យុគសម័យ - ថ្មីៗនេះ ក្រុមការងារខេត្ត Gia Lai បានប្រគល់អង្ករចំនួន ១.៤០០ គីឡូក្រាម មីចំនួន ១៤០ កេស ជែលលាងដៃសម្លាប់មេរោគចំនួន ៦២៤ ដប និងម៉ាស់ចំនួន ៤.១២៥ ដែលប្រគល់ជូនដល់សមាគមខ្មែរ - វៀតណាម នៅខេត្តរតនគិរីនៃព្រះរាជាណាចក្រកម្ពុជា។
ទិដ្ឋភាពនៃពិធីប្រគល់អំណោយ។
នៅច្រកព្រំដែនអន្តរជាតិ Le Thanh ស្រុក Duc Co ខេត្ត Gia Lai ក្រុមការងារ នៃគណៈកម្មាធិការមជ្ឈិមរណសិរ្សមាតុភូមិវៀតណាមបានសហការជាមួយមន្ទីរកិច្ចការបរទេស មន្ទីរសុខាភិបាល សម្ព័ន្ធសមាគមមិត្តភាពវៀតណាម នៅខេត្ត Gia Lai មានការប្រជុំជាមួយអាណិកជនវៀតណាមដែលរស់នៅ នៅខេត្តរតនគីរីនៃព្រះរាជាណាចក្រកម្ពុជា។
ថ្លែងនៅក្នុងការប្រជុំនេះ លោកប្រធានសមាគមខ្មែរ - វៀតណាមនៅខេត្តរតនគិរីPham Van Ninh បានជូនដំណឹងអំពី ស្ថានភាពរស់នៅរបស់គ្រួសារចំនួន ៦២៤ គ្រួសារ ក្នុងនោះមានជនជាតិវៀតណាមជាង ១.៣០០ នាក់នៅខេត្តជាប់ព្រំដែននៃព្រះរាជាណាចក្រកម្ពុជា។ លោក Ninh បានមានប្រសាសន៍ថា “ ប្រជាជនវៀតណាមនៅប្រទេសកម្ពុជាចំនួន ៩០ ភាគរយត្រូវជួលផ្ទះ ហើយពួកគេភាគច្រើនធ្វើការស៊ីឈ្នូលនិងចិញ្ចឹមជីវិត។ ក្នុងអំឡុងពេលដែលអនុវត្តវិធានការរក្សាគម្លាតសង្គម នៅកម្ពុជា បងប្អូនប្រជាជនវៀតណាមនៅទីនេះត្រូវបានប៉ះពាល់យ៉ាងខ្លាំង។ ជាងនេះទៅទៀត ម្ចាស់ផ្ទះមិនបន្ថយថ្លៃជួលផ្ទះទេ ដូច្នេះគ្រួសារជនជាតិវៀតណាមជាច្រើនកាន់តែពិបាកថែមទៀត” ។
យោងតាមលោក Ninh ក្នុងចំណោមគ្រួសារជនជាតិវៀតណាមនៅខេត្តរតនគិរីមាន ចំនួន ៦២៤ គ្រួសារ មាន ១៤០ គ្រួសារជួបស្ថានភាពលំបាក និងជាង ១០ គ្រួសារគ្មានការងារធ្វើ។
លោកស្រីអនុប្រធានគណៈកម្មាធិការរណសិរ្សមាតុភូមិវៀតណាម នៅខេត្ត Gia Lai បានអះអាងថា៖ “ សមាគមខ្មែរ - វៀតណាមនៅខេត្តរតនគិរី គឺជាសមាជិកមួយរបស់គណៈកម្មាធិការមជ្ឈិមរណសិរ្សមាតុភូមិវៀតណាម។ ទោះបីជាពួកគេនៅឆ្ងាយពីប្រទេសវៀតណាមក៏ដោយ ប៉ុន្តែពួកគេទាំងអស់គ្នាមានស្រុកកំណើតរួមដែលជាវៀតណាមដែរ។ ដូច្នេះអាណិកជនវៀតណាមនៅបរទេសកុំព្រួយ ដោយមានបក្សរដ្ឋាភិបាលរ អង្គការ អង្គភាពអាជីវកម្មនានា នៅក្នុងប្រទេសដែលអមដំណើរនិងគាំទ្រប្រជាជនឱ្យមានអារម្មណ៍ថា មានសុវត្ថិភាពនៅក្នុងជីវិត។ ឥឡូវនេះ ស្ថានភាពរស់នៅដ៏ពិបាក ប៉ុន្តែយើងគួរតែសប្បាយចិត្ត ព្រោះនៅក្នុងគ្រាដែលជំងឺ Covid-19 រីករាលដាល ប្រជាជនវៀតណាមនិងប្រជាជនកម្ពុជានៅតែមានសុវត្ថិភាពនិងសុខភាពល្អ”។
ទិដ្ឋភាពនៃការជួបជុំរវាងក្រុមការងារនិងសមាគមន៍ជនខ្មែរ - វៀតណាម នៅខេត្តរតនគិរី ។
ទទួលបានអំណោយ លោកប្រធានសមាគមខ្មែរ - វៀតណាម នៅខេត្តរតនគិរី Pham Van Ninh បានមានប្រសាសន៍ថា“ ដោយការយកចិត្តទុកដាក់របស់បក្សនិងរដ្ឋជា ពិសេសគឺស្ថានទូតវៀតណាម ប្រចាំនៅព្រះរាជាណាចក្រកម្ពុជា គណៈកម្មាធិការបក្សខេត្ត Gia Lai គណៈកម្មាធិការប្រជាជនខេត្ត គណៈកម្មាធិការរណសិរ្សមាតុភូមិខេត្ត និងជនរួមជាតិនៅឯបរទេស
យើងមានសំណាងដែលទទួលជំនួយខាងស្មារតីនិងសម្ភារៈ។ នៅពេលពួកយើងឈឺ ពួកយើងត្រូវបានអនុញ្ញាតឱ្យទៅស្រុកកំណើត ដើម្បីទទួលការព្យាបាល ... យើងខ្ញុំពិតជារំភើបចិត្តនិងមោទនភាពខ្លាំងណាស់” ./.（បកប្រែដោយឌីណា）
（ប្រភពព័ត៌មាន: thoidai.com.vn）
មតិពីមិត្តអ្នកអាន