នាថ្ងៃទី ២៩ ខែតុលា នៅច្រកទ្វារព្រំដែនអន្តរជាតិ Moc Bai ខេត្ត Tay Ninh បញ្ជាការដ្ឋានកងទ័ពការពារព្រំដែន នៃក្រសួងការពារប្រទេសវៀតណាមបានជួបប្រជុំជាមួយអគ្គស្នងការដ្ឋាននគបាលជាតិ និងអគ្គនាយកដ្ឋានអន្តោប្រវេសន៍ នៃក្រសួងមហាផ្ទៃកម្ពុជា។ លោកឧត្តមសេនីយ៍ត្រី Le Duc Thai មេបញ្ជាការកងទ័ពការពារព្រំដែនវៀតណាម និងលោកនាយឧត្តមសេនីយ៍ នេត សាវឿន អគ្គស្នងការនគរបាលជាតិ នៃព្រះរាជាណាចក្រកម្ពុជា អញ្ជើញជាសហអធិបតីនៃកិច្ចប្រជុំនេះ។
ទិដ្ឋភាពនៃកិច្ចប្រជុំ
នៅឯកិច្ចប្រជុំ ភាគីទាំងពីរបានវាយតម្លៃថា កងទ័ពប្រជាជនវៀតណាម និងកងកំលាំងប្រដាប់អាវុធកម្ពុជានិយាយរួម បញ្ជាការដ្ឋានកងទ័ពការពារព្រំដែន នៃក្រសួងការពារប្រទេសវៀតណាម និងអគ្គស្នងការដ្ឋាននគបាលជាតិ អគ្គនាយកដ្ឋានអន្តោប្រវេសន៍ ក្រសួងមហាផ្ទៃ នៃព្រះរាជាណាចក្រកម្ពុជានិយាយដោយឡែក មានទំនាក់ទំនងមិត្តភាពជាប្រពៃណី ហើយកិច្ចសហប្រតិបត្តិការក្នុងការគ្រប់គ្រងព្រំដែន រក្សាសន្តិសុខ និងសណ្តាប់ធ្នាប់នៅតាមតំបន់ព្រំដែនត្រូវបានពង្រឹង និងពង្រីកជានិច្ច។ ចាប់តាំងពីដើមឆ្នាំ ២០២០ រហូតមកទល់បច្ចុប្បន្ននេះ ភាគីទាំងពីរបានសម្របសម្រួលគ្នាបំពេញបែបបទចេញចូលសម្រាប់ភ្ញៀវចំនួន ១,០១៧,៨៧២ លើក រថយន្តចំនួន ៣៨,៥៨៥ លើក និងទំនិញរាប់ពាន់តោន។ ភាគីទាំងពីរក៏បានផ្តល់យោបល់ជូនថ្នាក់លើក្នុងការដំឡើងច្រកទ្វារព្រំដែន និងអនុវត្តកិច្ចព្រមព្រៀងដែលបានចុះហត្ថលេខាដោយរដ្ឋាភិបាលនៃប្រទេសទាំងពីរ និងសហការប្រកបដោយប្រសិទ្ធភាពក្នុងការប្រយុទ្ធប្រឆាំងនឹងជំងឺរាតត្បាត Covid-19 ។
នៅក្នុងកិច្ចប្រជុំនេះ ភាគីទាំងពីរបានឯកភាពលើបញ្ហាមួយចំនួនដែលចាំបាច់ត្រូវពង្រឹងកិច្ចសហប្រតិបត្តិការនាពេលខាងមុខដូចជា៖ ការគ្រប់គ្រងព្រំដែន ការគ្រប់គ្រងច្រកទ្វារព្រំដែន ការរក្សាសន្តិសុខ និងសណ្តាប់ធ្នាប់នៅតាមតំបន់ព្រំដែន ការយាមល្បាតទ្វេភាគី និងការត្រួតពិនិត្យយ៉ាងតឹងរឹងនូវរាល់សកម្មភាពឆ្លងដែន រួមទាំងការចែករំលែកព័ត៌មានស្តីពីការប្រយុទ្ធប្រឆាំងនឹងបទឧក្រិដ្ឋកម្ម និងការបង្ការប្រយុទ្ធប្រឆាំងនឹងជំងឺរាតត្បាតកូវីដ១៩ ផងដែរ៕
（ប្រភពព័ត៌មាន: kh.qdnd.vn）
មតិពីមិត្តអ្នកអាន