យុគសម័យ - នាព្រឹកថ្ងៃទី ១៦ ខែកក្កដា លោក ចាយណាវុធ ឯកអគ្គរាជទូតនៃព្រះរាជាណាចក្រកម្ពុជាប្រចាំវៀតណាមបានអញ្ជើញមកទស្សនានិងជួបសំដែងការគួរសមជាមួយថ្នាក់ដឹកនាំនៃមេបញ្ជាការដ្ឋានកងទ័ពការពារព្រំដែនខេត្ត Tay Ninh។
លោក ចាយណាវុធ ឯកអគ្គរាជទូតនៃព្រះរាជាណាចក្រកម្ពុជាប្រចាំវៀតណាមបានអញ្ជើញមកទស្សនានិងជួបសំដែងការគួរសមជាមួយថ្នាក់ដឹកនាំនៃមេបញ្ជាការដ្ឋានកងទ័ពការពារព្រំដែនខេត្ត Tay Ninh
ក្នុងជំនួបនេះ លោក ចាយ ណាវុធ បានសម្តែងនូវសេចក្តីសប្បាយរីករាយដោយបានទទួលការស្វាគមន៍យ៉ាងកក់ក្តៅពីថ្នាក់ដឹកនាំនៃមេបញ្ជាការដ្ឋានកងទ័ពការពារព្រំដែនខេត្ត Tay Ninh ព្រមទាំងថ្លែងអំណរគុណជូនជំពោះអាជ្ញាធរនិងប្រជាជនខេត្ត Tay Ninh ដែលបានផ្តល់ជំនួយឧបត្ថម្ភទាំងខាងសម្ភារៈនិងបច្ចេកទេសលើគ្រប់វិស័យដល់ប្រជាជននិងកងកម្លាំងប្រដាប់អាវុធកម្ពុជាដើម្បីបំពេញភារកិច្ចរបស់ខ្លួនក្នុងការគ្រប់គ្រងនិងការពារព្រំដែនក្នុងរយៈពេលកន្លងមក ជាពិសេសក្នុងការការពារនិង ទប់ស្កាត់មឹងការរីករាលដាលនៃជំងឺកូវីដ១៩ នៅកម្ពុជាផងដែរ។ទន្ទឹមនឹងនេះភាគីកម្ពុជាសង្ឃឹមថាទំនាក់ទំនងអ្នកជិតខាងល្អនឹងត្រូវបានពង្រឹងនិងអភិវឌ្ឍបន្ថែមទៀតលើគ្រប់វិស័យ ដើម្បីរួមគ្នាគ្រប់គ្រងនិងកសាងព្រំដែនប្រកបដោយមិត្តភាព សន្តិ ភាពនិងស្ថិរភាព ក៏ដូចជាដើម្បីការអភិវឌ្ឍប្រកបដោយចីរភាពផងដែរ។
ទន្ទឹមនឹងនេះដែរ លោកវរសេនីយ៍ឯក Le Hong Vuong តាងនាមកងទ័ពការពារព្រំដែនខេត្ត Tay Ninh បានថ្លែងអំណរគុណដល់ឯកអគ្គរាជទូតនៃព្រះរាជាណាចក្រកម្ពុជាប្រចាំវៀតណាមចំពោះការយកចិត្តទុកដាក់និងមនោសញ្ចេតនាពិសេសរបស់លោកចំពោះអង្គភាព ហើយក៏បានសង្ខេបអំពីលទ្ធផលសកម្មភាពនៃកងទ័ពការពារព្រំដែនខេត្ត Tay Ninh ក្នុងរយៈពេលកន្លងមកផងដែរ។អង្គភាពបានសហការជាមួយកម្លាំងការពារព្រំដែនកម្ពុជាឱ្យបានទាន់ពេលវេលាជាពិសេសក្នុងការទប់ស្កាត់ជំងឺរាត ត្បាតកូវីដ១៩។ រហូតមកទល់ពេលនេះ ភាគីទាំងពីរបានសម្របសម្រួលគ្នាបានល្អលើគ្រប់វិស័យដោយបានអនុវត្តនូវវិធានការយ៉ាងមានប្រសិទ្ធភាពក្នុងការបង្ការនិងទប់ស្កាត់ជម្ងឺរាតត្បតដែលមិនធ្វើឲ្យជម្ងឺនេះឆ្លងកាត់តាមតំបន់ព្រំដែនគ្នាទៅវិញទៅមក។
នាពេលខាងមុខ អង្គភាពនឹងបន្តអនុវត្តផែនការគ្រប់គ្រងការការពារព្រំដែននិងបង្ការការរីករាលដាលនៃជំងឺឆ្លងតាមតំបន់នានា ដោយរួមចំណែកជំរុញការអភិវឌ្ឍសេដ្ឋកិច្ចនិងពាណិជ្ជកម្មនៅតាមតំបន់ព្រំដែន ដើម្បីបង្កលក្ខខ័ណ្ឌអំណោយផលសម្រាប់ជីវភាពរស់របស់ប្រជាជនតាមតំបន់ ព្រំដែនកាន់តែល្អប្រសើរឡើងនិងមានសុភមង្គលពីមួយថ្ងៃទៅមួយថ្ងៃ៕
（បកប្រែដោយ ហេងវុធ្ធី）
（ប្រភពព័ត៌មាន: bienphong.com.vn）
មតិពីមិត្តអ្នកអាន