ទាញយកប្រយោជន៍ពីសក្តានុពលនៃកិច្ចសហប្រតិបត្តិការរវាងវៀតណាមនិងទីម័រខាងកើត

14:18 | 13/01/2021 （បកប្រែដោយ ហេង វុធ្ធី）

យុគសម័យ - នារសៀលថ្ងៃទី ១២ ខែមករា នៅទីស្នាក់ការក្រសួងការបរទេសឧបនាយករដ្ឋមន្រ្តីរដ្ឋមន្រ្តីក្រសួងការបរទេសលោក Pham Binh Minh បានជួបពិភាក្សាតាមប្រព័ន្ធអ៊ីនធឺណេតជាមួយរដ្ឋមន្រ្តីក្រសួងការបរទេសនិងសហប្រតិបត្តិការទីម័រខាងកើតលោក Adaljiza Albertina Xavier Reis Magno ។

ឧបនាយករដ្ឋមន្រ្តីរដ្ឋមន្រ្តីក្រសួងការបរទេសលោក Pham Binh Minh

នារសៀលថ្ងៃទី ១២ ខែមករា នៅទីស្នាក់ការក្រសួងការបរទេស ឧបនាយករដ្ឋមន្រ្តី រដ្ឋមន្រ្តីការបរទេសលោក Pham Binh Minh បានធ្វើកិច្ចសន្ទនាតាមប្រព័ន្ធវីដេអូជាមួយរដ្ឋមន្រ្តីការបរទេស និងសហប្រតិបត្តិការទីម័រខាងកើត លោកស្រី Adaljiza Albertina Xavier Reis Magno ។ នៅក្នុងកិច្ចសន្ទនានេះ ឧបនាយករដ្ឋមន្រ្តីរដ្ឋមន្រ្តី លោក Pham Binh Minh បានអះអាងថា វៀតណាមបានត្រៀមខ្លួនជាស្រេចជួយឧបត្ថម្ភ និងសហប្រតិបត្តិការយ៉ាងសកម្មលើគ្រប់វិស័យ ដែលទីម័រខាងកើតមានតម្រូវការ ដូចជាកសិកម្ម ជលផល ប្រេងឧស្ម័ន។

លោក Pham Binh Minh បានសង្កត់ធ្ងន់ថា ប្រទេសទាំងពីរចាំបាច់ត្រូវបង្កើតនិងអនុវត្តយន្តការនិងវិធានការណ៍ជាក់លាក់សំដៅទាញយកសក្តានុពលនៃកិច្ចសហប្រតិបត្តិការដ៏ធំធេងប្រកបដោយប្រសិទ្ធភាពរវាងប្រទេសទាំងពីរ។ លោកឧបនាយករដ្ឋមន្រ្តី រដ្ឋមន្ត្រីការបរទេសបានស្នើឲ្យទីម័រខាងកើតផ្តល់សច្ចាប័នលើកិច្ចព្រមព្រៀងពាណិជ្ជកម្មទ្វេភាគីដែលបាន ចុះហត្ថលេខាក្នុងឆ្នាំ ២០១៣ ចុះហត្ថលេខាលើកិច្ចព្រមព្រៀងស្តីពីការគាំពារវិនិយោគទ្វេភាគី និងកិច្ចព្រមព្រៀងទ្វេភាគិស្ដីពីការលើកលែងទិដ្ឋាការសម្រាប់អ្នកកាន់លិខិតឆ្លងដែនការទូត។ រដ្ឋមន្រ្តីទាំងពីររូបបានឯកភាពគ្នាថា ចាំបាច់ត្រូវពង្រឹងតួនាទីជាស្ពានតភ្ជាប់របស់ក្រសួងការបរទេសទាំងពីរ ក្នុងការជំរុញកិច្ចសហប្រតិបត្តិការលើគ្រប់វិស័យ ក្នុងនោះមានការជំរុញការផ្លាស់ប្ដូរ និងជួបប្រាស្រ័យជាន់ខ្ពស់ និងគ្រប់ជាន់ថ្នាក់ ក៏ដូចជាអនុវត្តន៍យន្តការគណៈកម្មាធិការចម្រុះសហប្រតិបត្តិការទ្វេភាគីយ៉ាងឆាប់ៗ ដើម្បីបង្កើតក្របខ័ណ្ឌជំរុញកិច្ចសហប្រតិបត្តិការលើគ្រប់វិស័យដែលភាគីទាំងពីរមានសក្ដានុពល និងតម្រូវការផងដែរ៕

（បកប្រែដោយ ហេង វុធ្ធី）

（ប្រភពព័ត៌មាន: baotintuc.vn）

（បកប្រែដោយ ហេង វុធ្ធី）

Tags: ទាញយក ប្រយោជន៍ សក្តានុពល កិច្ចសហប្រតិបត្តិការ វៀតណាម ទីម័រខាងកើត

មតិពីមិត្តអ្នកអាន

ព័ត៌មានថ្មីៗ

VJCE ជម្រុញការផ្លាស់ប្តូរប្រជាជនវៀតណាម - ជប៉ុន

យុគសម័យ - ថ្ងៃទី ១៨ ខែកក្កដា មជ្ឈមណ្ឌលជម្រុញកិច្ចសហប្រតិបត្តិការវប្បធម៌ អប់រំវៀតណាម - ជប៉ុន VJCE បានចេញមុខជាផ្លូវការនូវការិយាល័យតំណាងនៅឯរាជធានី Hanoi បើកចេញនូវដំណាក់កាលថ្មីនៅក្នុងសកម្មភាពតភ្ជាប់ការអប់រំ វប្បធម៌ព្រមទាំងការផ្លាស់ប្តូរប្រជាជនរវាងវៀតណាមនិងជប៉ុន។

