំពេញបន្ថែមឱ្យគ្នាទៅវិញទៅមករវាងខឿនសេដ្ឋកិច្ចទាំងពីររួមជាមួយនិងបណ្តាការខិតខំប្រឹងប្រែងជម្រុញការតភ្ជាប់សហគ្រាសត្រូវបានរំពឹងថានឹងបង្កើតជាកម្លាំងចលករនាំយកទំនាក់ទំនងសេដ្ឋកិច្ចទ្វេភាគីអភិវឌ្ឍន៍យ៉ាងខ្លាំងក្លាថែមទៀតនាពេលខាងមុខ។

ខេត្ត Hung Yen ជម្រុញការវិនិយោគព្រមទាំងពាណិជ្ជកម្មនៅឯកូរ៉េខាងត្បូង

យុគសម័យ - ថ្មីៗនេះ នៅឯរាជធានី Seoul គណៈកម្មាធិការប្រជាជនខេត្ត Hung Yen សម្របសម្រួលជាមួយនិងនាយកដ្ឋានជម្រុញពាណិជ្ជកម្មនៃក្រសួងឧស្សាហកម្មនិងពាណិជ្ជកម្មវៀតណាម ស្ថានទូតវៀតណាមប្រចាំនៅកូរ៉េខាងត្បូង ទីភ្នាក់ងារជម្រុញពាណិជ្ជកម្មព្រមទាំងការវិនិយោគកូរ៉េខាងត្បូង KOTRA ចាត់តាំងសន្និបាតជម្រុញការវិនិយោគព្រមទាំងពាណិជ្ជកម្មខេត្ត Hung Yen។

វៀតណាម - ម៉ូរីតានីជម្រុញកិច្ចសហប្រតិបត្តិការកសិកម្ម ទូរគមនាគមន៍ព្រមទាំងការធ្វើអាជីវកម្មរ៉ែ

យុគសម័យ - ថ្ងៃទី ១៦ ខែកក្កដា នៅឯរាជធានី Hanoi រដ្ឋមន្ត្រីការបរទេស លោក Le Hoai Trung ព្រមទាំងជារដ្ឋមន្ត្រីនិងជាអគ្គលេខាធិការរដ្ឋាភិបាលម៉ូរីតានី លោក Moctar Al Housseynou Lam បានផ្លាស់ប្តូរមតិអំពីបណ្តាវិធានការជម្រុញទំនាក់ទំនងទ្វេភាគី នៅក្នុងនោះយកចិត្តទុកដាក់លើការទាញយកសក្តានុពលសហប្រតិបត្តិការនៅក្នុងបណ្តាវិស័យកសិកម្ម ទូរគមនាគមន៍ ការធ្វើអាជីវកម្មរ៉ែព្រមទាំងវិស័យមួយចំនួនដែលភាគីទាំងពីរមានប្រៀបខ្លាំង។

វៀតណាម - ក្រិកជម្រុញទំនាក់ទំនងសហប្រតិបត្តិការជាក់ស្តែងព្រមទាំងមានប្រសិទ្ធភាព

យុគសម័យ - ជានារសៀលថ្ងៃទី ១៧ ខែកក្កដា នៅឯទីស្តីការក្រសួងការបរទេស សមាជិកការិយាល័យនយោបាយព្រមទាំងជាការបរទេស លោក Le Hoai Trung បានជួបចរចាជាមួយនិងរដ្ឋមន្ត្រីការបរទេសនៃសាធារណរដ្ឋក្រិក លោក George Gerapetritis ដែលកំពុងបំពេញទស្សនកិច្ចផ្លូវការនៅវៀតណាម។ ភាគីទាំងពីរបានផ្លាស់ប្តូរមតិអំពីបណ្តាវិធានការក្នុងគោលបំណងនាំឱ្យទំនាក់ទំនងមិត្តភាពព្រមទាំងសហប្រតិបត្តិការវៀតណាម - ក្រិកកាន់តែអភិវឌ្ឍន៍ជាក់ស្តែងព្រមទាំងមានប្រសិទ្ធភាពពីមួយថ្ងៃទៅមួយថ្ងៃ។