ជម្រុញកិច្ចសហប្រតិបត្តិការសេដ្ឋកិច្ចវៀតណាម - ប៉ារ៉ាហ្គាយ

យុគសម័យ - ជាមួយនិងទំហំពាណិជ្ជកម្មទ្វេភាគីសម្រេចបានប្រមាណ ៩៣ លានដុល្លារអាមេរិកនៅក្នុងឆ្នាំ ២០២៥ វៀតណាមព្រមទាំងប៉ារ៉ាហ្គាយកំពុងឈរនៅចំពោះមុខកាលានុវត្តភាពជាច្រើនក្នុងការពង្រីកកិច្ចសហប្រតិបត្តិការនៅក្នុងបណ្តាវិស័យពាណិជ្ជកម្ម ការវិនិយោគព្រមទាំងកសិកម្ម។ ការបំពេញបន្ថែមឱ្យគ្នាទៅវិញទៅមករវាងខឿនសេដ្ឋកិច្ចទាំងពីររួមជាមួយនិងបណ្តាការខិតខំប្រឹងប្រែងជម្រុញការតភ្ជាប់សហគ្រាសត្រូវបានរំពឹងថានឹងបង្កើតជាកម្លាំងចលករនាំយកទំនាក់ទំនងសេដ្ឋកិច្ចទ្វេភាគីអភិវឌ្ឍន៍យ៉ាងខ្លាំងក្លាថែមទៀតនាពេលខាងមុខ។

ខេត្ត Hung Yen ជម្រុញការវិនិយោគព្រមទាំងពាណិជ្ជកម្មនៅឯកូរ៉េខាងត្បូង

យុគសម័យ - ថ្មីៗនេះ នៅឯរាជធានី Seoul គណៈកម្មាធិការប្រជាជនខេត្ត Hung Yen សម្របសម្រួលជាមួយនិងនាយកដ្ឋានជម្រុញពាណិជ្ជកម្មនៃក្រសួងឧស្សាហកម្មនិងពាណិជ្ជកម្មវៀតណាម ស្ថានទូតវៀតណាមប្រចាំនៅកូរ៉េខាងត្បូង ទីភ្នាក់ងារជម្រុញពាណិជ្ជកម្មព្រមទាំងការវិនិយោគកូរ៉េខាងត្បូង KOTRA ចាត់តាំងសន្និបាតជម្រុញការវិនិយោគព្រមទាំងពាណិជ្ជកម្មខេត្ត Hung Yen។

វៀតណាម - ម៉ូរីតានីជម្រុញកិច្ចសហប្រតិបត្តិការកសិកម្ម ទូរគមនាគមន៍ព្រមទាំងការធ្វើអាជីវកម្មរ៉ែ

យុគសម័យ - ថ្ងៃទី ១៦ ខែកក្កដា នៅឯរាជធានី Hanoi រដ្ឋមន្ត្រីការបរទេស លោក Le Hoai Trung ព្រមទាំងជារដ្ឋមន្ត្រីនិងជាអគ្គលេខាធិការរដ្ឋាភិបាលម៉ូរីតានី លោក Moctar Al Housseynou Lam បានផ្លាស់ប្តូរមតិអំពីបណ្តាវិធានការជម្រុញទំនាក់ទំនងទ្វេភាគី នៅក្នុងនោះយកចិត្តទុកដាក់លើការទាញយកសក្តានុពលសហប្រតិបត្តិការនៅក្នុងបណ្តាវិស័យកសិកម្ម ទូរគមនាគមន៍ ការធ្វើអាជីវកម្មរ៉ែព្រមទាំងវិស័យមួយចំនួនដែលភាគីទាំងពីរមានប្រៀបខ្លាំង។

វៀតណាម - ក្រិកជម្រុញទំនាក់ទំនងសហប្រតិបត្តិការជាក់ស្តែងព្រមទាំងមានប្រសិទ្ធភាព

យុគសម័យ - ជានារសៀលថ្ងៃទី ១៧ ខែកក្កដា នៅឯទីស្តីការក្រសួងការបរទេស សមាជិកការិយាល័យនយោបាយព្រមទាំងជាការបរទេស លោក Le Hoai Trung បានជួបចរចាជាមួយនិងរដ្ឋមន្ត្រីការបរទេសនៃសាធារណរដ្ឋក្រិក លោក George Gerapetritis ដែលកំពុងបំពេញទស្សនកិច្ចផ្លូវការនៅវៀតណាម។ ភាគីទាំងពីរបានផ្លាស់ប្តូរមតិអំពីបណ្តាវិធានការក្នុងគោលបំណងនាំឱ្យទំនាក់ទំនងមិត្តភាពព្រមទាំងសហប្រតិបត្តិការវៀតណាម - ក្រិកកាន់តែអភិវឌ្ឍន៍ជាក់ស្តែងព្រមទាំងមានប្រសិទ្ធភាពពីមួយថ្ងៃទៅមួយថ្ងៃ។